MEEKYENA 2
2
Itana Ulale na Uramba Lwavayo
1Nndumi Iruva karera na Mose na Aron, kavavia, 2Vana va Israeli vasalale wo nndu yoo bendera yakwe ikai, nafiringisyo fya mmba tawo ta vandeye vawo, fikeekunla nng'u vareiye meema aringitye yeema yeele taari toose. 3Neewo vakaa taari ya ngama, efo mwi ushee nafo, ni ulale va Yuda, na nniini wa vana va Yuda ni Nashoni mwana wa Aminadabu. 4Na matorito akwe, valya vakeeveekyeni ni fiku makumi mfungare na fiina na mayana arindaru. 5Neewo vashesalalaa nnyanu nawo ni va ufyari lwa Iskari, na nniini waawo ni Netanel mwana wa Suari; 6na itorito lyakwe, valya vakeveekyeni, ni fiku makumi araanu na fiina na mayana aana; 7na va Sabulon nniini waawo ni Eliabu mwana wa Heloni, 8na itorito lyakwe, valeekyenwa ni fiku makumi araanu na mfungare na mayana aana. 9Yewo woose valeekyenwa ulaleny lwa Yuda ni fiku iyana lyimwi na makumi nyanya na firindaru na mayana aana. Yewo mbo vasongwaa mbee.
10Taari ya sinde ni ya bendera ya Ruben na matorito awo, na nniini waawo ni Elisuri mwana wa Shedeuri. 11Na itorito lyakwe, vakeveekyene ni fiku makumi aana na firindaru na mayana araanu. 12Neewo vakaa kufii nawo ni ufyari lwa Simion, na nniini waawo ni Shelumieli mwana wa Suri-shadai; 13na itorito lyakwe, vakeveekeni ni fiku makumi araanu na kyeenda na mayana araru; 14na ufyari lwa Gadi, na nniini waawo ni Eliasafu mwana wa Deueli; 15na itorito lyakwe, valya vakeveekyeni ni fiku makumi aana na firaanu na mayana arindaru na makumi araanu, 16Woose valeekyenwa va ulale lwa Ruben ni fiku iyana lyimwi makumi araanu na kyimwi mayana aana na makumi araanu, itorito awo. Ewa mmbo va kyaaro kya kavii. 17Llyo yeema yeele lyishepowaa, ando amwi na ulale lwa Valevi lyikee nnang'ani a ngyulale toose shaasa uramba lukai, mmbasheenda indo, wo nndu na ando akwe, na bendera tawo. 18Taari ya nkwaany ni bendera ya ulale lwa Efraimu na itorito lwawo, na nniini waawo ni Elishama mwana wa Amihudi, 19Na itorito lyakwe, na valya vawo valeekyenwa ni fiku makumi aana na mayana araanu. 20Na kufii nawo ni ufyari lwa Manase, na nniini wa vana va Manase ni Gamalieli mwana wa Pedasuri; 21na itorito lyakwe valeekyenwa ni fiku makumi araru na fivii na mayana avii; 22na ufyari lwa Benyaminy na nniini waawo ni Abidani mwana wa Gidion; 23na itorito lyakwe, valya valeekyenwa ni fiku makumi araru na firaanu na mayana aana. 24Woose valeekyenwa ulaleny lwa Efraimu ni fiku iyana lyimwi na nyanya na iyana lyimwi. Ewa ni va kyaaro kya kararu.
25Taari ya ndoo ni bendera ya ulale lwa Dani na matorito awo; na nniini waawo ni Ahieseri mwana wa Amishadai. 26Itorito lya valya valeekyenwa ni fiku makumi arindaru na fivii na mayana mfungare. 27Neewo vashekaa kufii nawo ni ufyari kwa Aseri na nniini waawo ni Pagieli mwana wa Okran; 28na itorito lya valya vakeveekeyni ni fiku makumi aana na kyimwi na mayana araanu. 29Lusorye ufyari lwa Naftali na nniini waawo ni Ahira mwana wa Enani; 30na itorito lyakwe, na valya valekyenwa ni fiku makumi araanu na firaru na mayana aana. 31Woose valeekyenwa va ngyulalen ta Dani ni fiku iyana lyimwi makumi araanu na mfungare na mayana arindaru. Yewo mmbo va kyaaro kya ifurumya valatya vakaa numa na bendera tawo.
32Yewo mbo valeekyenwa va vana ya Israeli kwi mmba ta vandeye vawo, voose waleekenwa efo ngyulaleny ta matorito awo vekee vandu fiku mayana arindaru na vararu maayana araanu na makumi araanu. 33Lyo Valevi mmbaleekyenwa-fo, shaasa Nndumi Iruva alevavasya Mose. 34Niindo vana va Israeli valetana, shaasa Nndumi Iruva alevavasya Mose, vakakusanyirya na bendera tawo, vakeenda wo nndu kwi mmba yakwe na kwi mmba ya vandeye vawo na vandu vakwe.
Zur Zeit ausgewählt:
MEEKYENA 2: MAS2
Markierung
Teilen
Vergleichen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
The Holy Bible in Kimashami © Bible Society of Tanzania, 2016.
