Shitatiko Kutontolola
Kutontolola
Libuka lya Shitatiko linakwamba habya kulenga kwa byuma bya kutatika, kwa bantu na kutatika kwa wubi na makando mu kaye naneshe atendele na bantu bendi. Libuka lino lya Shitatiko tukutwesha kulitapa mu zimbalila zibili.
(1) Litapululo 1-11 Muli byambo bya kulenga kwa Kaye na bantu bakutatika hano ha kaye. Ebye batendele ba Andama na Eva, Ishaki na Leya na Lakele, ba Abulahama na Shala, ebye batendele muntu na mukonzo wendi ba Kaina na Abele, Eshau na Yakobo, ba Ishimaele na Ishaki na Nowa na libazi na kapeshi ka Mbambiloni.
(2) Litapululo 12-50 muli byambo bya nkaka Ishalela. Wakutatika Abulahama, muntu mukakukulupila na kwombatala Nyambi. Niho tukuyuvwa bya mwanendi Ishaki na muzukulyendi Yakobo (Ou watumbiwile ngayi Ishalela) na bana babalume likumi na babili ba Ishalela, shinene kwamba shikuma hali umo wa bana ba Yakobo niye Yoshefwa na byuma byaleteshele ngayi Yakobo na bana bendi bamina na banababo baye na kwikala mu Engepita. Tukuyuvwamo kami bya nzimbo mukati ka Leya na Lakele.
Hinge ngayi libuka elye likwamba byambo bya bantu, ngoboni shinene linakwamba byambo bya Nyambi na biya atendele. Likwamba na kushumisha ngayi Nyambi niye walengele kaye, pe likumanisha na shikulupisho ngayi ukatwalililaho shitima ha bantu bendi, mu libuka nimwalyo byambo bilimo byabinene bya Nyambi, ou ukuyata na kushushula aba bakutenda wubi, pe ukutwaminina bantu bendi ba kulama shihemwa shabo. Elye libuka balitikitile mu kukongelamo byambo bya kukulupila kwa bantu Baishalela na kutwesha kulama kukulupila kwabo ngayi kutwalililileho.
Biya Bilimo
Litapululo 1:1—11:32
Kulenga kwa Kaye na bantu 1:1—2:25
Kutatika kwa wubi na makalikiza 3:1-24
Kutatika kuli Andama kukuma na kuli Nowa 4:1—5:32
Nowa na Libazi 6:1—10:32
Kapeshi ka Mbambelu 11:1-9
Kutatika kuli Shemu kukakuma na kuli Abulahama 11:10-32
Litapululo 12:1—50:26
Bakakwimanina Abulahama, Ishaki, Yakobo 12:1—35:29
Bazukulu ba Ishau 36:1-43
Yoshefwa na bayayizendi 37:1—45:28
Baishalela mu Engepita 46:1—50:26
Zur Zeit ausgewählt:
Shitatiko Kutontolola: LLK
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Libuka Lya Kuyela © Bible Society of Zambia, 2020.