Mateo ilisant'iyijpe
ilisant'iyijpe
Mateo i'winkints'e'm ti Jesús jla'am siunie Injwajieti ti Sinia' jijliujwanik siunie Sinia' iyoyi ji'niayija' siunie pajk'i ti ijwilt'ijiampe napo jika kia'lis.
Siu'neje ti nak it'imina ti kasts'ajane pa awonaja ti Jesús yijijyi'n japa Belén (1.18 yiyi jana 2.12). Jak je iyoyiji ti itij'wisia'm puwa treinta najkapis, sekyi'i ti ja tiniejiena, siu'neje ti imosik jikajejlasaye yi'ne. Jak je iyo siuti yama 'niji itimayi, 'yina wakal siunie jawoyi ti jankijme'n ti janekiji siunie Sinia' jika'niye ti 'es napo i'nio', jla'yi ti ja'neyasaneje'n, siu'neje ti janjwajieteje'n siuniwa jiliaye iyo (4.12 yiyi jana 18.35).
Paja'ni wat ti yamat'ipi ti ijiojwa'm japa Jerusalén ti taj'le siojopa Galilea, jakayi ti iyoyeyi siukia iyo ti inilayit, 'yina 'ya'al ti yi' ape'e japa cruz (capítulo 19 yiyi jana 28). Itij'wisia'm kiwa jlomas najape sekyi'i iniu kisie'e ti tajla'm ni a'no'.
Mateo ikajanit'i ape'e sik'ioye ti Jesús jla'am ti saka'neyasajnayewo siunie ti ijiate, “kajeyepa ti siuti 'yiyasajne'n ikaja'a ti jijweye po'” (7.28-29). Siunie ti iyo jika'neyasajnayeja' naka Sinia' jika anechijiayas.
Jlampet siojona capítulo 5 yiyi jana 7 pakayi pet siupa ti iyo jlamtikie ape'e japa tikijnaki. Ti ijwi'il siuniwa ti jikap'ijliuskiye ti 'es ti yi'ne napo jika kia'lis, siu'neje ni 'es ka woyisi.
Mateo pak Jesús t'eyasanik. Siuti Jesús tanat'iyipi pa Mateo, jlam'ne pakat'ipi ti isi'm ilia'm puwa inkat'ijnieyejes ti tojwataja'm japa Roma. Iliyi'ne pa jikijmaye, sekyi'i yamak'i pa Jesús ti je paj kanlek'i (9.9).
Zur Zeit ausgewählt:
Mateo ilisant'iyijpe: CRT97
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Nuevo Testamento en Chorote © Sociedades Biblicas Unidas, 1997.