Oje 14
14
Bɨraɓe kun Israelag kad telɨn kɨront
1Ngéndɨ Samarit a ban ɗagootalg lod
Kɨtɔ taɗɔɔ Luwah lod
Deg a son ta kiyaɗɔɔt,
a rigɨjɨn ngandg
Dekɨdẽ ngéndan ngang tɔ
a tɔsɨn kamd mbutɨn.
2A. Israel, i tel kɨro Bɨraɓe Luwaht loi,
kɨta i so kɨta ɗagootal loi.
Ɗan go takelsɨ kad i telɨn ne kɨ ro Bɨraɓet.
Elɨna anan:
I nyàgo ɗagootalg loj tube kɔ.
I taa nya kɨ maj'n oo rojt,
na j'a jad kand ndartaj
tit kadkari bɔw mangg kɨjakɔ.
3Asiri a aj'j al,
j'a kɨ j'al sɨndag gog al,
j'a kɨ j'el kɨlaɗa jij j'an:
ĩn luwahg loj, gog al.
Ta õ kami kɨta ngan halg.
4M'a m'ɔrr kam kɨjoo lod kɔ,
m'a m'tard kɨ kammd tube,
kɨta m'un wong lom dɔdt kɔ.
5M'a m'ɔrr kam kɨjoo lod kɔ,
m'a m'tard kɨ kamm tube,
kɨta m'un wong lom dɔdt kɔ.
6M'a mĩ tit tal kɨ hɔ be ro Israelt,
a hut tit hutkam,
a la ngɨran tit kag ɓitag,
7dɔjiag a ɓa teen ngal,
koomaja a i tit kag olib
koota a i tit koot nyag kɨ dɔning Libã be.
8A tel ɗen ndɨn ndil Luwaht,
a ndɨn kɨ dɔd dõ gog,
a duwɨn kum nyako na a tetɨn ngãi,
a hutɨn tit dĩndu, kootd
a i tit koot kasɨnduu kɨ dɔning Libã
9Epraim a el an: Nẽbekɨnõt usɨm ɗi kɨ yog kɨ hile a?
M'oo dɔ kɔ loa, m'a m'oo goa.
Mĩ tit kag sipres kɨ mbia to mbool kɨ nah nah.
Kokɨromt la kand ndɨ teet ye.
10Kɨ dekɨɗen kɨ ngeterr ger girr nyag 'nten.
Kɨ dekɨɗen kɨ ngegoosɨ gerd tɔ.
Kɨtɔ ɗobg lo Bɨraɓe ĩn kɨɗingg,
de kɨdenesewg a ndian,
na ngétɔidɔtag a tusont.
Zur Zeit ausgewählt:
Oje 14: MlL
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Mbai Bible Revision © Bible Society of Chad, 2015.