E’doza 47
47
1 #
E’do 45:10; 46:28, 31 Yusufu nga di fi e’yo olu Farau ma tia, nga ’yo ra, Ma ati pi ibi enga angu Kananiaria, eca curu’do ’bo ma adripi pie, anyapa yini nyiri ’diyi pie, ’wara ’diyi pie, afa dria yini ovuzu yi be ’diyi be dria; mi ndre, yi angu Goseniaria ’da. 2#’Yeta 7:13Nga i adripi ma azi ’du towi, ji yi ece Farau dri. 3#E’do 46:33, 34Farau nga ’yo adripi erini ma tia kini, Azi emini a’dini ya? Yi nga ’yo Farau ma tia, Ama ati’ba mini, ama ’ba kabilo ocepi I ’diyi, ama’i ama atipi be. 4#E’do 15:13; Azi 26:5; Zab 105:23; Isa 52:4; E’do 43:1; 46:34; ’Yeta 7:11Yi nga ’yo Farau tia, Ama emu ovuzu angu ’dori ma alia ani’baru; iribini ovule ati’ba mini ’diyi ma anyapa nyiri dri kurisi, te liki ’de angu Kananiaria nzizaru tu; e’yo ’disi ama ’ba matu mi vu, mi fe ati’ba mini ma ovu angu Goseniaria fo! 5Farau nga ’yo Yusufu ma tia kini, Mi ati pi mi adripi be eca mi vu ’bo. 6Angu Misiriari eri dria mi drilia ’di; mi ma fe mi ati pi mi adripi be ma ri angu ma esele onyiru turi ma alia; yi ma ovu angu Goseniaria; azini mi ka ni ’ba azini yi ma eselia ovu onduaru azisi, mi ’ba yi anyapa mani ma drilia.
7 #
E’do 20:15; 1 Opi 11:28; O’be 12:24; 22:29 Yusufu nga i ati Yakoboni ofi ’ba Farau ma milia, Yakobo nga asi ndriza fe Farau dri. 8Farau nga ’yo Yakobo a tia, Mini ovuzu andru idriruri ma eli ca si ya? 9#Zab 39:12; 119:19; 2 Kor 5:6, 7; Ebra 11:9, 13; 1 Pet 2:11; 1:24; Yob 7:7; 14:1; Ekl 2:23; Yak 4:14; E’do 25:7; 35:28Yakobo nga ’yo Farau tia, Eli mani ovuzu ani’boru nyakua ’diyi turu alu drini kali na; eli mani ovuzu idriru ’diyi were, azini candiru, yi cani eli ma a’bipini ovuzu idriru yini ovuzu ani’boru nyakua ’diyile ku. 10#E’do 47:7Yakobo nga di asi ndriza fe Farau dri, nga fu Farau ma miliasi ra. 11#Efu 1:11; 12:37Yusufu nga pari fe i ati pi dri i adripi be, nga angu azini fe yi ma awitaru angu Misiriaria, angu nde ma esele onyiru turi ma alia, ada angu Ramesesini ma alia, Farauni azile ’borile. 12#O’be 10:1; Efu 20:12Yusufu nga nyaka fe i ati pi dri, i adripi pie, ’ba dria i ati ma joa ’diyi pie, ori’ba yini vusi.
13 #
E’do 41:30; ’Yeta 7:11 Nyaka ovu di aluni yo angu dria ma alia, te liki nde okporu tu, ’dini ’ba angu Misiriaria ’diyi pi ’ba angu Kananiaria ’diyi be ma asi fu abiri ma e’yosi ra. 14#E’do 41:56Yusufu oku silingi ’bani isule angu Misiriari pi ma alia Kananiari be ’diyi dria nyaka yini jelerisi, Yusufu nga silingi nde ji ofi Farau vile joa. 15#E’do 47:19Te silingi ka yi de dria angu Misiriari pia angu Kananiari be, ’ba Misiria ’diyi nga emu Yusufu vu, nga ’yo ra, Mi fe nyaka ama dri; ama odra va mi milia ’de a’disi ya? Te silingi amani de yi ’bo, 16Te Yusufu nga ’yo ra, Emi fe anyapa emini ma dri; ma nga fe nyaka je emi dri anyapa eminisi silingi ka yi de ’boria. 17Yi nga di yi ma anyapa eji Yusufu vu, Yusufu nga nyaka ole yi dri akanya piyi paria anyapa nyiri ’diyi pie, ’wara ’diyi pie, akanya were ’diyi pie: eri nga nyaka fe yi dri elezu anyapa yinisi dria eli ’dasi. 18Te eli ’dari ka i de ’bo, yi nga emu vunia eli iririsi, nga ’yo eri tia, Ama econi e’yo silingi amanini yi dezu teketeke ’bori ocizaru opi amani dri ku; anyapa o’biru ’diyi opi amanini; afa aluni aceni opi amani ma milia ku pe lu rua amani pi aceni angu amani be. 19Ama ma odra va mi milia ’de, ama’i angu amani be a’disi ya? Emi je ama angu amani be nyakasi, ama’i angu amani be nga ovu ati’baru Farau dri beni; mi fe vini ori ama dri, ama ma ovu idriru ama ma dra ku, azini angu ma ovu andruru ku beni.
