प्रकाश 4
4
स्वर्गम आराधना
1तबदोस्र मै और दर्शन पैनु ओ स्वर्गम एकठो ड्वार उघारल देख्नु। मै पैल्ह सुनल आवाज तुरहीकअस आवाजम असिक महीसे ब्वालट् मै सुन्नु, “यिहाँ उप्पर आओ, तबदोस्र पाछ हुइना बात मै टुँहीन देखैम।” 2तब मै आत्मले भरिपूर्ण हुइनु। स्वर्गम एकठो सिंहासन रह ओ उहिँम एक जन विराजमान् रलह।#इज १:२६-२८; १०:१ 3उहाँक मुहार उज्जर ओ लाल-लाल चम्कना मणिअस सुन्दर रलहन ओ सिंहासनक चारिओरजुन टल्कना पन्ना रङ्गक एकठो इन्द्रेणी रह। 4मुख्य सिंहासनक चारिओर चौबीसठो और सिंहासन रह ओ उ सिंहासनम स्वानक मुकुट ओ उज्जर लुगा लगाइल चौबीस जन धर्मगुरुहुँक्र बैसल रलह। 5मुख्य सिंहासनमसे बिज्ली चम्क, ओ गड्याङ्-गुडुङ करल गर्जनक आवाज आए। सिंहासनक आघ आगीक सातठो दिया बरटह, जौन परमेश्वरक सात आत्मा हो।#प्रस १९:१६; प्रका ८:५; ११:१९; १६:१८; इज १:१३; प्रका १:४; जक ४:२ 6सिंहासनक आघ सिसाअस छर्लङ्ग देखपर्ना समुद्र रह।#इज १:२२; ५:१०; १०:१४
आँख-आँख रहल चारठो जीवित प्राणीहुँक्र सिंहासनक आघ ओ पाछ ओ चारिओर घेर्लरलह। 7पैल्ह जीवित प्राणी सिंहअस रह, द्वासर गोरुअस रह, तीसर जीवित प्राणीक मुहार मनैयकअस रह ओ चौथा जीवित प्राणी उर्टिरहल गरुडअस रह। 8उ चारठो जीवित प्राणीन्हक छ-छठो डैना रलहन ओ उ डैनक बाहर ओ भित्तर दुनुओर आँखिले भरल रलहन। रातदिन हुँक्र एक्को नैबिसाक असिक गीत गाइटलह,
“सर्वशक्तिमान् परमप्रभु परमेश्वर
पवित्र, पवित्र, पवित्र बाट।
उहाँ रलह, उहाँ बाट ओ उहाँ अउइयाबाट।”#इज १:१८; १०:१२; यशै ६:२-३
9सड्डभर जीवित ओ सिंहासनम विराजमान् रहुइयह उ चारठो जीवित प्राणीहुँक्र महिमा, आदर ओ धन्यवादक गीत गाइटलह।
10हुँक्र गीत गैटीरहल ब्याला सड्डभर जीवित ओ सिंहासनम विराजमान् रहुइयहक आघ उ चौबीस जन धर्मगुरुहुँक्र दण्डवत् कर्ल ओ आपन-आपन मुकुट उहाँक पाउठे ढैक असिक कल,
11“हे हमार परमप्रभु परमेश्वर,
अप्न महिमा, आदर ओ अधिकारक योग्यक बाटी
काकरकि सब चिज अप्न जो सृष्टि कर्लही ओ उ ह्वाए आइल्,
काकरकि अप्न आपन खुसीले सब चिज सृष्टि कर्लही।”
Zur Zeit ausgewählt:
प्रकाश 4: thl
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
© 2020, Wycliffe Bible Translators, Inc. All rights reserved.
