Matie 27
27
Awɨn kɨ Jeju nõ Pilat't
(Oo Mrk 15:1; Luk 22:66-71; Luk 23:1)
1Lon loti woi, kɨsĩ ritit ngéjanyamosɨkadkari kɨbog, kɨ kɨbog lo Juipg tube ɔjɨn na ta dɔ Jejut kɨ'n tɔlɨna. 2Dɔɔna, kamla awɨn sia lana ji Pilat't kɨ ngekõɓe.
Koi Judas
(Oo Knk 1:16-20)
3Kamla, lon Judas nge laa ji degt, oo ad gangɨn ta dɔ Jejut woi ye, ndɨngaron, na tel kɨ nar sile kɨnda kɨdɔmɨta nõ gog ad ngéjanyamosɨkadkari kɨbog, kɨ kɨbog lo Juipg, 4na el an: M'ɗa majal la m'la de kɨ ta loa goto jisɨt ye.
Na turɨna anan: Usɨj ɗit. I ta loi ĩ kɨɓe.
5Kamla Judas ũ nar sile kɨnda kɨdɔmɨta nõ kɔ kɨ kam lo kɨjaɓat't, na tee aw la kɨla oin. 6Ngéjamosɨkadkari kɨbog ndegɨn nar sile kɨnda'n non kɨ nat na anan: I goɗobat al kad j'ũ kam sund nart lo Luwah kɨta i nar mosɨ.
7Ɔjɨn na ta dɔt kamla ndugon ne ndɔɔ lo ngeɓajo, kad kɨ i lo dub dedɔɓeg. 8I kɨta 'nten la a kunɨn ne ndɔɔn non ndɔɔ mosɨ mbã ɓola ye. 9Kamla tɔlɨn ta ta'n Jeremi ngekelta kɨ ta Luwaht el an: Na taan nar sile kɨdɔmɨta i gat de'n ndan gata, gat'n ngan Israelg ndan kɨta badɔa. 10Na adɨn kɨta ndugo lo lo ngeɓajo, tit'n Bɨraɓe ndamɨn mbera.
Jeju ɗa nõ Pilat't
(Oo Mrk 15:2-5; Luk 23:3-5; Jã 8:28—19:16)
11Jeju ɗa nõ ngekõɓet. Ngekõɓe ndɨjea ta an: Ĩ ngar lo Juipg e? Jeju tura an: Ĩ el woi.
12Na lon ngéjanyamosɨkadkari kɨbog, kɨ kɨbog lo Juipg ɗa tetɨn ta kɨ kɔat ye, tur nya mad al. 13Kamla Pilat ela an: Ɗa tetɨn tag ngãibe kɨ dɔit ye, oo dɔ ale?
14Tura ta mad kɨɗa al bat, ad ta ya ngekõɓe kɨ dum. 15Ndɔ ɗanaht kɨɗen, i nyabelɓe lo ngekõɓe kad nya dedangãi mad kɨɗa ad koosɨdeg, de'n hã ndigna. 16Kaglot'n non dedangãi mad kɨ tɔa ko ngãi i nõ, tɔa i Jeju Barabas. 17Koosɨdeg kawɨna kɨ nat, na Pilat ndɨjed tɔ an: Nõ i geen kad kɨ m'ɔrra m'adsɨ a? Jeju Barabas a ke Jeju'n a kunɨna Krist ye a?
18Pilat ger ɓet kad Juipg lan Jeju kam jint kɨta jangɨn sia. 19Lon Pilat ndɨ dɔ pong gangtat ɓaitɔ ye, nẽa la ela an: Ot nda roi tat lo de kɨ dene'n non. Kɨtɔ ndɔ la m'dai yom ngãibe kam niit kɨtatɔa.
20Ngéjamosɨkadkari kɨbog kɨ kɨbog lo Juipg dumɨn dɔ koosɨdeg kad kɔ'n kɔrr Barabas, na kɨ tɔlɨn Jeju. 21Ngekõɓe tel ndɨje ta an: Dan degt kɨ joo'n ɗan ye m'ɔrr kɨɗa m'adsɨ?
Turɨn anan: Barabas.
