Mark Takɨdɔt
Takɨdɔt
Hoita kɨmaj'n Mark ndang ad ngétaata lo Krist'n ĩn Juipg. Hoita kɨmaj lo Mark ngal ngãi al, na gɔj dep be. Elta kɨ ɔj dɔ kooj Jejut kɨ tɔga kɨ dõ al. Kam maktub Markt tag'n Jeju el tit'n kɨ gɔj, na j'a kɨ ngah hoita lo deg'n Jeju ndɔd'd ho, deg'n Jeju yootd kɨ tag kɨ deg majɨn na sia. Maktub Mark elta dɔ nyagt mad'n j'a kɨ ngah kam maktubt lo Matie, kɨ Luk, kɨ Jã al.
Hoita kɨmaj lo Mark elta dɔ nyagt'n ɗan nya. I titbe la dasabang daj Jeju kad kɨ gera i Ngon De (Mrk 1:1). Na lon kɨ da maktub Mark mbã kɨ teen dɔboiat a ne, j'a kɨ j'oo kad Jeju i Ngon Luwah la oi dɔ kagdosɨt ye (Mrk 15:39).
Bai dɔ Mrk 1:1—8:26 i gaj maktub lo Mark kɨdasa; Jeju ndig kad deg gernɨn al. Na yoot ngérotog, tuɓa ndilg kɨmajal, ndángd kɨ tɔg ad ãina. Deg ndɨjen rod ta anan: De'n ndɨn ye i nõ a? Na Jeju el deg'n oon anan n'gernɨn ye an: Ot kelɨn deg kad mĩ kɨ wur lo Luwah.
Mrk 8:27—16:20, i gaj maktub kɨkõjoo'n ndɨ ɔj'j kad kɨ ger Jeju i Ngon Luwah. Kaglot'n romag õnɓe ye, deg ɔsɨngon deg kɨ asɨ ɗan nyag kɨbobo na oond tit luwahg be ĩn deg kɨ ngéɗa nyag kɨ yaya, nyag kɨ ngang ngang 'nten dɔdt ye, tetɨnd ɗɔɔ. Na Jeju Ngon Luwah ndig kad'n tel de jeje kad'n telɨn ron go tat lo Luwah. Nya 'nten la ɗa ad ngah kõ ho, oi ho ye. Na ngéndoog lo Jeju gerɨn girr nya 'nten tajigt al. Lon kaglo asɨ kad gangɨn ta koi dɔat ye, ngéndoog loa mbetɨna. Na bɨradɔ ngéɗɔɔg kɨ Romt lon oo Jeju lo koit dɔ kagt el an: Rota de'n ɗan i Ngon Luwah jeje.
Lon Jeju ĩ kɨɓe kɨ dɔn elta dan dɔn an: Nĩ Ngon De ye, kam ta loa ɔj go tɔg tube'n Luwah ad deg lon, ad i tɔg gangta dɔ degt ho, tɔg nyàgo majal lo deg ho. Ɔj go kad Jeju i de jeje maj.
Hoita kɨmaj lo Mark ndɨje ta 'nten ke Jeju i nõ a? Maktub lo Mark daj kun go ɗob'n Jeju un nõ kad kɨ gerɨn Jeju jeje.
Zur Zeit ausgewählt:
Mark Takɨdɔt: MlL
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Mbai Bible Revision © Bible Society of Chad, 2015.