Htû̌sò̌htò̌ 113
113
Ta̤htû̌sò̌htò̌ Cǒmara tûjû̌pwa̤ ata̤ma̤wô̌ tokhlǒ
1Htû̌sò̌htò̌ Cǒmara tûjû̌pwa̤.
Ǒ Cǒmara tûjû̌pwa̤ apwa̤ma̤ta̤phû̌ sî, htû̌sò̌htò̌ mò̌.
Htû̌sò̌htò̌mò̌ Cǒmara tûjû̌pwa̤ ami̤.
2No htû̌sò̌htò̌mò̌ kòyò kû̌ Cǒmara tûjû̌pwa̤ ami̤, sahtò̌ khònò̤̌ hènè tûjû̌pwa̤ talakhǎ pě nî̌.
3Dǒ gǎlṳmṳ̌htò̌ tǒ̤htû̌ gǎlṳmṳ̌nṳ̌ gûlǎ̤ pṳ̂̌tôkû, htû̌sò̌htò̌ Cǒmara tûjû̌pwa̤ ami̤.
4Cǒmara tûjû̌pwa̤ mî̌ a pǒǐbò kòyò khlilèphû̌ lǒ̤bò.
Ata̤bwǐdû̌sîrîhtû nî̌ a htò̌yô̤̌khlo mǒkhû̌.
5Kòyò sô̌sô̌kû̌ Cǒmara tûjû̌pwa̤ amè̤̌kû̌ pa Cǒmaradû̌nu a ô̌ tôpwa̤ tô̤̌.
Kòyò hǎnòò̌ dǒ gûlǎ̤ htò̌yô̤̌ sô̌sô̌kû̌ anu a ô̌ tôpwa̤ tô̤̌tô̤̌.
6A û̌lò̤ kè̌lò̤ mǒlǎ̤ kû̌ hǎkhû̌ akrǐkrû̌ tokhlǒ.
7A bè̌htò̌yô̤̌ kòyò hǎwě̤shèwè̤phû̌ ô̌ dǒ hǎkumṳ̌kla.
A phô̌htò̌yô̤̌ kòyò hǎwě̤shèwè̤phû̌ ô̌ dǒ ta̤wè̤̌ta̤sô̌kla.
8A no htò̌hǎnòò̌ asî kû̌ khwǐphû̌ tokhlǒ.
A no htò̌hǎnòò̌ asî kû̌ asî khlilèphû̌ akhwǐphû̌ tokhlǒ.#Shamuěla awǐlǒ tôbǎ 2:8
9A ǐ pwa̤mǒ̤shôdôphû̌ aphû̌ali̤.
A ǐ lû̌û phû̌ dě a ma̤ sǎlě̤sǎlò̤ lû̌û.
Htû̌sò̌htò̌ Cǒmara tûjû̌pwa̤.
Zur Zeit ausgewählt:
Htû̌sò̌htò̌ 113: KXF
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Wycliffe USA