22Pilat ndɨjed an: M'a m'ɗa ɗi kɨ Jeju'n a kunɨna Krist ye a?
Tube turɨn anan: Kɨ gana kagdosɨt.
23Tel el an: Majal ɗi ɗa a?
Na koosɨg kon kɨ tɔgd kɨ dɔt anan: Kɨ gana kagdosɨt.
24Lon Pilat oo kad ta lon ɗa nya mad al, na ɓet ndoor a ɓai ye, un man na tugo jin nõ koosɨgt, na an: Mĩ kɨkanj ta dɔmt dɔ mosɨ det kɨdenesew'n ɗan. I ta losɨ.
25Deg tube turɨn anan: J'un mosa kɨ dɔjt kɨ kɨ dɔ nganjgt.
26Kamla Pilat ɔrr Barabas ad'd. Na ad ndan Jeju kɨ ndeh kamla laa jidt kad gana kagdosɨt.
Ngéɗɔɔg tajɨn Jeju
(Oo Mrk 15:16-20; Jã 19:2-3)
27Kamla ngéɗɔɔg lo ngekõɓe awɨn kɨ Jeju natɓet lo ngar, na ɓut ngéɗɔɔg tube kawɨn na gugɨn dɔa. 28Ngĩn kubg loa roat kɔ, na lana kubji kɨ kɨrre pɨrpɨr; 29joo'n kon jɔgt lan dɔat, lan kadnya jikõat; ɔsɨn gojd ber nõat, ɔlɨna anan: Lapia, ngar lo Juipg.
30Tuwɨn horr dɔat, na taan kadnya kɨ jiat, ndan ne dɔa. 31Lon ɔlɨna woi ye, ɔrrɨn kubji ka nõ roat na lana kubg loa. Kamla awɨn sia kad gana kagdosɨt.
Gan Jeju kagdosɨt
(Oo Mrk 15:21-41; Luk 23:26-49; Jã 19:16-30)
32Lon ndɨ teen sia kɨ tɨga gid ɓet ye, ndɔdɨn dekɨdɨngã mad kɨ Sirent, tɔa i Simõ; hɔna kɨlo ngetɔgt kad to kagdosɨ lo Jeju. 33Lon ten lot mad'n a kunɨna Golgota ad i Lo kadɔ de ye, 34adɨn Jeju man kand nduu kɨ bur kɨ man nya kɨ at bang kad ãi. Jeju ɔd tant oo, na ge kãi al. 35Lon gana kagdosɨt woi ye, yan yuk dɔ kubgt loa kegɨn ne na. 36Na ndɨn ber nõbe ndɨ ngomɨna. 37Ndangɨn ta'n gangɨn ne ta dɔat ye, ndan dɔat dõ, kam taa la ten: De'n ɗan i Jeju ngar lo Juipg. 38Gan deg ngékumɗobg joo kagdosɨt nat sia, kɨkɨɗa ko kõat, kɨmad ko gelat. 39Ngé tɔi ɗobo tajɨna, gan dɔd kɨɗo, kɨɗo, 40na anan: Ĩ kɨ nge tuj kuj kɨjaɓat lo Luwah, na i ɗa gog kam ndɔt kɨmita kaala; ye aj roi kɨ roi, ĩla ĩ Ngon Luwah, na i ɗisɨ kagdosɨt. 41Ngéndang maktubg sed kɨbog lo Juipg kɨ ngéjanyamosɨkadkari kɨbog ɔlɨna titbe ho anan: 42Aj deg madg, na ĩ kɨɓe asɨ kaj ron kɨ ron al. I ngar lo Israel ye, kɨ ɗisɨ tajigla kagdosɨt, na j'a Jada kamj. 43Nda kamɨn dɔ Luwaht ye, ad Luwah aja tajigla, ĩla Luwah tara, kɨta el an: Mĩ Ngon Luwah. 44Mbã ngékumɗobg'n gand kagdosɨt nat sia kaa tajɨna titbe ho.
