Инус 2

Инус Тхьэм зэрелъэӀуар

1Зиусхьэным и ӀэмыркӀэ Инус бдзэжьеишхуэм иригъэлъэтэхри, абы и кӀуэцӀым жэщищрэ махуищкӀэ исащ.

2Бдзэжьейм и кӀуэцӀым здисым, Зиусхьэну и Тхьэм елъэӀуащ Инус:

3– Гузэвэгъуэшхуэм сыхэту сынолъэӀуати,

дэӀэпыкъуэгъуншэу сыкъэбгъэнакъым.

Хьэдрыхэм и гущӀэм силъу сыноджати сызэхэпхащ.

4Хым и кууупӀэм сыхэбдзэри,

псы уэрхэр къыстебгъэджэлат,

Уи толъкъун ябгэхэр си щхьэщыгум щызекӀуэт.

5СигукӀэ жысӀащ абы щыгъуэ:

«Уи щӀыб къысхуэбгъэзауэ гу къыслъыптэжкъым,

ИтӀанэми уи Унэ лъапӀэр иджыри слъагъунущ».

6Псым сыщӀилъафэри,

кууупӀэ щӀэншэм сыщӀэтӀысыкӀат,

псыхэкӀэ удзхэм си щхьэм зыкърашэкӀат.

7Бгым и лъабжьэм сыщӀэхуэри,

игъащӀэкӀэ сыкъыщӀэмыкӀыфыну

щӀым сыщӀихъумат.

Ауэ Уэ, Зиусхьэну си Тхьэ,

а псэзэпылъхьэпӀэм псэууэ сыкъыхэпшащ!

8Зиусхьэн, си псэр пыт къудейуэ,

сигу укъэкӀыжри,

зыныщыпхуэзгъазэм, си лъэӀур зэхэпхащ,

уи Унэ лъапӀэм нэсащ.

9Тхьэ нэпцӀхэр зыгъэлъапӀэхэм къыпхуаӀэн хуей пэжыгъэр ӀэщӀыб ящӀащ.

10Ауэ сэ, фӀыщӀэ пхуэсщӀыурэ,

къурмэн пхуэзукӀынущ,

узэрызгъэгугъар згъэзэщӀэнущ.

Зиусхьэныращ дыкъезыгъэлыр!

11Абы иужькӀэ, Зиусхьэным бдзэжьейр къигъэжьыкхъури, Инус ныджэм къытрыригъэдзэжащ.

Zur Zeit ausgewählt:

Инус 2: АдгФЛ

Markierung

Kopieren

Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.

Beliebte Verse in
Инус 2