Htû̌sò̌htò̌ 122
122
Ta̤sǎwǐ htû̌sò̌htò̌ kû̌ ta̤kwicaba dǒ Wî̤̌yarǔshôle aya
Bǎ kòyò tokhlǒ gehtò̌ lô̌khô dǒ Wî̤̌yarǔshôle ta̤lṳhtò̌hôkû akhanu, a sǎwǐ lô̌khô ta̤sǎwǐ nutôshǒ. Khwǐdawi̤ ata̤sǎwǐ htû̌sò̌htò̌.
1“Pa cû̌wô̤̌wô̤̌ lû̌û dǒ Cǒmara tûjû̌pwa̤ ahǐ tǎ꤮,” kòyò hî̌ he pô̤̌nu akhanu, he sǎlě̤sǎlò̤.
2Ǒ꤮ Wî̤̌yarǔshôle, pa ihtǒô̌ dǒ na wî̤̌takhadû̌kû.
3Wî̤̌yarǔshôle mî̌ wî̤̌ dǒ a ô̌měô̌gle dě kòyò ma̤tě̤pro̤ jò lû̌û tô̤̌.
4Isôrě̤la khlilèphû̌ amè̤̌kû̌ Cǒmara tûjû̌pwa̤ a kòyò tokhlǒ hè cubucabahtò̌ lô̌khô bǒo.
Pô̤̌khô Cǒmara tûjû̌pwa̤ ahî̌lò̤ ayô̤̌nu, asî hè hî̌bwǐhî̌sîrî htû̌sò̌htò̌ lû̌mi̤.
5Pwa̤hto ikǒlǒkò̌dû̌ hǎnòò̌ dǒ gògǒhtò̌yô̤̌lǒ akhû̌, a pǒǐta̤ pô̤̌ ata̤hî̌lò̤nu.
A hǎnòò̌ dǒ khwǐdawi̤ akhlialè tokhlǒ agògǒhtò̌yô̤̌lǒ akhû̌.
6Kwicaba bǎ dǒ Wî̤̌yarǔshale lǎ̤ô̌mô̤ô̌bǎ aya.
Kòyò dǒ a mô̤ǐ wî̤̌ nutôwî̤̌ ô̌mô̤ô̌bǎ ô̌lǒô̌be bò nî̌꤮.
7Ta̤ô̌mô̤ô̌phiô̌tû̌ dǒ nawî̤̌we̤dû̌ akû nî̌꤮.
Ta̤tugutakabǐ ô̌ gû̌ nawî̤̌we̤dû̌ kònò akû nî̌꤮.
8Dǒ hehǐphû̌phòphû̌, hekhôbǒsû̌ ayanu, he gǔ hî̌ kû̌, “Wî̤̌yarǔshale gǔ ô̌tû̌ kû̌ ta̤ô̌mô̤ô̌phi nî̌꤮.”
9Dǒ Cǒmara tûjû̌pwa̤, pa Cǒmaradû̌ ahǐ ayanu, he gǔ kwicabahtò̌ dǒ Wî̤̌yarǔshôle gǔ ô̌mô̤ô̌bǎ ô̌lǒô̌be.
Zur Zeit ausgewählt:
Htû̌sò̌htò̌ 122: KXF
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Wycliffe USA