Htû̌sò̌htò̌ 126

126

Ta̤kwicaba dǒ ta̤ma̤hǎplǎge aya

Bǎ kòyò tokhlǒ ihtǒ lô̌khô dě Wî̤̌yarǔshôle ta̤lṳhtò̌hôkû akhanu, a sǎwǐ lô̌khô ta̤sǎwǐ nutoshǒ.

1Cǒmara tûjû̌pwa̤ kaǎge tîkhîsô̌ pa bǎ Wî̤̌sǐû pěnu, pa gènè̤ bǎ tôkhò̌꤮ tô̤̌.

2Pa sǎyǎ̤ sǎlě̤sǎlò̤ sǎwǐsǎshô̌ bò.

Khlilèphû̌ dǒ ashǔshawa̤ tokhlǒ hî̌ lô̌khô kû̌, “Cǒmara tûjû̌pwa̤ ma̤ bǎ mî̌ca asînu acô̌klî̌cô̌sè mî̌ca.”

3Cǒmara tûjû̌pwa̤ ma̤ ta̤cô̌klǐcô̌sè dǒ paya.

Pa sǎlě̤sǎlò̤ mî̌ca.

4Ǒ꤮ Cǒmara tûjû̌pwa̤, pô̤̌ shilô̤̌phû̌ tokhlǒ ma̤jè̌ bǎ gesô̌ gǎshashigǎkhû̌nu, kaǎtîkhî sô̌ pa kòyò dǒ kòyò pṳ̂̌cû̌kè lû̌ûnu.

5Kòyò dǒ a shǒǐma̤ǐ ta̤khli kû̌ mǐ̤sǎshi tokhlǒnu,

A kǎgeǐ sô̌ ta̤sǎta̤phô kû̌ ta̤sǎlě̤sǎlò̤.

6Kòyò dǒ a hǎhtò̌cû̌ kû̌ ta̤hǎta̤wô dě a cû̌wǐ̤lò̤ ta̤khli tokhlǒ nu,

A sǎlě̤sǎlò̤ phǐgenṳ̌ sô̌ mè̤̌caca sǒsusǒsǎ.

Zur Zeit ausgewählt:

Htû̌sò̌htò̌ 126: KXF

Markierung

Kopieren

Vergleichen

Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.

Beliebte Verse in
Htû̌sò̌htò̌ 126