Isaías 64
64
1Chenaga wxhoxjgo yeban na chetjo
na wxizo ya' ka' keten re akren rwen,
2kan llun yi'n llzeyen yix ka'
o kan llunen ll-leb nisen.
Kena be'nn ka' llwiere rwen gumbie akre rwe'
na latj yell-liw ka' xistit aken keten re akren rwen.
3Kan beno zan da llichnieraz da bi llbexhto,
kan betjo, bxhistit ya' ka' kan bre akren rwen.
4Chras bine' yen akre, na bine' re akre
cha zu yeto dios ka' rwe'
be'nn llun ke da ka' llunon
konen be'nn ka' nxenlall le'en.
5Rwen llzeninao be'nn ka' llawe llun da wen,
na llajdinlalle llune kan llenlo rwe'.
Rwe' llakllao nike dan ba bento daxhinj,
kan batnate ba gudyito rwe'.
6Yoyte neto' nakto ka to be'nn nak bziw,
yoyte da wen keto ka' llunton naken ka to rall bziw,
yoyteto ba wexjto ka to lay da ba bkoad,
na xhia ka' ba benton noachachen neto' ke to be xhen.
7Nutno llra' walwill rwe'
na nutno llnab yel gukre ko'o,
kelen'na bkoachro neto',
na bsanlallo neto' nike damar keto ka'.
8Axha, Xanto, rwen nako xato,
neto' nakto benj, rwen llunchawo neto'.
Rwekson ba beno yoyteto.
9Xanto bi gakllaw daxhen
na bi llajdinlallo welse daxhinj keto ka'.
Bwiakero neton nakto yell ko'o.
10Yell xhen xhirall ko'o ka' bayaken latj dach yu bill,
Jerusalén'na ba blleyin.
11Yodao xhen keton,
gan beraw xato ka' rwe',
ba blleyi yi'n len.
Doxhente dan llebraz weneton ba blleyin.
12Na raw doxhente dani, Xanto ¿bibi guno cha?
¿Sew lliteze
na wzoayacho neto' daxhen?
Zur Zeit ausgewählt:
Isaías 64: ZPUPAT
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Bible Society of Mexico
Mehr über die Be'nnka'be Xti'll Dios erfahren