Oje 6
6
1Elɨn anan: Ad kɨ telɨn kɨ ro Bɨraɓe
kɨta tɔrrji huthut, na a tel yootj;
ndaj kɨ do, na a tel ndom do loj.
2Go ndɔt kɨjoo a telj kumkajirt gog,
na ndɔt kɨkõmɨta a ɓai sej
kad kɨ ndɨ kɨ dɔj dõ nõat.
3Ad kɨ gerɨn. Ad kɨ sahn ger Bɨraɓe.
Rota, a tee tit kɨ bijalo kɨ ɓai wɔ,
a ɗe rojt tit man ndii kɨ ed be,
tit man ndii kɨ ta ɓalndɔt kɨ nyom dɔning.
4Na Bɨraɓe turj an:
A. Epraim, m'a m'ɗa sei ɗi a?
A. Juda, m'a m'ɗa sei ɗi a?
Kɨta ɗamaj losɨ i tit buu kɨ la kɨsĩ,
ke tit tal kɨ a ur kɔ tentenbe nõ.
5Kɨtɔ 'nten la m'ndadɨn mbukɨmbukɨ
kɨtakul ngékelta kɨ ta Luwaht,
m'tɔld kɨ ta kɨ tee tamt,
na takɨgang lom ndɨ tee tit kunj be.
6Kɨtɔ m'ndig nyaɗa kɨdenesew,
na kadkari kɨjakɔ al
m'ndig ger Luwah tɔi kadkarig kɨlahorrt kɨɗaibe.
7Na mbelɨn kɔd tit Adam be,
ĩn ngéɗasem denesew.
8Galaad i ɓebo lo ngéɗamajalg,
mosɨ deg tuso dɔ ɗobgt loa.
9Ngéjamosɨ kadkarig ndan rod nat,
tɔlɨn ngétɔi ɗobo kaw ɓebo Sikemt.
Ã, tube ĩn ngékumɗobg.
10M'oo nya kɨmajal ngãi
ku girrdegt kɨ Israel.
Epraim ɗakaya.
Israel yerr kɨ ron.
11Ĩ tɔ Juda, m'gang ndɔ gangta dɔit
tit'n hã ɔrrɨn ne ndɔ ja nyakõɓe.
Lon m'a m'ndig kad m'tel kɨ deg lom ɓeɓert.
Zur Zeit ausgewählt:
Oje 6: MlL
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Mbai Bible Revision © Bible Society of Chad, 2015.
