Ayyukan AYYUKAN MANZANNI
AYYUKAN MANZANNI
Mbu Kwaasǝ Luka nyor sǝ Likarkar wa ɓa
Ɓaa ɓǝ maa sǝ mbuka ɓa, ɓǝ yawan ɓǝ nkee me Luka ǝn sik siko ɓahone Bulus ya yǝ nyor likarkar Ayyukan Manzanni wa ma ɗǝm likarkar Luka wa, (A sengge Ayyukan Manzanni A. M 16.10-17, 20.5-15, 21.1-18, 27.1-28.16) Senta ɓeta ta ɓaa ɓol ɓol a mara fer ɓaa nyorsǝ likarkar wa ɓa. Ɓaata ɓǝ yawan me ɓǝ nkee me a ɓaa nyor a fer fino ma likarkar Luka wa. Mbu kwaasǝ a nyor likarkar wa ɓa ǝn siso, me a na Tiyofilus tentǝra mara a ɗuura ɓaa taa sǝ ɓan bǝɗ Yeso ɓa u ntiiri wa. Likarkar kawa ɗǝm yǝ weɗa ntiiri ɓaa taa sǝ ɓan bǝɗ Yeso ɓa ɗaan a ɓaa Yahudawa ɓa ni a Urshalima, pa a kan a ɓaa ɓǝn Yahudawa ra ɓa, hana na a put taandi wa. A fersiso ɓaa too bǝɗ Kaa ɓa nga ɓaa ɓǝsǝ ma ɗuura kwakwa ɓa a ɓaa ɓǝsǝ a kuɓsutu ɓa. Siso mbu kwaasǝ ɓaa nyor likarkar wa ɓa, me a nkweetǝ ɓan bǝɗ Kaa sǝsa. Likarkar Ayyukan Manzanni kaɗ nga pampamre a tinima Yeso yǝ tomsǝ ma a fer yǝsǝ a put taandi wa ɓa, ma ɗǝm tinim sa ɓahona ɓǝ faɗsǝ wiiyo ma tommo wa. Wis ɗekɗek wa yǝ tom maa tinima ya ma lau na kwangto ɓahona a nkee mara kwalari ra wa. Likarkar kawa yǝ weɗa ɗekɗek to ɓong a ɗuura siko ma tinima u Bitrus ma Bulus ma ɓaata ɓahona ɓa. Mara kwalari a kan hana na, ɓeta ɗǝm ɓǝn na ɓongtǝra, pa ɗǝm se wiiyo wa, ǝn wo ma wee kongsa wa dem. Mbu ɓǝsǝ ɗaan ɓa:
Ɗǝɗa ka nkee mara kwalari ra 1:1-26
Nkee mara kwalari ra a Urshalima 2:1-8:3
Mara kwalari ra a put Yahudiya ma Samariya wa 8:4-12:25
Siko Bulus u ntiiri wa a nkee mara kwalari ra wa 13:1-14:28
Kwauwo wiina ɓaa ɓǝn bǝɗ sǝ Kaa ɓa a Urshalima 15:1-35
Siko Bulus u raɓte wa me nkee mara kwalari ra wa 15:36-18:22
Siko Bulus u taatǝn wa me nkee mara kwalari ra wa 18:23-21:16
Ɓaa ma Bulus Urshalima 21:17-23:22
Ɓaa neu Bulus a Kaisariya 23:23-26:32
Ɓaa ko ma Bulus a Roma 27:1-28:31
Zur Zeit ausgewählt:
Ayyukan AYYUKAN MANZANNI: LLA
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
©2023 Seed Company in collaboration with Language Developers and Bible Translators Association