MEEKYENA 2
2
Itana Ulale na Uramba Lwavayo
1Nndumi Iruva karera na Mose na Aron, kavavia, 2Vana va Israeli vasalale wo nndu yoo bendera yakwe ikai, nafiringisyo fya mmba tawo ta vandeye vawo, fikeekunla nng'u vareiye meema aringitye yeema yeele taari toose. 3Neewo vakaa taari ya ngama, efo mwi ushee nafo, ni ulale va Yuda, na nniini wa vana va Yuda ni Nashoni mwana wa Aminadabu. 4Na matorito akwe, valya vakeeveekyeni ni fiku makumi mfungare na fiina na mayana arindaru. 5Neewo vashesalalaa nnyanu nawo ni va ufyari lwa Iskari, na nniini waawo ni Netanel mwana wa Suari; 6na itorito lyakwe, valya vakeveekyeni, ni fiku makumi araanu na fiina na mayana aana; 7na va Sabulon nniini waawo ni Eliabu mwana wa Heloni, 8na itorito lyakwe, valeekyenwa ni fiku makumi araanu na mfungare na mayana aana. 9Yewo woose valeekyenwa ulaleny lwa Yuda ni fiku iyana lyimwi na makumi nyanya na firindaru na mayana aana. Yewo mbo vasongwaa mbee.
10Taari ya sinde ni ya bendera ya Ruben na matorito awo, na nniini waawo ni Elisuri mwana wa Shedeuri. 11Na itorito lyakwe, vakeveekyene ni fiku makumi aana na firindaru na mayana araanu. 12Neewo vakaa kufii nawo ni ufyari lwa Simion, na nniini waawo ni Shelumieli mwana wa Suri-shadai; 13na itorito lyakwe, vakeveekeni ni fiku makumi araanu na kyeenda na mayana araru; 14na ufyari lwa Gadi, na nniini waawo ni Eliasafu mwana wa Deueli; 15na itorito lyakwe, valya vakeveekyeni ni fiku makumi aana na firaanu na mayana arindaru na makumi araanu, 16Woose valeekyenwa va ulale lwa Ruben ni fiku iyana lyimwi makumi araanu na kyimwi mayana aana na makumi araanu, itorito awo. Ewa mmbo va kyaaro kya kavii. 17Llyo yeema yeele lyishepowaa, ando amwi na ulale lwa Valevi lyikee nnang'ani a ngyulale toose shaasa uramba lukai, mmbasheenda indo, wo nndu na ando akwe, na bendera tawo. 18Taari ya nkwaany ni bendera ya ulale lwa Efraimu na itorito lwawo, na nniini waawo ni Elishama mwana wa Amihudi, 19Na itorito lyakwe, na valya vawo valeekyenwa ni fiku makumi aana na mayana araanu. 20Na kufii nawo ni ufyari lwa Manase, na nniini wa vana va Manase ni Gamalieli mwana wa Pedasuri; 21na itorito lyakwe valeekyenwa ni fiku makumi araru na fivii na mayana avii; 22na ufyari lwa Benyaminy na nniini waawo ni Abidani mwana wa Gidion; 23na itorito lyakwe, valya valeekyenwa ni fiku makumi araru na firaanu na mayana aana. 24Woose valeekyenwa ulaleny lwa Efraimu ni fiku iyana lyimwi na nyanya na iyana lyimwi. Ewa ni va kyaaro kya kararu.
25Taari ya ndoo ni bendera ya ulale lwa Dani na matorito awo; na nniini waawo ni Ahieseri mwana wa Amishadai. 26Itorito lya valya valeekyenwa ni fiku makumi arindaru na fivii na mayana mfungare. 27Neewo vashekaa kufii nawo ni ufyari kwa Aseri na nniini waawo ni Pagieli mwana wa Okran; 28na itorito lya valya vakeveekeyni ni fiku makumi aana na kyimwi na mayana araanu. 29Lusorye ufyari lwa Naftali na nniini waawo ni Ahira mwana wa Enani; 30na itorito lyakwe, na valya valekyenwa ni fiku makumi araanu na firaru na mayana aana. 31Woose valeekyenwa va ngyulalen ta Dani ni fiku iyana lyimwi makumi araanu na mfungare na mayana arindaru. Yewo mmbo va kyaaro kya ifurumya valatya vakaa numa na bendera tawo.
32Yewo mbo valeekyenwa va vana ya Israeli kwi mmba ta vandeye vawo, voose waleekenwa efo ngyulaleny ta matorito awo vekee vandu fiku mayana arindaru na vararu maayana araanu na makumi araanu. 33Lyo Valevi mmbaleekyenwa-fo, shaasa Nndumi Iruva alevavasya Mose. 34Niindo vana va Israeli valetana, shaasa Nndumi Iruva alevavasya Mose, vakakusanyirya na bendera tawo, vakeenda wo nndu kwi mmba yakwe na kwi mmba ya vandeye vawo na vandu vakwe.
Zur Zeit ausgewählt:
:
Markierung
Teilen
Vergleichen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
The Holy Bible in Kimashami © Bible Society of Tanzania, 2016.