Htû̌sò̌htò̌ 47
47
Cǒmaradû̌ mî̌ pwa̤pǒ dǒ adû̌lǒ
(Khwǐ awǐlǒ tôbǎ 8:1-13)
Phakû̌rǐ akhlialè tokhlǒ ata̤sǎwǐ htû̌sò̌htò̌. Dě ta̤sǎwǐ numî̌ pwa̤sǎwǐ ta̤tokhlǒ aikǒlǒlò kû̌ ta̤lṳhtò̌hôkû nutôtô̤̌ aya.
1Ǒ꤮ khlilèphû̌ lǒ̤꤮ bò sî, plǎ̤ sîcǔde, sǎlě̤sǎlò̤ kaǎgǔ htû̌sò̌htò̌ Cǒmaradû̌.
2Cǒmara tûjû̌pwa̤ dǒ adû̌ahtûlǒ tôpwa̤ numî̌ ǐsha gònò̤̌gèglè mè̤mè̤̌. #Dǒhtû̌ǐ 7:21
A mî̌ hǎkhû̌běkhû̌ akhwǐdû̌.
3A ma̤pè̤̌ bò bǎ pa kòyò tokhlǒ.
A no yî̤lò̤kè pa kû̌ khlilèphû̌ tokhlǒ dǒ pakhǎlǎlǎ̤.
4A rû̌lǎphǐhtò̌ htobǎ pashigǎ dǒ paû̌cata̤ya aya.
Dǒ a mô̤nǐ̤ Phayakû#47:4 Hebrǔyô̤̌ hî̌kû̌ Phayakû numî̌ Phayakû mî̌ amè̤̌, Îsôrěla akhlialè mî̌ amè̤̌ jòjò. akhû̌akhî, gǎ nutôgǎ mî̌ PhaIsôrělaphû̌ tokhlǒ lǎ̤phǐdû̌phǐhtò̌yô̤̌ akòshî̌kòtṳ̌.
5Bǎ Cǒmaradû̌ cû̌htò̌ dǒ ta̤lṳhtò̌hôkû akhanu, kòyò sǎlě̤sǎlò̤ yî̤̌kǒhtò̌ bò Cǒmara tûjû̌pwa̤.
Kòyò ǔhtò̌bò tǐtǔtegwe.
6Sǎwǐhtûsò̌htò̌ mò̌, sǎwǐhtûsò̌htò̌ mò̌ Cǒmaradû̌.
sǎwǐhtûsò̌htò̌ mò̌, sǎwǐhtûsò̌htò̌ mò̌ pakhwǐdû̌.
7Cǒmaradû̌ mî̌ hǎkhû̌ tôbǎbò akhwǐdû̌, #Shakhrǐya 14:9 sǎwǐ htû̌sò̌htò̌ mò̌ a kû̌ lî̤hǎwô.
8Cǒmaradû̌ hǎnòò̌ô̌ dǒ agògǒhtò̌yô̤̌lǒ plò̌shǐkhû̌.
A pǒǐbò kòyò tokhlǒ.#Lî̤wě̤mǎnǎ awǐlǒ tôbǎ 16:31
9Khlilèphû̌ aikǒlǒkò tokhlǒ hè ô̌plǒô̌htu bò kû̌ PhaAbraha a Cǒmara akòyò.
Hǎkhû̌běkhû̌ aikǒlǒkò tokhlǒnu, aô̌pwǎ dǒ Cǒmaradû̌ ata̤pǒ alǎ̤.
Cǒmara mî̌ kòyò bè̌dû̌bè̌htò̌yô̤̌ lû̌û.
Zur Zeit ausgewählt:
Htû̌sò̌htò̌ 47: KXF
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Wycliffe USA