E’doza 40
40
Yusufuni ’ba arujaa ’diyi ma arabi ma efi ecezuri
1 #
Neh 1:11
Eri nga eca e’yo ’diyi ma vutia, ’ba nyaka fepi opi Misiriari driri pi nga e’yo eza opi yini amboru Misiriari vu, ’ba nyaka a’dipi eri driri be. 2#O’be 16:14Farau ovu ani aokosi ’ba iri azi ngapi eri dri ’diyi be, ada ’ba ambo ’ba nyaka fepi ’diyi ma driliari pi ’ba ambo ’ba nyaka a’dipi ’diyi ma driliari be. 3#E’do 39:20Eri nga yi ombe; aruru ’ba asikari opi ma agei tepi ’diyi ma driliari ma joa, kpere fizu arujo pari yini Yusufuni ombezuri ma alia. 4Ba asikari opi ma agei tepi ’diyi ma driliari nga e’yo yini azi Yusufu ma tia eri nga azi nga yi dri; yi ovu di ombezaru arujoa o’du fudri ci. 5Orobi nga yi obi ra, orobi nde obi yi alu alu ini alusi, yi iri tro ma orobi ma efi ndu ndu, ’ba nde yi ’ba nyaka fepi opi Misiriari driri pi ’ba nyaka a’dipi eri driri be ovupi ombezaru arujoa ’diyi. 6Yusufu nga fi yi vu o’bitisi nga yi ndre ra, te mi ndre, yi ovu candisi. 7Eri nga ’ba azi ngapi Farau dri ovupi eri be ombezaru aruru opi erini ma joa ’diyi zi kini, Emi mile e’da candiru andru ’dini a’disi ya? 8#E’do 41:15, 16; Dan 2:11Yi nga ’yo eri ria, Orobi obi amani, te ’ba ecopi efini ecepini yo. Yusufu nga ’yo yi ria, E’yo efi ecezuri eci Munguni ku ya? Emi olu e’yoni ma tia, ma zi emi ria.
9’Ba ’ba nyaka fepi ’diyi ma driliari nga i ma orobi ma e’yo ece Yusufu ria, nga ’yo eri ria, Orobi mani ma alia, mi ndre, zabibu pati ovu ma drilia, 10zabibu pati nde ma arakala yi na; eri e’da ekile eri angilifi li, fu zozule; efi kapi kuludruru ’diyi ma alia zabibu efi nga ni ra. 11Isu de okelea Farau vileri ovu ma dria ci; ma nga zabibu efi ’du ra, ma nga suni nzi okelea Farau vileri ma alia, ma nga di okelea; nde fe Farau dri. 12#Lip 7:14; Dan 2:36; 4:19Yusufu nga ’yo eri tia, Efini ’dini: arakala na yi o’du na; 13#Zab 3:3; Yer 52:31de nga o’du na agani ku, Farauni nga mi dri enga, eri nga mi ofi azi minia dika, mi nga okelea Farauni fe eri dri ekile ewu ndra mini ovuzu ’ba nyaka fepi Farau dririsirile.
14 #
Luk 23:42; Yos 2:12; 1 Sam 20:14; 1 Opi 2:7 Te mi ma ega e’yo mani, e’yo mini ka nga ofu drilebaru ’borisi, mi ece asi ndriza ma dri, ma zi mi tia, mi ma olu e’yo mani Farau tia indi, ma ofuzu jo ’doriasi. 15#E’do 39:20Te ada yi ogu ma ’ba Ebrania ’diyi ma anguasi, te ’doa indi ma ’yeni e’yo onzi fudri yini ani ma ’bazu ’bile gale arujoruri ma alia ’dini ku.
16Te ’ba ’ba nyaka a’dipi ’diyi ma driliari ka ndre orobi ma efi ovu onyiru, eri nga ’yo Yusufu ma tia, Ma’i indi, orobi mani ma alia, te mi ndre: ma adro afazu na ma dria, yi ma alia mikati emveru ’diyi indi; 17afazu dridriru ururi ma alia nyaka ndu ndu a’dile Farau dri ’diyi indi, te aria nga yi oga nya afazu ma driari ma alealesi. 18Yusufu nga e’yo omvi ’yo ra, Efini ’dini: afazu na ece o’du na; 19de nga o’du na agani ku, Farauni nga mi dri enga-ga mi ruaarisi!-nga mi avu ’i pati sia; aria yi nga za oce mi ruaarisi nya ra.
20 #
Mat 14:6; Mar 6:21 Eri nga eca o’du narisi, o’du nde o’du Farauni osizuri’i, eri nga omu ’ba ati’ba erini ’diyi dri dria, eri nga ’ba ’ba nyaka fepi ’diyi ma driliari pi ma dri enga, ’ba ’ba nyaka a’dipi, ’diyi ma driliari be, ati’ba erini ma eselia. 21#E’do 40:13; Neh 2:1Eri nga ’ba ’ba nyaka fepi ’diyi ma driliari omvi eri ma azia dika, eri nga di okelea fe Farau ma dria; 22#Esi 7:10te eri ti ’ba ’ba nyaka a’dipi ’diyi ma driliari ra, ekile Yusufuni efini ecele yi dri ’borile. 23#Yob 19:14; Zab 31:12; O’be 3:27; Ekl 9:15; Amo 6:6; Ebra 13:16Te ti, ’ba ’ba nyaka fepi ’diyi ma driliari egani Yusufu ma e’yo ku, te eri ma e’yo avi eri dri ra.
Zur Zeit ausgewählt:
E’doza 40: LB66
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Bible in Lugbara © United Bible Societies, 1966.
