MEEKYENA 3
3
Vana va Aron
1Naasa eti nto ngyeeri ya Aron na Mose, nkonu ulya Nndumi Iruva alerera na Mose alya ifumbuny lya Sinai. 2Vana yewo va Aron mbo yeva, wa mbee ni Nadabu, na Abihu na Eliasari na Itamari. 3Yoo ng'u marina a vana va Aron, mmbo makohani vakevaambe mafura, vakaatwa mashoreny naambo varunde ishora lya ukohani. 4Naasa Nadabu na Abihu vakafwa mbee ya Nndumi Iruva, llya valetana kindo kivisho kyeeri vekeningya Nndumi Iruva kiraso, alya Sinai, nta mmbetiri vana-fo, na Eliasari na Itumari vakarunndya Nndumi Iruva ishora lya ukohani mbee ya Aron. Ndeye waawo.
Vana va Valevi Vasawuwa Irunndya Vakohani
5Naasa Nndumi Iruva karera na Mose, kammbia, 6Ende ufyari lwa Valevi kufii, vakee mbee ya nkohani Aron, vandunndye. 7Nawo varinge, Aron ikwaanu lya vandu woose mbee ya yeema lya ikwaanu na irunndya ando eele. 8Vavavare fiiya fyoose fya yeema elyo, neeringa vana va Israeli naambo varunde ando eele, Neeve kuninngye Aron na Vana varundyen. 9Kuniingye Aron na vasero vakwe yewo vakee Valevi vave vakwe deny kimaruma kya vana va Israeli. 10Neewe kuvike Aron na vana vakwe vatire ukohani lwawo; na muny eto asheserikyaa kufii nawaawa.
11Naasa Nndumi Iruva kavia na Mose, 12Lolate mmbo shileuta Valevi yewo yoo nnang'ani ya vana va Israeli mmbo vavaa vakwa, 13mashika vana yewo va mbee ni vakwa; uka kyeeri kilya shilewaa vana va mbee woose va kulya urukeny lwa Misri neeny shavika vakifu vana va mbee va Israeli va vandu na findo fyeevikya; vave vakwa. Yeny mmbwe Nndumi Iruva
Valevi Veekyenwa
14Naasa Nndumi Iruva karera na Mose alya kasa ka Sinai, kammbia, 15Ekyena vana va Levi neereiya mmba tawo, wo mwana wa kyuumi va mwiiri umwi na mmwasi. 16Naasa Mose kavaekyena shaasa Nndumi Iruva alemmbavasya. 17Na vana va Levi mmbo yeva, marina awo; Gershoni na Kohati na Merari. 18Na marina a vana va Gershoni kwilatya mmba tawo ni Libni na Shimei. 19Na vana va Kohati kwi ilatya mmba tawo ni Amramu, na Ishari na Hebron na Usieli. 20Na vana va Merari kwi ilatya mmba tawo ni Mahli, na Mushi. Yeto nto ngyufyari ta Valevi kwi mmba ta vandeye vawo.
21Kulya Gershon mmbo veefo vandu va mmba ya Valibni na va mmba ya Vashimei, mmbo va ngyufyari ta Vagershoni. 22Yewo valeekyenwa, kulya kwawo lya womi woose, uka mwiiri umwi na mmwasi, yewo valeekyenwa ni fiku mfungare na mayana araanu. 23Va ufyari lwa Gershoni mmbo vareiya yeema numa ya ulale, taari ya nkwaany 24Na nniini wa mmba ta Vagerishoni avaa ni Eliasafu mwana wa Laeli. 25Na uringyi lwa Vagershoni efo yeemeny yeele yoo ulaleny, na yeema na kifiniko kya vayo, na isullya lya mwaango wa yeema yeele, 26na efo isimamba lya soori mbai ya kari, na mwaango wa kari, kufii na ulale, na kufii na kitara kyeerasya taari toose, na fyoove fya mashora a vayo fyoose.
