Htû̌sò̌htò̌ 100
100
Ta̤hî̌bwǐhî̌sîrî lî̤sǎwǐ htû̌sò̌htò̌
Ta̤hî̌bwǐhî̌sîrî ata̤sǎwǐ htû̌sò̌htò̌
1Kòyò hǎkhû̌phû̌ lǒ̤bò sî, sǎlě̤sǎlò̤ yî̤̌kǒ htû̌sò̌htò̌mò̌ Cǒmara tûjû̌pwa̤.
2Sǎlě̤sǎlò̤ cubucabahtò̌mò̌ Cǒmara tûjû̌pwa̤.
Hènṳ̌mò̌ dǒ alô̤mô̤̌, sǎlě̤sǎlò̤ sǎwǐ lô̌khô lî̤sǎwǐ.
3Sî̌ganǎ̤ kû̌ Îsôrě̤la a Cǒmara tûjû̌pwa̤ numî̌ Cǒmaradû̌ mè̤̌caca tôpwa̤.
A mî̌ pwa̤ dǒ a bô̌lò̤ pa, a htû pa Běcǎ.
Pa mî̌ akòyò, asû̌phû̌mṳ̌ dǒ a kè̌pǒ̤ǐ.
4Hî̌bwǐsîrî yǎ, nṳ̌ dǒ atakhadû̌kûnu.
Htû̌sò̌htò̌ yǎ, nṳ̌ dǒ ta̤lṳhtò̌hôkûnu.
Hî̌bwǐhî̌sîrîhtò̌ yǎ, htû̌sò̌htò̌mò̌ ami̤.
5Cǒmara tûjû̌pwa̤ mî̌ awô̌, ata̤mô̤ dǒ ahǎbòjò tô̤̌nu a ô̌měô̌gle tûjû̌pwa̤ talakhǎ.
Ata̤cǒ kû̌ yô̤̌nu a ô̌ hènè tôhtu hto tôhtu.#Lî̤wě̤mǎnǎ awǐlǒ tôbǎ 16:34; Lî̤wě̤mǎnǎ ginǐ̤bǎ tôbǎ 5:13; Htû̌sò̌htò̌ 106:1, 107:1, 118:1, 136:1; Yeramǐya 33:11
Zur Zeit ausgewählt:
Htû̌sò̌htò̌ 100: KXF
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Wycliffe USA