मत्ती 1
1
ईशु मसीह चो बंसावली
1अब्राहाम चो पिला, दाऊद चो पिला, ईशु मसीह चो बंसावली। 2अब्राहाम ले इसाक जनम होलो, इसाक ले याकूब जनम होलो, याकूब ले यहूदा आउर हुनचो भाई जनम होलो, 3यहूदा आउर तामार ले पेरेस आउर जेरह जनम होला, आउर पेरेस ले हिस्रोन जनम होलो, आउर हिस्रोन ले एराम जनम होलो, 4एराम ले अम्मीनादाब जनम होलो, अम्मीनादाब ले नहशोन आउर नहशोन ले सलमोन जनम होलो, 5सलमोन आउर राहाब ले बोअज जनम होलो, बोअज आउर रूत ले ओबेद जनम होलो, आउर ओबेद ले यिशै जनम होलो, 6आउर यिशै ले दाऊद राजा जनम होलो। आउर दाऊद ले सुलेमान हुन बायले ले जनम होलो जोन पयले उरिय्याह चो बायले रली, 7सुलेमान ले रहबाम जनम होलो, आउर रहबाम ले अबिय्याह जनम होलो, आउर अबिय्याह ले आसा जनम होलो, 8आसा ले यहोशाफात जनम होलो, आउर यहोशाफात ले योराम जनम होलो, आउर योराम ले उज्जियाह जनम होलो, 9उज्जियाह ले योताम जनम होलो, योताम ले आहाज जनम होलो, आउर आहाज ले हिजकिय्याह जनम होलो, 10हिजकिय्याह ले मनश्शे जनम होलो, मनश्शे ले आमोन जनम होलो, आउर आमोन ले योशिय्याह जनम होलो; 11आउर बंदी होऊन भाती बेबीलोन जातो बेरा योशिय्याह ले यकुन्याह आउर हुनचो भाई जनम होला। 12बंदी होऊन भाती बेबीलोन अमरलो पाचे यकुन्याह ले शालतियेल जनम होलो, आउर शालतियेल ले जरुब्बाबिल जनम होलो, 13जरुब्बाबिल ले अबीहुद जनम होलो, अबीहुद ले इल्याकीम जनम होलो, आउर इल्याकीम ले अजोर जनम होलो, 14अजोर ले सदोक जनम होलो, सदोक ले अखीम जनम होलो, आउर अखीम ले इलीहुद जनम होलो, 15इलीहुद ले इलियाजर जनम होलो, इलियाजर ले मत्तान जनम होलो, आउर मत्तान ले याकूब जनम होलो, 16याकूब ले यूसुफ जनम होलो, जोन मरियम चो मुनुक रलो, आउर मरियम ले ईशु जनम होलो जोन के लोग मसीह बलु आत। 17अब्राहाम ले दाऊद तक सपाय चवदा पीढ़ी होली, आउर दाऊद ले धरून बेबीलोन चो बंदी होऊन भाती अमरून जाओत ले चवदा पीढ़ी, आउर बंदी होऊन भाती बेबीलोन के अमराय जातोर समया ले मसीह तक चवदा पीढ़ी होली।
ईशु मसीह चो जनम
18अदायं ईशु मसीह चो जनम ऐ परकार ले होली, कि जिदलदाय हुनचो आया मरियम चो मांगनी यूसुफ चो संगे होली, तेबे हुनमन चो रूंड़ा होतोर पयले ले हुन पवितर आत्मा चो बाटले देंहबारी होऊ रली। 19तेबे मरियम चो मुनुक यूसुफ जोन धरमी रलो आउर हुनके बेईजित करूक नी चाहते रलो, हुनके खुसराय छांडुन देतोर बिचार करलो। 20जिदलदाय यूसुफ ऐ गोठमन चो बिचार ने ची रलो तेबे माहापुरू चो सरगदूत हुनके सपना ने दका देउन भाती बोलुक मुरयालो, “हे यूसुफ! दाऊद पुरखा चो पिला, तुय आपलो बायले मरियम के आपलो घरे आनतो काजे नी डर, कसनबल्लोने जोन हुनचो गरब ने आसे, हुन पवितर आत्मा चो बाटले आय। 21हुन बेटा जनमायदे आउर तुय हुनचो नाव ईशु संगाव, कसनबल्लोने हुन आपलो लोगमन चो हुनमन चो पापमन ले मुक्ति करेदे।” 22ऐ सपाय काई ऐईकाजे होली कि जोन बचन परबु यशाया अगम गिआनी चो बाटले बोलु रलो, हुन पुरा होओ 23“दका, गोटक कुंआरी देंहबारी होयेदे आउर गोटक बेटा जनमायदे, आउर हुनचो नाव इम्मानुएल संगाया जायेदे,” जेचो अरत आय-माहापुरू आमचो संगे। 24तेबे यूसुफ नींद ले उठून भाती माहापुरू चो दूत चो हुकुम चो अनुसार आपलो बायले के आपलो घरे धरून ईलो। 25आउर जिदलदाय ले मरियम पिला के नी जनम दिली हुदलदाय ले यूसुफ आउर मरियम ओछना ने संगे नी सोहला: आउर यूसुफ हुन पिला चो नाव ईशु संगालो।
Zur Zeit ausgewählt:
मत्ती 1: HLBNT
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Halbi Bible by The Love Fellowship is licensed under Creative Commons Attribution-ShareAlike 4.0 License.