Mataio 20
20
20. PAKANA.
1Kuma a matanitu ko ra maua diara welara ma ra petpalig, ba i pari u ra malana kabot lena in ben diat a kum tenawogoro u ra nuna pinapam‐na‐vaine. 2Ma ba i pakta diat mun lena in dok diat taktaka na denarion ku rā bug i tula diat u ra nuna pinapam na‐vaine 3I pari balet u ra tul a pakan a bug, ma i bobo rā tara bulug ba diat turu bia ku u ra matanabug; 4ma i piri ta diat, Muat bulug muat wan u ra pinapam‐na‐vaine, ma ra lig ba i takado, kura ag tari ta muat. Ma diat taram. 5I pari balet u ra nom na pakan a bug, ma u ra limadi ma watdi a pakana kai, ma i pet lenkuma. 6U ra no pakana ma ra i pari balet, ma i bobo ta tara bulug ba diat turu bia ku; ma i tiri diat, lena, Lelawai kuma muat turu bia tau ku u ra kudulana bug kumi? 7Ma diat piri tana, Kăbi pa te i ben miat. I piri ta diat, Muat bulug muat a wan u ra pinapam‐na‐vaine. 8Ba malurap ma a tadaru na pinapam i piri ta ra nuna wetula lena, Un watapa diat a kum tena‐wogoro, un tari ta diat a nudiat wedok, ma un dok a mukapa diat ba diat murumuru, un dok a murumuru diat ba diat muka. 9Ma diat ba diat ben diat u ra no pakana ma ra, di tari taktakai a nudiat denarion. 10Ma diat ba di ben a mukapa diat, diat kanapi lena din tari ta gala ta diat; ma diat kai di tari ta diat taktakā na denarion ku. 11Ma ba diat rakanpai diat alalai a petpalig, 12Ma diat lena, Diat a kum tintinipina bi diat papam u rā pakan a bug ku, miat ku miat lo a kinikip i ra bug kumi, ma ra uan pi kai, ma u dok welara miat ku ma diat! 13Ia kai i piri ta ra pa diat lena A tepag, pa ta lig i pakol iau peti korom ui: dara wepak ma ui kup ra denarion, ni? 14Un rakanpa a num lig, un wan ku; kuma iau ligna tari ta ra tintinipina bi lenkuma iau tari tam. 15Pa i ka duk ba iau ku iau nakokon u ra nug utna? pikoina duk a matam kăbi iau a koina? 16Len kai kuma a kum tintinipina, kura diat a muka, ma diat ba diat muka kura a tintinipina ma diat.
17Ma ba Iesu i wan toto u Ierusalem, i benigenpa diat a winunu ma ruadi a nuna tara‐na‐wawera, ma i wapua diat u ra akapi lena, 18Boboi, dat wan toto u Ierusalem; ma din taram‐arua na Tu‐ra‐muana korom diat a kum tadaru na pinapet ma ra kum tenatimtimu, ma kura diat a nakokon un i lena diat a umua i; 19ma diat a taram‐arua i korom diat a Tara‐igen, ba diat a tatauru un i ma diat a rapu i, ma diat a akwatai u ra kabai: ma tul a bug in lalaun balet.
20Ma ra nadiara na tun Sebedaio i wan korom i, ma ru na tunalik muana, ma i tutudug korom i, ma i arig kup ta lig tana. 21Ma i tiri lena, Awa kuma u lig kupi? I piri tana Un nakokon u diara ru na tunalik bi lena, ta pa diara in ki u ra waot na limam, ma rā pa diara u ra mai ra na limam u ra num matanitu. 22Ma Iesu i piri lenkumi, Pa mutul nunurai a lig kuma mutul arig kupi: muru inim larapai duk a la ba ag inimi kalikmaku? Diara piri lena, Mira inim larapai. 23I piri balet ta diara, A ligtatuna, kura muru inim a mag la: ma pa iau nakokon a kiki u ra waot na limag ma u ra maira na limag, din tari korom diat ku ba a Tamag i tokonotai kup diat.
24Diat a win unu, ba diat walogoroi, diat lig na murudina. 25Ma Iesu i watapa diat korom i, ma i piri ta diat, Muat nunurai lena, a kum tadaru a nu ra Tara‐igen diat nakokondokopa diat, ma ra nudiat uiana, diat nakokon u diat. 26Koniku in lenkuma taka namuat: ia ba i lig na tadaru un muat, kura ut a numuat wetula ia: 27ma ia ba i ligna muka un muat, kura ut a numuat papalai ia: 28Lenkuma na Tu‐ra‐muana pa i wan pat lena din taram korom i, i wan kag urin lena in taram ku, ma in wekulbat diat a mogoro ba in wiruana diat.
29Ba diat wan taka Ieriko a tara‐na‐kaiya diat patap un i. 30Ma boboi, ru muana diara pula diara ki u ra papara akapi, ba diara walogoroi lena Iesu i wan akit nadiara, diara wata i lena, Tadaru, na Tun David, un mari mira. 31Ma ra tara‐na‐kaiya diat wadubat diara lena diara papaki ku: ma diara wewatai akit, lena, Tadaru, na Tun David, un mari mira. 32Ma Iesu i turu ma i watapa diara, ma i tiri diara lena, Awa kuma muru nemi ba ag peti un muru? 33Diara piri tana, Tadaru mira ligna bobo. 34Ma Iesu i mari diara, ma i tukta a matadiara: ma diara bobo ma ut, ma diara patap un i.
Zur Zeit ausgewählt:
Mataio 20: RAI
Markierung
Teilen
Vergleichen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Published by the British and Foreign Bible Society in 1896.
