Htû̌sò̌htò̌ 124
124
Cǒmara takabǐnṳ̌ a kòyò
Bǎ kòyò tokhlǒ ihtǒ lô̌khô dě Wî̤̌yarǔshôle ta̤lṳhtò̌hôkû akhanu, a sǎwǐ lô̌khô ta̤sǎwǐ hǒtôshǒ. Khwǐdawi̤ ata̤sǎwǐ htò̌sò̌htò̌.
1Cǒmara tûjû̌pwa̤ kè̌ ô̌ dǒ pa tôkhô tô̤̌ mî̌, a htûhtò̌ kèbò hětè? No hî̌tîkhî sô̌ Isôrě̤laphû̌ tokhlǒ. 2-3Bǎ pwa̤sǎkhě pa tokhlǒ hèshě pa dě asî sǎphlǒdû̌ jî̌jî̌ pa akhanu, Cǒmara tûjû̌pwa̤ kè̌ ô̌ dǒ pa tôkhô tô̤̌ mî̌, pa sibò sô̌sô̌kû̌ ta̤mi̤ta̤mò̤̌ û̌yṳ̂genṳ̌ sahtûpwa̤bò pa nu.
4Asî ma̤pî̌ma̤lṳ̂̌ panu asô̌sô̌kû̌ shidû̌ pěpǒshû̌ plǒbǐ bòkè pa.
5Shilò̤shû̌lò̤sho htû̌lûcû̌ kèbò pa.
6Cǒmara tûjû̌pwa̤ no ě htò̌yè̌htò̌pò̌ pa kû̌ pwa̤sǎkhě pa nutokhlǒ tô̤̌ akhû̌akhî, htû̌sò̌htò̌ lô̌khô yǎ.
7Pa hǎplǎbò sô̌sô̌kû̌ htû̌ hǎplǎkè dǒ pwa̤lṳ̂ta̤mi̤ ayṳglǒkû.
Yṳglǒ la̤gǎ kèbò dě pa hǎplǎkè.
8Ta̤ma̤jè̌ dǒ paya numî̌ a hè dǒ Cǒmara tûjû̌pwa̤ amè̤̌kû̌ pwa̤ dǒ a bô̌lò̤ mǒkhû̌ kû̌ hǎkhû̌ nutôpwa̤ a ô̌.
Zur Zeit ausgewählt:
Htû̌sò̌htò̌ 124: KXF
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Wycliffe USA