प्रकाश 7
7
इस्राएलक एक लाख चवालीस हजार मनै
1तबदोस्र पृथ्वीम, समुद्रम अथवा कौनो रूख्वम बतास जिन लागस कैक चार जन स्वर्गदूत पृथ्वीक चारिओरिक बतासह थुन्क पृथ्वीक चर्यौ कोनोम ठह्र्याइल मै देख्नु।#यर ४९:३६; दान ७:२; जक ६:५ 2जीवित परमेश्वरक मोहर बोक्क एकठो स्वर्गदूतह पूरुबओर्से उठट् मै देख्नु ओ पृथ्वी ओ समुद्रह हानि कर्ना अधिकार पाइल चारठो स्वर्गदूतन ऊ बराभारी आवाजले असिक कल, 3“हम्र आपन परमेश्वरक सेवकन्हक लिल्हारिम मोहर नैलगाइट्सम पृथ्वी, समुद्र ओ रूख्वा जिन बिगारो!”#इज ९:४-६ 4असिक परमेश्वरक मोहर लागल सेवकन्हक संख्या इस्राएलीन्हक हरेक कुलमसे मिलाक एक लाख चवालीस हजार हुइलक बात मै सुन्नु। 5इस्राएलक एक कुलमसे बाह्र हजार जन्हक हिसाबले मोहर लगागैल् रह:
यहूदक कुलमसे बाह्र हजार,
रूबेनक कुलमसे बाह्र हजार,
गादक कुलमसे बाह्र हजार,
6आशेरक कुलमसे बाह्र हजार,
नप्तालीक कुलमसे बाह्र हजार,
मनश्शेक कुलमसे बाह्र हजार,
7शिमियोनक कुलमसे बाह्र हजार,
लेवीक कुलमसे बाह्र हजार,
इस्साखारक कुलमसे बाह्र हजार,
8जबूलूनक कुलमसे बाह्र हजार,
योसेफक कुलमसे बाह्र हजार,
बेन्यामीनक कुलमसे बाह्र हजार।
बराभारी भीड
9तबदोस्र मै हेर्नु त कुई फे गन नैसेक्ना एकठो बराभारी भीड देख्नु। हुँक्र हरेक जाति, कुल, देश ओ भाषासे आइल् रलह। हुँक्र उज्जर लुगा लगाक हाँठम खजुरक झाला लेल्ह मुख्य सिंहासन ओ पठ्रूक आघ ठह्र्याइल रलह। 10हुँक्र बराभारी आवाजले असिक कल:
“उद्धार त सिंहासनम विराजमान् रहुइया
हमार परमेश्वर ओ पठ्रूसे जो अइठा।”
11मुख्य सिंहासन, धर्मगुरु ओ चार जीवित प्राणीन्हक चारिओर स्वर्गदूत ठह्र्याइल रलह। हुँक्र सिंहासनक आघ दण्डवत् कर्ल ओ परमेश्वरक जयजयकार असिक कर्ल:
12“आमेन।
प्रशंसा, महिमा, ज्ञान-बुद्धि, धन्यवाद, आदर, अधिकार
ओ शक्ति सड्डभर हमार परमेश्वरक हो!
आमेन!”
13एक जन धर्मगुरु महीह पुछ्ल, “यी उज्जर लुगा लगाइल मनै के हुइट ओ कहाँसे अइल?”
14मै हुँकहीन कनु, “महीह थाहाँ नैहो। हजुरह जो थाहाँ बा।”
ऊ महीह कल, “हुँक्र त बराभारी सतावट सह्क आरल ओ हुँक्र आपन-आपन लुगा पठ्रूक रगतले धोक उज्जर बनारख्ल।#दान १२:१; मत्ती २४:२१; मर्क १३:१९ उहओर्से,
15हुँक्र परमेश्वरक आघ बाट
ओ रातदिन उहाँक पवित्र मन्दिरम उहाँक सेवा कर्ठ।
सिंहासनम विराजमान् रहुइयाजुन
आपन उपस्थितिले हुँकन्हक रक्षा करुइयाबाट।
16आबठेसे हुँकन भुँख-प्यास कबु फे नैलगहीन।
घाम वा कौनो राप हुँकन्हकम पर्ने नैहुइटन#यशै ४९:१०
17काकरकि सिंहासनक बीचम रहुइया पठ्रू जो
हुँकन्हक गोठाला होक रक्षा कर्नेबाट।
परमेश्वर हुँकन जीवनक पानीक मूलम लैजैनेबाट
ओ हुँकन्हक आँखिमक सब आँस पोँछदेनेबाट।”#भज २३:१-२; इज ३४:२३; यशै ४९:१०; २५:८
Zur Zeit ausgewählt:
प्रकाश 7: thl
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
© 2020, Wycliffe Bible Translators, Inc. All rights reserved.