20’Dini Yusufu nga angu Misiriari je dria Farau dri; a’disiku ’ba Misiria ’diyi dria alu alu nga amvu ini fe je likini ’dele okporu yi ma driarisi. ’Dini angu ofu Farau ma afaru; 21te ’baru ’diyi ma e’yo ’dini, eri ofu yi, nga yi oku aku ambo ambo ’diyi vusi, engazu Misiri ma kalati aluria kpere cazu aziniria. 22#Ezr 7:24Angu erini jele kuri lu ’ba edeta edepi ’diyini; ’ba edeta edepi ’diyini afa awaza a’ile Farau dririsi, azini yini nyaka Farauni awale yi driri nyalerisi; e’yo ’disi yi feni yi ma angu ozi ku. 23Yusufu nga di ’yo ’ba ma tia, Mi ndre, ma je emi andru angu emini be Farau dri ’bo. Mi ndre, ori emi dri ’di, emi ri di ori amvua. 24Te eri nga eca ’dini, etu afa lozurisi, emi nga nyaka esele towi ma azi aluri fe Farau dri, te su ’diyi nga ovu emini, ori amvuari pi ma e’yosi nyaka emini pie, ’ba emi vile joa ’diyi ma nyaka pie, anzi emini nyiri nyiri ’diyi ma nyaka pie. 25#E’do 33:15Yi nga ’yo ra, Mi pa ama idri ’bo; opi amani ma asi ma ndri ama vu fo, ama nga ovu ati’ba Farauni ra. 26#E’do 47:22Yusufu nga ani e’yo nde azi azitaru angu Misirini ma e’yosi kpere andru, kini, afa towi ma eselia aluri Farauni; pe lu ’ba edeta edepi ’diyi ma angu ofuni ndra ovuzu Farau ma afaru kuni.
27 #
E’do 12:2; 26:4; 46:3; Efu 1:7; Azi 26:5; Zab 105:24; ’Yeta 7:17 Israeli nga di ovu angu Misiriari ma alia, angu Goseniaria; yi nga afa isu ’dale yi ma ngulupiniru, yi ere yi drile drile, yi ezu karakarau tu. 28Yakobo ovu idriru angu Misiriari ma alia eli mudri drini aziri; ’dini ewu Yakoboni eli erini ovuzu idriru ’diyi ovu eli turu alu kali su drini aziri.
29 #
Azi 31:14; 1 Opi 2:1; E’do 24:2, 49; 50:25 Eli Israelini ngazu drazuri eca ogogo; eri nga i mvi Yusufuni omve ani, nga ’yo eri tia, Mi asi ka ndri ma vu ra, mi ’ba mi dri ma etekoa oyo sozu, mi ’ye ma be yikisi azini e’yo adarusi: mi ma sa ma avu angu Misiriaria ku, ma zi mi tia; 30#2 Sam 19:37; E’do 23:2; 50:5, 13; ’Yeta 7:16; Ebra 11:23te ma ka la ma a’bipi be, mi nga ma ’du Misiriasi amve, nga ma avu sa pari yi ma avu sazuria. Eri nga ’yo ra, Ma nga ’ye mini ’yolerile. 31#E’do 48:2; 1 Opi 1:47; Ebra 11:21Eri nga ’yo ra, Mi so mani oyo ci; eri nga oyo so eri dri ra. Israeli nga di avu va gbolo erini ma dria drialeru.
Zur Zeit ausgewählt:
E’doza 47: LB66
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Bible in Lugbara © United Bible Societies, 1966.