27Na kwa Kohati ni va mmba ya Vaamrami na vammba ya Vaishari na mmba ya Vahebroni na Vausieli yewo mmbo ngyufyari Vakohati. 28Shaasa yeekyena lya womi woose lyikai, uka va mwiiri umwi na mmwasi, vekee fiku nyanya na mayana arindaru, yewo mmbo varingi va ando yo kweele. 29Va ufyari lwa Kohati mmbo vavikaa ulale lwawo taari ya sinde. 30Na nniini wa mmba yaawo wo Vakohati ni Elisafani mwana wa Usieli. 31Na fiiya vashevavaraa ni isanduku elyo, mesa, na nri weetira taa, kitara kyeerasya, na fiiya filya fya ando kweele filya varundaa nafyo urundi yelo, na soori ilya irumbuyeu, na urundi lwa vayo loose. 32Na Eliasari we mwana wa Aron akee nkohani mmbo avaa nniini wa vaniini va Valevi, navesalallya varingiy yewo va ando kweele.
33Neefo Merari ni va mmba ya Vamahi, na Vamushi, nawo ni va mmba ta Merari. 34Neewo valeekyenwa kwawo womi uka mwiiri umwi na mmwasi vekee fiku firindaru na mayana avii. 35Na nniini wa va kmmba ta Merari ni Surieli we mwana wa Abihaili; yewo vakareiya ulale taari ya ndoo. 36Na ushilyi valevavasyo vana va Merari ni ilola maboo a ando yoo, na firembo fya vayo na ngo ta vayo, na uvasha, na fiiya vya vayo fyoose, na urundi lwavayo loose; 37na soori yeto tiringitye kari eko na uvasha lwa vayo na mbambo tavayo na fyoove fya vayo.
38Na yewo vashekaa taari ya ngama ya ulale, mbee ya yeema efo mwi ushee nafo, mmbo yeva, ni Mose na Aron na vana vawo, yewo varingaa ando yoo kweele, llo uringyi lwa vana va Israeli, na muny asheserikyaau nawaawa. 39Kwa Valevi yewo valeekyenwa shaasa Mose na Aron valevavasyo ni Nndumi Iruva, woose uka mwiiri umwi na mmwasi ni vandu fiku makumi avii na fivii.
Vavee va vana va Valevi ando a vavee va Nndumi Iruva
40Naasa Nndumi Iruva kavia Mose, Ekyena womi woose vavee va vana va Israeli, uka wa mwiiri umwi na mmwasi, na marina awo. 41Mmbo kutiraa Valevi kimaruma kyakwa yeny. (Yeny mmbwe Nndumi Iruva) ando a yewo woose vavee kwa vana va Israeli na wo kindo kivee kiwonikye kwa Valevi ando a efyo fiwonikye kwa vana va Israeli. 42Mose kaveekyena shaasa Nndumi Iruva alemmbavasya, vavee woose efo vaneny va Israeli. 43Vavee woose va kyuumi na marina awo va Israeli, uka mwiiri umwi na mmwasi, yewo valeekyenwa, vakafikya fiku makumi avii na vavii mayana avii makumi mfungare na vararu.
44Naasa Nndumi Iruva karera na Mose kammbia, 45Iboo Valevi ando a vavee va vana va Israeli na findo fya mbee fya Valevi ando a findo fyawo, na Valevi vave vakwa Yeny, mmbwe Nndumi Iruva. 46Na kya ivawua vandu yewo mayana avii na makumi mfungare na vararu yevo vavee va Israeli, veelanyi yeekyena lya Valevi, 47mmbo kushipoo shekeli isaanu kwa wo nrwe wa nndu, kwa shekeli yeyo ya ando eele, 48na fesa yeto ta yewo valevauva tilesaa tininngywa Aron na vana vakwe. 49Naasa Mose kavavesa fesa ta ivawuo kwawo, yewo valeengereka yeekyena lya valewauwa ni Valevi; 50Kawarya fesa yeto kwa vavee valya va Israeli shekeli kyiku kimwi mayana araru na makumi arindaru na isaanu, ni shekeli ya ando kweele; 51naasa Mose kaniinngya Aron na vana vakwe fesa yeto taivawuo, shaasa Nndumi Iruva alemmbavasya.
Zur Zeit ausgewählt:
MEEKYENA 3: MAS2
Markierung
Teilen
Vergleichen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
The Holy Bible in Kimashami © Bible Society of Tanzania, 2016.
