Htû̌sò̌htò̌ 70
70
Ta̤kwicabahtò̌ dǒ ta̤ma̤jè̌ aya
(Htû̌sò̌htò̌ 40:13-17)
Khwǐdawi̤ ata̤sǎwǐ htû̌sò̌htò̌. Ta̤sǎwǐ numî̌ pwa̤sǎwǐ ta̤ aikǒlǒkòdû̌ dě ta̤lṳhtò̌hôkû nutokhlǒ aya. Dě bǎ akwigwèbǎǐhtò̌ Cǒmara akhanu, a sǎwǐ ta̤sǎwǐ nutôshǒ.
1Ǒ Cǒmaradû̌ ma̤hǎplǎkè phwèmò̌ he.
Ǒ Cǒmara tûjû̌pwa̤ hèma̤jè̌ phwèphwè mò̌ he.
2Kòyò dǒ a kè̌shuǐ ma̤si he tokhlǒnu, no shòwò̤̌ htò̌shôpe̤shônǎ kèbò tûû̌ asî.
Kòyò dǒ a sǎyṳ nopî̌nolṳ̂̌kè he tokhlǒnu, no shòwò̤̌ tîkhlî̌ lògesô̌ bò asî.#Htû̌sò̌htò̌ 35:4, 35:25
3Kòyò dǒ a hî̌ he kû̌, “Grǔ, grǔ” tokhlǒnu, no khlè̌gesô̌bò asî kû̌ ta̤shòwò̤̌ pě nî̌.
4Bǎbǎkǎlè, kòyò dǒ a kè̌shuǐ na tokhlǒnu, a gǔ sǎlě̤sǎlò̤ sû̌mô̤sò̌mô̤ bò.
Kòyò dǒ a mô̤nǐ̤ nata̤ma̤hǎplǎge tokhlǒnu, a gǔ hî̌ pô̤̌ lô̌khô kû̌, “Htû̌sò̌htò̌ Cǒmaradû̌,” pô̤̌nu pṳ̂̌plǎplǎ pě.
5Ǒ Cǒmaradû̌ he mî̌ kòyò dǒ kòyò pè̤̌ǎpè̤̌ô lû̌û.
He ô̌shuphǔshèwè akhû̌akhî, hèphwè mò̌ dǒ heô̌.
Na mî̌ pwa̤ma̤jè̌ he, pwa̤ma̤hǎplǎ he.
Ǒ Cǒmara tûjû̌pwa̤, kèsò̌ tǎ̤mǎ̤.
Zur Zeit ausgewählt:
Htû̌sò̌htò̌ 70: KXF
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Wycliffe USA