Htû̌sò̌htò̌ 1
1
Lî̤htû̌sò̌htò̌ awǐlǒ tôbǎ
(Htû̌sò̌htò̌ 1-41)
Kòyòcǒkòyòtè̤ kû̌ kòyò sǎphlǒphû̌mò̤̌ tokhlǒ aklè̌
1Kòyò dǒ a nǐ̤bǎ ta̤ǐshowî̤ tokhlǒmî̌ kòyò dǒ a gû̌kû̌ pwa̤phû̌mò̤̌shǐhtô ata̤yṳ̂̌klè̌yṳ̂̌klò tô̤̌.#Pwa̤sî̌pwa̤jò̌phû̌ alě̤yô̤̌ 4:14
A ihtǒ ô̌plǒ kû̌ kòyò ta̤sǔô̌ nutokhlǒ dǒ asî klè̌kû tô̤̌.
A hǎnòò̌ plǒ dǒ pwa̤hî̌phû̌mò̤̌ Cǒmara a ta̤cǐplǒô̌htu akû tô̤̌tô̤̌.
2A sǎlě̤sǎlò̤ dǒ Cǒmara tûjû̌pwa̤ ta̤sû̌ta̤tòwò akû.
A gènè̤ tě̤tě̤mè̤̌mè̤̌ Cǒmara tûjû̌pwa̤ ta̤sû̌ta̤tòwò pṳ̂̌ni̤pṳ̂̌sa.
3Kòyò pô̤̌nutokhlǒ mî̌ a sô̌sô̌kû̌ kòyò shǒǐ sǒmṳ̌ dǒ shilô̤̌htu, asǎ tôshětôkhǎ.
Alǎ lò̤su kû̌ kòyò tôkhò̌꤮ tô̤̌.
A ma̤ titètè̌ mî̌ a ǎbǎôbǎ.#Yeramǐya 17:8
4Kòyò dǒ aphû̌mò̤̌shǐhtô tokhlǒ mî̌ asô̌sô̌ pô̤̌nu tô̤̌.
Asô̌sô̌kû̌ phîmṳ̂̌ dǒ gili̤sǎ htû̌lûcû̌kè lû̌nu pwǎ.
5Htû̌ Cǒmara tûjû̌pwa̤ ata̤cî̌htò̌ alṳmṳ̌ni̤ pě tôni̤nu kòyòkhucawa gǔ khòbǎ ta̤cî̌htò̌ pě.
Kòyò ta̤sǔ ô̌ tokhlǒ gǔ ô̌ kû̌ pe dǒ kòyòcǒkòyòtè̤ asaprṳ̂ tô̤̌.
6Cǒmara tûjû̌pwa̤ ô̌pǒ̤kè̌khwè̌ bǎ kòyòcǒkòyòtè̤ aklè̌.
Kòyò phû̌mò̤̌shǐhtô aklè̌nu a gǔ gutṳ̌kè kû̌ ta̤pî̌ta̤lṳ̂̌.
Zur Zeit ausgewählt:
Htû̌sò̌htò̌ 1: KXF
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Wycliffe USA