Zaburi 76
76
1 Zaburi iyi yahimbiwe umutware w'abaririmbyi babwira inanga. Ni indirimbo ya Asafu yitwa Zaburi.
2Mu Bayuda Imana iramenyekana,
Mu Bisirayeli izina ryayo rirakomeye.#76.2-13: iyi mirongo ihwanye na 76.1-12 muri Bibliya Yera ya mbere.
3Kandi i Salemu ni ho hema ryayo,
I Siyoni ni ho buturo bwayo.
4Ni ho yameneye imirabyo yo mu muheto,
N'ingabo n'inkota n'intwaro z'intambara.
Sela.
5Uri uw'icyubahiro n'ubwiza bwinshi,
Utabarutse mu misozi y'iminyago.
6Intwari mu mitima ziranyazwe zisinzira ubuticura,
Kandi nta bo mu banyambaraga babonye amaboko yabo.
7Mana ya Yakobo,
Gucyaha kwawe kwatumye amagare n'amafarashi bisinzirira guhwera.
8Wowe ni wowe uteye ubwoba,
Ni nde ubasha guhagarara imbere yawe igihe urakaye?
9Wumvikanishije amateka uri mu ijuru,
Isi yaratinye iraceceka,
10Ubwo Imana yahagurutswaga no guca amateka,
Ngo ikize abagwaneza bo mu isi bose.
Sela.
11Ni ukuri umujinya w'abantu uzagushimisha,
Umujinya uzasigara uzawukenyera.
12Muhige umuhigo muwuhigure Uwiteka Imana yanyu,
Abayigose bose bazanire amaturo Iteye ubwoba.
13Izarimbura imyuka y'abakomeye,
Ni yo iteye ubwoba abami bo mu isi.
Zur Zeit ausgewählt:
Zaburi 76: BYSB
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Bibiliya Yera, Kinyarwanda © Bible Society of Rwanda, 1993, 2001.