MEEKYENA 3
3
Vana va Aron
1Naasa eti nto ngyeeri ya Aron na Mose, nkonu ulya Nndumi Iruva alerera na Mose alya ifumbuny lya Sinai. 2Vana yewo va Aron mbo yeva, wa mbee ni Nadabu, na Abihu na Eliasari na Itamari. 3Yoo ng'u marina a vana va Aron, mmbo makohani vakevaambe mafura, vakaatwa mashoreny naambo varunde ishora lya ukohani. 4Naasa Nadabu na Abihu vakafwa mbee ya Nndumi Iruva, llya valetana kindo kivisho kyeeri vekeningya Nndumi Iruva kiraso, alya Sinai, nta mmbetiri vana-fo, na Eliasari na Itumari vakarunndya Nndumi Iruva ishora lya ukohani mbee ya Aron. Ndeye waawo.
Vana va Valevi Vasawuwa Irunndya Vakohani
5Naasa Nndumi Iruva karera na Mose, kammbia, 6Ende ufyari lwa Valevi kufii, vakee mbee ya nkohani Aron, vandunndye. 7Nawo varinge, Aron ikwaanu lya vandu woose mbee ya yeema lya ikwaanu na irunndya ando eele. 8Vavavare fiiya fyoose fya yeema elyo, neeringa vana va Israeli naambo varunde ando eele, Neeve kuninngye Aron na Vana varundyen. 9Kuniingye Aron na vasero vakwe yewo vakee Valevi vave vakwe deny kimaruma kya vana va Israeli. 10Neewe kuvike Aron na vana vakwe vatire ukohani lwawo; na muny eto asheserikyaa kufii nawaawa.
11Naasa Nndumi Iruva kavia na Mose, 12Lolate mmbo shileuta Valevi yewo yoo nnang'ani ya vana va Israeli mmbo vavaa vakwa, 13mashika vana yewo va mbee ni vakwa; uka kyeeri kilya shilewaa vana va mbee woose va kulya urukeny lwa Misri neeny shavika vakifu vana va mbee va Israeli va vandu na findo fyeevikya; vave vakwa. Yeny mmbwe Nndumi Iruva
Valevi Veekyenwa
14Naasa Nndumi Iruva karera na Mose alya kasa ka Sinai, kammbia, 15Ekyena vana va Levi neereiya mmba tawo, wo mwana wa kyuumi va mwiiri umwi na mmwasi. 16Naasa Mose kavaekyena shaasa Nndumi Iruva alemmbavasya. 17Na vana va Levi mmbo yeva, marina awo; Gershoni na Kohati na Merari. 18Na marina a vana va Gershoni kwilatya mmba tawo ni Libni na Shimei. 19Na vana va Kohati kwi ilatya mmba tawo ni Amramu, na Ishari na Hebron na Usieli. 20Na vana va Merari kwi ilatya mmba tawo ni Mahli, na Mushi. Yeto nto ngyufyari ta Valevi kwi mmba ta vandeye vawo.
21Kulya Gershon mmbo veefo vandu va mmba ya Valibni na va mmba ya Vashimei, mmbo va ngyufyari ta Vagershoni. 22Yewo valeekyenwa, kulya kwawo lya womi woose, uka mwiiri umwi na mmwasi, yewo valeekyenwa ni fiku mfungare na mayana araanu. 23Va ufyari lwa Gershoni mmbo vareiya yeema numa ya ulale, taari ya nkwaany 24Na nniini wa mmba ta Vagerishoni avaa ni Eliasafu mwana wa Laeli. 25Na uringyi lwa Vagershoni efo yeemeny yeele yoo ulaleny, na yeema na kifiniko kya vayo, na isullya lya mwaango wa yeema yeele, 26na efo isimamba lya soori mbai ya kari, na mwaango wa kari, kufii na ulale, na kufii na kitara kyeerasya taari toose, na fyoove fya mashora a vayo fyoose.