Koi Jeju kagdosɨt
(Oo Mrk 15:33-41; Luk 23:44-49; Jã 19:28-30)
45Kɨ kàd kɨ ɗa de'n ɓet, til diw ut dɔning tube mbã kàd norr jin. 46Kɨ kàd kɨ norr jin Jeju ko kɨ ndin kɨbobe an: Eli, Eli, Lama Sabaktani? Ad el an: Luwah lom, Luwah lom, kɨtɔɗi i nyamkɔ a?
47Deg madg'n ɗan loat, oon dɔ ndia ye anan: Oon ɗa kun Eli.
48Tentenbe kɨkɨɗa kudt ãi ngɔd la ndɔkɔrɔ kam man kand nduut kɨ m'asɨ unɨn, la ta kadnyat ada kad ãi. 49Kɨmadg anan: I ngoo ad joo ke Eli a ɗe aja a?
50Na Jeju tel ko kɨ ndɨn kɨbobe kamla nya ndilɨn ad tee. 51Na oon kub ganglo kɨ kam kuj ndub Luwaht til dene joo, dõ mbã ũ ber; dɔning ye, mbalg riyan, 52dɔɓadg teen tad, deg kɨjaɓatg ngãibe'n oin, ɓaɨn lo koit: 53teen kɔ kam dɔɓadgt, na go ɓai Jeju lo koit, andɨn kam ɓebot kɨjaɓat, na teen hɔi kɨ ro degt ngãibe. 54Lon bɨradɔ ngéɗɔɔg kɨ ĩgɨn ndɨ ngomɨn Jeju nat sia oon yee dɔning kɨ nya'n ɗa nya ye, ɓool ɗad ngãi ad anan: Rota ĩn ɗan i ngon Luwah.
55Dekɨdẽg ngãibe'n a ndulon go Jeju Galilet nu kɨ'n ɗan kɨlaɓer n'adɨna, ɗan nõbe ɗa oon lo ko sãi. 56Mari kɨ Magdalat, Mari kõ Jã kɨ Jojep, kɨ kõ ngan Jebede ĩn kudt nõ.
Duwɨn Jeju bulo mbalt
(Oo Mrk 15:42-47; Luk 23:50-56; Jã 19:38-42)
57Lon lo sɔl woi ye, de mad kɨ ngemaj kɨ Arimatet tɔa i Jojep ɗe, ĩ kaa tel ngendoo lo Jeju ho. 58De'n non aw ro Pilat't kɔa dãro Jeju. Kamla Pilat un ndin kad adɨna. 59Jojep un dãro Jeju, ɓira kɨ kub lẽ kɨ kar nyang, 60na laa kam ɓe nint lon kɨ kij'n urrɨn kam mbalt. Kamla ndubɨr gaj mbal mad kɨbobe utɨn ta ɓe nin na aw. 61Na Mari kɨ Magdalat kɨ Maɗi kɨmad ĩn nõ, ndɨn ber kumd sumba dɔɓad.
Deg ɗa ngomɨn dɔɓad
62Loti ndɔ ɗago nyagt, kɨta ndɔ taakò lo Juipg, ngéjanyamosɨkadkari kɨbog kɨ Parisɨg kawɨn na kɨnat ro Pilat't. 63Anan: Ngeej, kamj ga dɔ ta lo ngegool deg'n non lon ndɨn kɨ dɔn dõ ɓaitɔ nõ, el an: Go ndɔt kɨkõmɨta a ne, n'an ɓai lo koit. 64Kɨtɔ 'nten maj kad el kad ngomɨn dɔɓad maj mbã ndɔ kɨkõmɨta na ɓeta ngéndoog loa ɗe ɓoogɨna, na elɨn deg anan: Ɓai lo koit. Gool kɨ dɔboit a majal tɔi kɨdasa.
65Pilat eld kɨ ndin dõ an: Awɨn kɨ ngéngomlo nõ. Awɨn ad ngomɨn dɔɓad tit'n i gerɨn ne.
66Ta la awɨn a kɨ tĩnyan mbal kɨtaɓe niit kɨ nyatɨnyanya kɨ ngang, na ndan ngéngomlog tat.
Zur Zeit ausgewählt:
Matie 27: MlL
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Mbai Bible Revision © Bible Society of Chad, 2015.
