Htû̌sò̌htò̌ 111
111
Htû̌sò̌htò̌ Cǒmara tûjû̌pwa̤ ata̤ma̤wô̌
1Htû̌sò̌htò̌ Cǒmara tûjû̌pwa̤.
Bǎ kòyòcǒkòyòtè̤ kû̌ kòyòsaprṳ̂ cubucaba wô̤̌wô̤̌ lû̌û akhanu, he hî̌bwǐhî̌sîrîhtò̌ Cǒmara tûjû̌pwa̤ kû̌ he sǎphlǒ lǒ̤bò.
2Cǒmara tûjû̌pwa̤ ma̤ ta̤nu acô̌klî̌cô̌sè mî̌ca.
Kòyò dǒ asǎphlǒô̌ ta̤ma̤ cô̌klǐcô̌sè tokhlǒnu, a kè̌shǐsî̌ya lô̌khô.
3Ata̤ma̤ tokhlǒnu, a lǒbe kû̌ ta̤sîrîdû̌sîrîhtû, ta̤pô̤ta̤phǎ.
Ata̤cǒta̤tè̤ tokhlǒnu agutṳ̌ pe tô̤̌.
4A no to̤ǐ kòyò kû̌ ata̤ma̤cô̌klǐcô̌sè.
Cǒmara tûjû̌pwa̤ mî̌ a ma̤bwǐma̤sîsî, gwèbǎǐ kòyò.
5A dǐǎdǐô kòyò dǒ a ǐsha bè̌dubè̌nǎ̤ lû̌û nu.
A to̤ǐ ata̤olò̤ pṳ̂̌tôplǎ.
6Dǒ a ǐ kè khlilèphû̌ shǔshawa̤ tokhlǒ hǎkhû̌ kû̌ a kòyò akhû̌akhî, a dǔlṳ̌ a kòyò sîtokhlǒ kû̌ ata̤ma̤ dǒ asîrîpô̤phǎ dû̌ mî̌ca nuhǒ.
7Lǒ̤bò a ma̤ ta̤ tokhlǒnu acǒatè̤, atôabǎ.
Lǒ̤bò ata̤mǎlò̤ tokhlǒnu a gwǎ yṳ̌ǎnǎla̤ǐ mî̌ca.
8Ta̤mǎlò̤ nutokhlǒ mî̌ a ô̌měô̌gle tûjû̌pwa̤.
Cǒmara ǐlò̤ ata̤mǎlò̤ dǒ acǒatè̤, atôabǎ lǒ̤bònu.
9Cǒmara ma̤hǎplǎbǎ a kòyò.
A olò̤ ata̤olò̤ tûjû̌pwa̤.
A mî̌ Cǒmara dǒ aplò̌ashǐ, Cǒmara dǒ kòyò ǐsha bè̌dubè̌nǎ̤ ami̤ nutôpwa̤.
10Ta̤ǐsha bè̌dubè̌nǎ̤ Cǒmara tûjû̌pwa̤ mî̌ ta̤sî̌ta̤jò̌ akòshî̌kòtṳ̌.#Yṳ̂bǎ 28:28; Pwa̤sî̌pwa̤jò̌phû̌ alě̤yô̤̌ 1:7, 9:10
Lǒ̤bò kòyò dǒ a jûlě̤phǐ ta̤mǎlò̤ tokhlǒnu, a nǐ̤bǎ ta̤sî̌yaplôphǎ.
Kòyò htû̌sò̌htò̌ pû yǎ tûjû̌pwa̤.
Zur Zeit ausgewählt:
Htû̌sò̌htò̌ 111: KXF
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Wycliffe USA