Oje 10
10
Kõɓe lo Israel tuj
1Israel i dĩndu kɨ dɔjia ɓa, al ngãi
tee kɨ kand ngãi tɔ.
Lon and kɨdɔtdɔt ye,
ɗa dɨngɨr kadkarig kɨjakɔ kɨdɔtdɔt tɔ.
Lon maj urr dɔning loa ye,
ɗa kagyog lon ad majɨn ngãi tɔ ho.
2Kamd i joo,
tajigla awɨn kɨ ta dɔdt.
Bɨraɓe a tɔsɨ dɨngɨr kadkarig kɨjakɔ lod tɨla kɨber,
a nuj kagyog lod tɔ
3Na tajigla ndɨ elɨn anan:
Ngar loj goto
kɨta kɨ ɓool Bɨraɓe al,
na ngar a ɗa ɗi kɨtaj a?
4Ndɨ elɨn tag kɨkari,
ndɨ unɨn kɔd kɨ yokɨnda kɨngom,
Deg awɨn kɨ na kɨ ta lo gangtat
nya 'nten ɓai kudt
tit turo kɨ ɓa mbɨna ɓaigt kɨ kam ndɔɔt be,
5Ngéndɨ Samari ndɨ ɓoolɨn kɨta tujɨn
a tee dɔ yo ngon mang lɔr kɨ Bet-Aben,
ngéjamosɨ kadkarig a nõna, a nõn kɨta kɔsɨgon loa kɨtɔi kɔ.
6A awɨn sia dɔning Asirit,
adɨn ngar kɨbo kadkarit.
Rosɔl a tee dɔ Epraimt
na rosɔl a ɗa Israel dɔ yot loa.
7Na Samari taa, ngar loa a nuj
tit ngon gind kag kɨ to dɔ mant.
8Doorlog kɨ Bet Aben, log kɨ Israel ɗa majalt ye, a tujɨn.
Kong kɨ ngarg a ɓan dɔ dɨngɨr kadkarigt kɨjakɔ lod.
Kamla a elɨn mbalbog anan: Utɨn dɔj.
A elɨn doorg tɔ anan: I son dɔjt.
9A. Israel, i hɔ ɗa majal,
mba girra i ndɔgt'n i ɗan majal Gibeat.
I hɔ tɔgi bá kamt.
Ɗɔɔ a tee rodt Gibeat ale?
10Lon kamm ndig a ne, m'a m'nda m'ɔjd.
Girr deg kɨ dang dang a kawɨn na ndoorɨnd
kaglot'n m'a m'nda m'ɔjd kɨta ɗagootal lod kɨjoo nõ.
11Epraim i tit ngon mand mang kɨ ndoona kɨla loa woi,
Kɨla ɓa nyako nela,
m'nya kɔa kɨmaj mad to kari.
Na tajigla m'a m'la jug kɔ Epraimt.
Juda a ndɔɔ dɔning,
Jakob a ɔrr herse ad i pusɨ ganing.
12I duwɨn nyaɗa kɨdenesew kɨta rosɨ.
I tetɨn kand nyaɗa kɨgo lo kamkẽt.
I gan ning ndɔɔ losɨ kɨ to kari.
Kɨta kaglo asɨ kad i sahn Bɨraɓe,
kad ɗe rosɨt
kɨ nyaɗa kɨdenesew tit man ndii be.
13I duwɨn majal,
i tetɨn ɗagootal,
i san kand takɨbal,
i ɓan kul tɔgsɨ
i ndan kamsɨ dɔ kɨrãɗɔɔgt losɨ.
14Kɨtɔ 'nten la kah ɗɔɔ a ko dan degt loi,
kuj ngomdɔɓeg loi tube a nujɨn kɔ,
tit'n hã Salman nujɨn Bet Arbel,
ndɔ ɗɔɔt rigɨjɨn kõ ngang nat kɨ ngandg tu,
15Ĩ Betel oo, a ɗan sei titbe tɔ
kɨtɔ majal loi kɨngãi.
Lon bijalo a ɓai wɔ a ne,
ngar kɨ Israel a goto kɔ.
Zur Zeit ausgewählt:
Oje 10: MlL
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Mbai Bible Revision © Bible Society of Chad, 2015.