Matie 27
27
Awɨn kɨ Jeju nõ Pilat't
(Oo Mrk 15:1; Luk 22:66-71; Luk 23:1)
1Lon loti woi, kɨsĩ ritit ngéjanyamosɨkadkari kɨbog, kɨ kɨbog lo Juipg tube ɔjɨn na ta dɔ Jejut kɨ'n tɔlɨna. 2Dɔɔna, kamla awɨn sia lana ji Pilat't kɨ ngekõɓe.
Koi Judas
(Oo Knk 1:16-20)
3Kamla, lon Judas nge laa ji degt, oo ad gangɨn ta dɔ Jejut woi ye, ndɨngaron, na tel kɨ nar sile kɨnda kɨdɔmɨta nõ gog ad ngéjanyamosɨkadkari kɨbog, kɨ kɨbog lo Juipg, 4na el an: M'ɗa majal la m'la de kɨ ta loa goto jisɨt ye.
Na turɨna anan: Usɨj ɗit. I ta loi ĩ kɨɓe.
5Kamla Judas ũ nar sile kɨnda kɨdɔmɨta nõ kɔ kɨ kam lo kɨjaɓat't, na tee aw la kɨla oin. 6Ngéjamosɨkadkari kɨbog ndegɨn nar sile kɨnda'n non kɨ nat na anan: I goɗobat al kad j'ũ kam sund nart lo Luwah kɨta i nar mosɨ.
7Ɔjɨn na ta dɔt kamla ndugon ne ndɔɔ lo ngeɓajo, kad kɨ i lo dub dedɔɓeg. 8I kɨta 'nten la a kunɨn ne ndɔɔn non ndɔɔ mosɨ mbã ɓola ye. 9Kamla tɔlɨn ta ta'n Jeremi ngekelta kɨ ta Luwaht el an: Na taan nar sile kɨdɔmɨta i gat de'n ndan gata, gat'n ngan Israelg ndan kɨta badɔa. 10Na adɨn kɨta ndugo lo lo ngeɓajo, tit'n Bɨraɓe ndamɨn mbera.
Jeju ɗa nõ Pilat't
(Oo Mrk 15:2-5; Luk 23:3-5; Jã 8:28—19:16)
11Jeju ɗa nõ ngekõɓet. Ngekõɓe ndɨjea ta an: Ĩ ngar lo Juipg e? Jeju tura an: Ĩ el woi.
12Na lon ngéjanyamosɨkadkari kɨbog, kɨ kɨbog lo Juipg ɗa tetɨn ta kɨ kɔat ye, tur nya mad al. 13Kamla Pilat ela an: Ɗa tetɨn tag ngãibe kɨ dɔit ye, oo dɔ ale?
14Tura ta mad kɨɗa al bat, ad ta ya ngekõɓe kɨ dum. 15Ndɔ ɗanaht kɨɗen, i nyabelɓe lo ngekõɓe kad nya dedangãi mad kɨɗa ad koosɨdeg, de'n hã ndigna. 16Kaglot'n non dedangãi mad kɨ tɔa ko ngãi i nõ, tɔa i Jeju Barabas. 17Koosɨdeg kawɨna kɨ nat, na Pilat ndɨjed tɔ an: Nõ i geen kad kɨ m'ɔrra m'adsɨ a? Jeju Barabas a ke Jeju'n a kunɨna Krist ye a?
18Pilat ger ɓet kad Juipg lan Jeju kam jint kɨta jangɨn sia. 19Lon Pilat ndɨ dɔ pong gangtat ɓaitɔ ye, nẽa la ela an: Ot nda roi tat lo de kɨ dene'n non. Kɨtɔ ndɔ la m'dai yom ngãibe kam niit kɨtatɔa.
20Ngéjamosɨkadkari kɨbog kɨ kɨbog lo Juipg dumɨn dɔ koosɨdeg kad kɔ'n kɔrr Barabas, na kɨ tɔlɨn Jeju. 21Ngekõɓe tel ndɨje ta an: Dan degt kɨ joo'n ɗan ye m'ɔrr kɨɗa m'adsɨ?