27Na kwa Kohati ni va mmba ya Vaamrami na vammba ya Vaishari na mmba ya Vahebroni na Vausieli yewo mmbo ngyufyari Vakohati. 28Shaasa yeekyena lya womi woose lyikai, uka va mwiiri umwi na mmwasi, vekee fiku nyanya na mayana arindaru, yewo mmbo varingi va ando yo kweele. 29Va ufyari lwa Kohati mmbo vavikaa ulale lwawo taari ya sinde. 30Na nniini wa mmba yaawo wo Vakohati ni Elisafani mwana wa Usieli. 31Na fiiya vashevavaraa ni isanduku elyo, mesa, na nri weetira taa, kitara kyeerasya, na fiiya filya fya ando kweele filya varundaa nafyo urundi yelo, na soori ilya irumbuyeu, na urundi lwa vayo loose. 32Na Eliasari we mwana wa Aron akee nkohani mmbo avaa nniini wa vaniini va Valevi, navesalallya varingiy yewo va ando kweele.
33Neefo Merari ni va mmba ya Vamahi, na Vamushi, nawo ni va mmba ta Merari. 34Neewo valeekyenwa kwawo womi uka mwiiri umwi na mmwasi vekee fiku firindaru na mayana avii. 35Na nniini wa va kmmba ta Merari ni Surieli we mwana wa Abihaili; yewo vakareiya ulale taari ya ndoo. 36Na ushilyi valevavasyo vana va Merari ni ilola maboo a ando yoo, na firembo fya vayo na ngo ta vayo, na uvasha, na fiiya vya vayo fyoose, na urundi lwavayo loose; 37na soori yeto tiringitye kari eko na uvasha lwa vayo na mbambo tavayo na fyoove fya vayo.
38Na yewo vashekaa taari ya ngama ya ulale, mbee ya yeema efo mwi ushee nafo, mmbo yeva, ni Mose na Aron na vana vawo, yewo varingaa ando yoo kweele, llo uringyi lwa vana va Israeli, na muny asheserikyaau nawaawa. 39Kwa Valevi yewo valeekyenwa shaasa Mose na Aron valevavasyo ni Nndumi Iruva, woose uka mwiiri umwi na mmwasi ni vandu fiku makumi avii na fivii.
Vavee va vana va Valevi ando a vavee va Nndumi Iruva
40Naasa Nndumi Iruva kavia Mose, Ekyena womi woose vavee va vana va Israeli, uka wa mwiiri umwi na mmwasi, na marina awo. 41Mmbo kutiraa Valevi kimaruma kyakwa yeny. (Yeny mmbwe Nndumi Iruva) ando a yewo woose vavee kwa vana va Israeli na wo kindo kivee kiwonikye kwa Valevi ando a efyo fiwonikye kwa vana va Israeli. 42Mose kaveekyena shaasa Nndumi Iruva alemmbavasya, vavee woose efo vaneny va Israeli. 43Vavee woose va kyuumi na marina awo va Israeli, uka mwiiri umwi na mmwasi, yewo valeekyenwa, vakafikya fiku makumi avii na vavii mayana avii makumi mfungare na vararu.
44Naasa Nndumi Iruva karera na Mose kammbia, 45Iboo Valevi ando a vavee va vana va Israeli na findo fya mbee fya Valevi ando a findo fyawo, na Valevi vave vakwa Yeny, mmbwe Nndumi Iruva. 46Na kya ivawua vandu yewo mayana avii na makumi mfungare na vararu yevo vavee va Israeli, veelanyi yeekyena lya Valevi, 47mmbo kushipoo shekeli isaanu kwa wo nrwe wa nndu, kwa shekeli yeyo ya ando eele, 48na fesa yeto ta yewo valevauva tilesaa tininngywa Aron na vana vakwe. 49Naasa Mose kavavesa fesa ta ivawuo kwawo, yewo valeengereka yeekyena lya valewauwa ni Valevi; 50Kawarya fesa yeto kwa vavee valya va Israeli shekeli kyiku kimwi mayana araru na makumi arindaru na isaanu, ni shekeli ya ando kweele; 51naasa Mose kaniinngya Aron na vana vakwe fesa yeto taivawuo, shaasa Nndumi Iruva alemmbavasya.
Zur Zeit ausgewählt:
:
Markierung
Teilen
Vergleichen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
The Holy Bible in Kimashami © Bible Society of Tanzania, 2016.