२ कोरेन्ठि मिःक्म खानावाँ
मिःक्म खानावाँ
पावलऎ कारेन्ठिबिहा निवाँयुङ् लॆखुबाचि साप्मिम्पा याॽलिऎ साब्चिरा साप्मिम्पा एक्क हिच्चि निङ् डॆङ्पि पावलऎ ग डॆङ्पिऎ साब्चिरा माकेडोनियाबाङ् कोरेन्ठि लोमॆ ठालबिहा निवाँयुङ् लॆखुबा याॽमिचि साप्मिम्पा लॆटा। ग साब्चिरा चाइ ५५-५७ निङ्फेर साप्मिम्पा रेम। याॽलिऎ साब्चिराबि पावलऎ कोरेन्ठिबिहा मान्डालि मिॽमिॽ लोसिॽमिम्पासॆ आक्खाचिऎ ग साब्चिरा टक्चाउचि हाङ्स मर मान्चेन्चाआमि हाङ् डिरिक् याॽमिचिऎ खो काइर लोपकुचि। मसॆ खोसॆ याॽलऎ बाङ्स एट्टान वोसे होइक साब्चिरा एफिसिबाङ् साप्हाङ्सु। आक्क साब्चिरा चाइ माखारा। आक्कुबि साप्मिम्पा खानावाँऎ सोम् खेरामिहाङ् कोरेन्ठिबिहा याॽमिचिऎ नाःग्लाङ्सुचि।
हाङ् कोरेन्ठिबिहा याॽमिचिऎ खोचिऎ ग साब्चिराबि पावलऎ होइढा याॽमिचि यङ्निमॆ नुङ् निवाँ ढ्या मुमॆ खानावाँ इकु हाङ् हुन्नऎ खानावाँ चिन्खुबाचि खो चाइ मान्टक्मा सॆःक्ढुङ्पा लोमॆ इकु।
गुबि चुहा खानावाँ
याॽलऎ खानावाँ १:१-११
पावल नुङ् कोरेन्ठिमि मान्डालि १:१२-७:१६
याहुडियाबि चुखुबा खिरिस्टियानचि खाङ्मॆ खानावाँ ८:१-९:१५
पावलऎ खो सॆक्ढुङ्पाङा लोमिम्पा १०:१-१३:१०
लुक्पिॽमिम्पा १३:११-१३
Zur Zeit ausgewählt:
२ कोरेन्ठि मिःक्म खानावाँ: LBR
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
© 2023, Wycliffe Bible Translators, Inc. and Nepal Bible Society