Htû̌sò̌htò̌ 67
67
Ta̤hî̌bwǐhî̌sîrî lî̤sǎwǐhǎwô
Khwǐdawi̤ ata̤sǎwǐ htò̌sò̌htò̌. Ta̤sǎwǐ numî̌ pwa̤sǎwǐ ta̤ tokhlǒ aikǒlǒkòdû̌ dě ta̤lṳhtò̌hôkû nutôpwa̤ aya. Bǎ sǎwǐ ta̤sǎwǐ akhanu, bǎ dǒ lû̌kû̌ ta̤dǒta̤ǔ dǒ apli̤ô̌ tokhlǒ.
1Ǒ Cǒmaradû̌, sǎyṳgwèbǎǐ mò̌ pa, ǐshôwî̤ pa.
Ikôlṳ̌ mò̌ pa.
2Dě kòyò ô̌ dǒ hǎkhû̌ glè̌ sî̌ganǎ̤ ta̤ dǒ na ma̤hto nutokhlǒ.
Lǒ̤bò kòyò tokhlǒ glè̌ sî̌ganǎ̤ bò na ma̤hǎplǎkè kòyò kû̌ na ta̤sîrîpô̤phǎ.
3Ǒ꤮ Cǒmaradû̌, kòyò khlilèphû̌ tokhlǒ gǔ htû̌sò̌htò̌ bò na nî̌.
Lǒ̤꤮ bò kòyò khlilèphû̌ tokhlǒ htû̌sò̌htò̌ bò pû na nî̌꤮.
4Khlilèphû̌ tokhlǒ sǎlě̤sǎlò̤ pû nî̌.
Asî sǎlě̤sǎlò̤ sǎwǐhtò̌ pû na nî̌.
Ma̤titèhî̌dě na cî̌htò̌cǒ cî̌htò̌tè̤ kòyò hǎkhû̌phû̌.
Lǒ̤꤮ bò kòyò ô̌ dǒ hǎkhû̌ nutokhlǒ, napǒnasûǐ asî.
5Ǒ꤮ Cǒmaradû̌, kòyò khlilèphû̌ tokhlǒ htû̌sò̌htò̌ bò pû na nî̌.
Lǒ̤꤮ bò khlilèphû̌ tokhlǒ htû̌sò̌htò̌ bò pû na nî̌꤮.
6Pa hǎkhû̌nu a glè̌ sǎhtò̌phôhtò̌ wô̌tè̤̌sǐ pě.
Cǒmaradû̌ dǒ amè̤̌kû̌ pa Cǒmara nutôpwa̤ ǐshôwî̤ pû pa nî̌꤮.
7Cǒmaradû̌ ǐshowî̤ pa akhû̌akhî, lǒ̤꤮ bò kòyò ô̌ dǒ hǎkhû̌ pṳ̂̌꤮tôkû ǐsha bè̌dubè̌nǎ̤ bò pû lû̌û nî̌꤮.
Zur Zeit ausgewählt:
Htû̌sò̌htò̌ 67: KXF
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Wycliffe USA