Turɨn anan: Barabas.
22Pilat ndɨjed an: M'a m'ɗa ɗi kɨ Jeju'n a kunɨna Krist ye a?
Tube turɨn anan: Kɨ gana kagdosɨt.
23Tel el an: Majal ɗi ɗa a?
Na koosɨg kon kɨ tɔgd kɨ dɔt anan: Kɨ gana kagdosɨt.
24Lon Pilat oo kad ta lon ɗa nya mad al, na ɓet ndoor a ɓai ye, un man na tugo jin nõ koosɨgt, na an: Mĩ kɨkanj ta dɔmt dɔ mosɨ det kɨdenesew'n ɗan. I ta losɨ.
25Deg tube turɨn anan: J'un mosa kɨ dɔjt kɨ kɨ dɔ nganjgt.
26Kamla Pilat ɔrr Barabas ad'd. Na ad ndan Jeju kɨ ndeh kamla laa jidt kad gana kagdosɨt.
Ngéɗɔɔg tajɨn Jeju
(Oo Mrk 15:16-20; Jã 19:2-3)
27Kamla ngéɗɔɔg lo ngekõɓe awɨn kɨ Jeju natɓet lo ngar, na ɓut ngéɗɔɔg tube kawɨn na gugɨn dɔa. 28Ngĩn kubg loa roat kɔ, na lana kubji kɨ kɨrre pɨrpɨr; 29joo'n kon jɔgt lan dɔat, lan kadnya jikõat; ɔsɨn gojd ber nõat, ɔlɨna anan: Lapia, ngar lo Juipg.
30Tuwɨn horr dɔat, na taan kadnya kɨ jiat, ndan ne dɔa. 31Lon ɔlɨna woi ye, ɔrrɨn kubji ka nõ roat na lana kubg loa. Kamla awɨn sia kad gana kagdosɨt.
Gan Jeju kagdosɨt
(Oo Mrk 15:21-41; Luk 23:26-49; Jã 19:16-30)
32Lon ndɨ teen sia kɨ tɨga gid ɓet ye, ndɔdɨn dekɨdɨngã mad kɨ Sirent, tɔa i Simõ; hɔna kɨlo ngetɔgt kad to kagdosɨ lo Jeju. 33Lon ten lot mad'n a kunɨna Golgota ad i Lo kadɔ de ye, 34adɨn Jeju man kand nduu kɨ bur kɨ man nya kɨ at bang kad ãi. Jeju ɔd tant oo, na ge kãi al. 35Lon gana kagdosɨt woi ye, yan yuk dɔ kubgt loa kegɨn ne na. 36Na ndɨn ber nõbe ndɨ ngomɨna. 37Ndangɨn ta'n gangɨn ne ta dɔat ye, ndan dɔat dõ, kam taa la ten: De'n ɗan i Jeju ngar lo Juipg. 38Gan deg ngékumɗobg joo kagdosɨt nat sia, kɨkɨɗa ko kõat, kɨmad ko gelat. 39Ngé tɔi ɗobo tajɨna, gan dɔd kɨɗo, kɨɗo, 40na anan: Ĩ kɨ nge tuj kuj kɨjaɓat lo Luwah, na i ɗa gog kam ndɔt kɨmita kaala; ye aj roi kɨ roi, ĩla ĩ Ngon Luwah, na i ɗisɨ kagdosɨt. 41Ngéndang maktubg sed kɨbog lo Juipg kɨ ngéjanyamosɨkadkari kɨbog ɔlɨna titbe ho anan: 42Aj deg madg, na ĩ kɨɓe asɨ kaj ron kɨ ron al. I ngar lo Israel ye, kɨ ɗisɨ tajigla kagdosɨt, na j'a Jada kamj. 43Nda kamɨn dɔ Luwaht ye, ad Luwah aja tajigla, ĩla Luwah tara, kɨta el an: Mĩ Ngon Luwah. 44Mbã ngékumɗobg'n gand kagdosɨt nat sia kaa tajɨna titbe ho.
