Matiye Vari ze du dan mə Kəɗam məni Matiye wây'i:
Vari ze du dan mə Kəɗam məni Matiye wây'i:
Dan mə Kəɗam məni Matiye wây' nə wə ta' i Zezu nə Bə Siɗ məni Ifray in dan wa rum ne kə sôwâ um wə du dan Kawvun mə Kəmbara. Dan mə kəɗam rum cu zə sôwâ Zuwif taw mi, ama wə zə sôwâ daŋ'ŋ.
Matiye gila' dan məni kədan mum wây' nə kə ɓayrumu. Mum təŋ kə in dan wa zu tlor Zezu kə vra' umu. Ndəna' ta', mum in dan wa sin məni Zaŋ Baptistə gi ɓay vari məni Satan ɓu Zezu. Kəki rum, mum in dan wa sin məni Zezu gi wə Galile: Mum ta' kwa, mum ka' dan mə Kəɗam, mum car gaɓ sôwâ cem ceme. Mum faŋ in dan wa gaŋ Zezu daka Galile hâ Jeruzalem, kə kwa cem cem məni gi wə so Jeruzalem kə ndo' vun bəka Zezu wa nya. Mum ndo' vun kwa wây' rum kə in dan wa mar Zezu kə car mbə mar um, wanji kə vari məni Ifray par num mbə mar, ɓay vari məni Zezu ta' tu rum ne kə sum ta zə rumu.
Matiye cu ta' Zezu ce' ndə Bə Siɗ taw mi, ama ce' ndə Bə Ta' Kwa ta'a: Zezu pay zu dan dlay Ifray ɓay ta' kwa wa dan jwə Ifraya. Matiye ɓawa kwata' Zezu ɓay ɓul nday kə kul cem cem vatla. (1) Kwata' Zezu wa igway', (sapitrə 5—7). (2) Kwata' Zezu hay' sum ta zə rum mə guɓ wa hoɓ kəri məni mum sin nday (sapitrə 10). (3) Dan mə gəgan cem cem məni Zezu in wa dan jwə Ifray (sapitrə 13). (4) Kwata' məni Zezu ta' wa vari suk daw ba wə wa nya mə mbrew wa' dan ta' Jwə Ifray, (sapitrə 18). (5) Kwata' Zezu wa kwa cem cem məni wə də gi kə ndo' vun nya, (sapitrə 24—25).
Vari ɓul Dan mə Kəɗam məni Matiye wây'i.
1. Zu tlor Zezu kə vra' umu 1.1—2.23
2. Sin məni Zaŋ Baptistə gi 3.1-12
3. Baptem Zezu kə ɓu Satan 3.13—4.11
4. Sin məni Zezu gi wə nya Galile 4.12—18.35
5. Gaŋ Zezu daka Galile hâ Jeruzalem 19.1—20.34
6. Kwa cem cem məni gi wə Jeruzalem wanji kə məni gi wə so mə rəka 21.1—27.66
7. Ifray par Zezu mbə mar ɓay mum ta' tu rum ne kə sôwâ 28
Zur Zeit ausgewählt:
Matiye Vari ze du dan mə Kəɗam məni Matiye wây'i:: KMN
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Le Nouveau Testament et Psaumes en Peve © Alliance Biblique du Tchad, 2014.