Oje 7
7
Bɨraɓe la ta dɔ Israelt ɓaitɔ
1Bɨraɓe el an;
lon m'ndig yoot Israel a ne,
ɗagootal lo Epraim kɨ majal lo Samari ĩn kɨ tee dɔ,
kɨta ndɨ ɗan nya kɨgo lo ndokumt,
ngéɓoogg ndɨ andɨn kam kujgt,
ngékumɗobg ĩn dɔ ɗobgt.
2De kɨ gaa kamɨnt an:
M'ger kad ĩn ngeɗa nya kɨmajal goto
Na tajigla kɨlaɗadg kɨmajal gugɨn dɔd,
majalg lod ĩn nomt.
3Adɨn ronel ngar kɨtakul majal lod kɨ ɗa,
takɨbal lod tɔ ad ronel mbaiɓeg.
4Ĩn ngéɗakaya tube,
nyurkõ lod tɨngabil
tit pur ngeɗa bɨnã kɨ lɔi ɗa ad tɨnga,
na nya ta kɔsɨ ta kir horr kɨnat,
mbã kad bɨna kɨ lɔi ɓai kamtã.
5Ndɔ ɗa naht lo ngar loj
mbaiɓeg ĩn mõi
kɨta kasɨnduu kɨ ɗad ngãi.
Ngar nda ron nat kɨ ngégo deg.
6Kam ngela ta ber,
wong i kamdt ndɔ mbã loti;
loti a ne, tɨngabil tit ndõ horr be.
7Ĩn tube tɨngabil tit pur be,
ndɨ õn ngégangtag lod mugɨj.
Ngarg lod tube son,
kɨkɨɗa kudt kɨ ko kɨdɔmt goto.
8Epraim burɨna kɨ girrdeg kɨ dang dang,
i tit bɨna kɨ lahoro kɨkanj tel gida be.
9Mbahg taan tɔg Epraim,
na ĩ kɨɓe ger al.
Bisɨdɔa nda kɨɗakɨɗa,
na oo al.
10Dɔngang lo Israel ndɨ manaj kɨ majal dɔat;
telɨn kɨro Bɨraɓe Luwaht lod al.
Ke nyag ɗan nya titbe kaa, sahna al.
11Epraim i tit derr kɨ kurdɔa oi, gosɨ loa goto tɔ.
Kun Ejipt kad ɗa sen,
aw Asiri sah ɗa sen.
12Na lon ndɨ awɨn a ne,
m'a m'la band lom dɔdt
m'a m'ad'd tuson tit yelg kɨ dõ,
m'a m'nda m'ɔjd kɨgo tat'n ug elɨnd kam kawnagt lod.
13Beto lod kɨta ãimɨn udɨn mut.
Tuj a so dɔdt kɨta tamɨn ɗɔɔ.
M'ndig badɔd, na elɨn takɨbalg dɔmt.
14Kon kɨdɔmt kɨ ngarkamd al,
na tõn ɗusɨɗusɨ dɔ tɨratodt.
Na jan rod kɨ nya ad tee ndɨna
Kad ngahn nyako kɨ kasɨnduu kɨkij,
na tamɨn ɗɔɔ, na ɗan nya'n m'ndig al.
15Mĩ la m'ndood ye,
mad kag jid ngang,
na ɔjɨn ta kɨmajal dɔmt.
16Telɨn kɨ ro yot, na awɨn kɨ ro Ngetɔitɔit al.
Ĩn tit gãkɨrã kɨ ad kɨrã tee kɨɗingg al.
Mbaiɓeg lod a son ta kiyaɗɔɔt kɨta gan buro kɨ tad.
Nya'n non a tel nyàgod dɔning Ejipt't.
Zur Zeit ausgewählt:
Oje 7: MlL
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Mbai Bible Revision © Bible Society of Chad, 2015.