Koi Jeju kagdosɨt
(Oo Mrk 15:33-41; Luk 23:44-49; Jã 19:28-30)
45Kɨ kàd kɨ ɗa de'n ɓet, til diw ut dɔning tube mbã kàd norr jin. 46Kɨ kàd kɨ norr jin Jeju ko kɨ ndin kɨbobe an: Eli, Eli, Lama Sabaktani? Ad el an: Luwah lom, Luwah lom, kɨtɔɗi i nyamkɔ a?
47Deg madg'n ɗan loat, oon dɔ ndia ye anan: Oon ɗa kun Eli.
48Tentenbe kɨkɨɗa kudt ãi ngɔd la ndɔkɔrɔ kam man kand nduut kɨ m'asɨ unɨn, la ta kadnyat ada kad ãi. 49Kɨmadg anan: I ngoo ad joo ke Eli a ɗe aja a?
50Na Jeju tel ko kɨ ndɨn kɨbobe kamla nya ndilɨn ad tee. 51Na oon kub ganglo kɨ kam kuj ndub Luwaht til dene joo, dõ mbã ũ ber; dɔning ye, mbalg riyan, 52dɔɓadg teen tad, deg kɨjaɓatg ngãibe'n oin, ɓaɨn lo koit: 53teen kɔ kam dɔɓadgt, na go ɓai Jeju lo koit, andɨn kam ɓebot kɨjaɓat, na teen hɔi kɨ ro degt ngãibe. 54Lon bɨradɔ ngéɗɔɔg kɨ ĩgɨn ndɨ ngomɨn Jeju nat sia oon yee dɔning kɨ nya'n ɗa nya ye, ɓool ɗad ngãi ad anan: Rota ĩn ɗan i ngon Luwah.
55Dekɨdẽg ngãibe'n a ndulon go Jeju Galilet nu kɨ'n ɗan kɨlaɓer n'adɨna, ɗan nõbe ɗa oon lo ko sãi. 56Mari kɨ Magdalat, Mari kõ Jã kɨ Jojep, kɨ kõ ngan Jebede ĩn kudt nõ.
Duwɨn Jeju bulo mbalt
(Oo Mrk 15:42-47; Luk 23:50-56; Jã 19:38-42)
57Lon lo sɔl woi ye, de mad kɨ ngemaj kɨ Arimatet tɔa i Jojep ɗe, ĩ kaa tel ngendoo lo Jeju ho. 58De'n non aw ro Pilat't kɔa dãro Jeju. Kamla Pilat un ndin kad adɨna. 59Jojep un dãro Jeju, ɓira kɨ kub lẽ kɨ kar nyang, 60na laa kam ɓe nint lon kɨ kij'n urrɨn kam mbalt. Kamla ndubɨr gaj mbal mad kɨbobe utɨn ta ɓe nin na aw. 61Na Mari kɨ Magdalat kɨ Maɗi kɨmad ĩn nõ, ndɨn ber kumd sumba dɔɓad.
Deg ɗa ngomɨn dɔɓad
62Loti ndɔ ɗago nyagt, kɨta ndɔ taakò lo Juipg, ngéjanyamosɨkadkari kɨbog kɨ Parisɨg kawɨn na kɨnat ro Pilat't. 63Anan: Ngeej, kamj ga dɔ ta lo ngegool deg'n non lon ndɨn kɨ dɔn dõ ɓaitɔ nõ, el an: Go ndɔt kɨkõmɨta a ne, n'an ɓai lo koit. 64Kɨtɔ 'nten maj kad el kad ngomɨn dɔɓad maj mbã ndɔ kɨkõmɨta na ɓeta ngéndoog loa ɗe ɓoogɨna, na elɨn deg anan: Ɓai lo koit. Gool kɨ dɔboit a majal tɔi kɨdasa.
65Pilat eld kɨ ndin dõ an: Awɨn kɨ ngéngomlo nõ. Awɨn ad ngomɨn dɔɓad tit'n i gerɨn ne.
66Ta la awɨn a kɨ tĩnyan mbal kɨtaɓe niit kɨ nyatɨnyanya kɨ ngang, na ndan ngéngomlog tat.
Zur Zeit ausgewählt:
:
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Mbai Bible Revision © Bible Society of Chad, 2015.