Efuza 2

Musa ma osiza

1 # Efu 6:20; Kal 26:59; 1 Sur 23:13, 14 Te agupi alu suruti Leviniri eri je zamva Levinirini okuru. 2#’Yeta 7:20; Ebra 11:23Oku nderi isu mva, osi agupimvani; eri ka ne eri ovu mva onyi beni, eri zi eri mba na. 3Eri ka eco eri zi dika ku, eri ’du afazu acalakaru edele omisiri, eri e’bura aleni odri pisi ese be; eri ’ba mva nderi alenia, eri ’ba eri omi talaa yi tia. 4#Efu 15:20; Kal 26:59Amvini nga pa so re, nezu a’dini nga mva nde ’yeni ya. 5#’Yeta 7:21Te Farau zi nga esi yia rua ojizu, azini ezoanzi erini ati’baru ’diyi ri aci yi tisi; eri nga afazu nderi ne omi talaa, eri nga ati’bo erini zanaru alu ma ti e eri e’duzu. 6Te eri ka afazu tile zi ’bo, eri ne mva nderi ra; te mi ne, mvani wu wu. Eri ’ba yiki mva nderi vu, eri ’yo, Mva ’ba Ebraniani ma aziri awa’do! 7Amvipini nga di ’yo Farau zi tia,Mi le ma mu mini oku alu Ebraniani omve mva nderi ma indriaru eri endruzu ra ya? 8Te Farau zi ’yo tinia, Mi mu. Odruna nderi mu ra, omve mva ma andrini’i. 9Farau zi ’yo tinia, Mi ’du mva ’diri, mi endru eri ma dri, ma nga mi ofe ra. Oku nga di mva nderi ’du ra, nga eri endru ra. 10#’Yeta 7:21Mva nderi zo ra, vutinia eri ji eri Farau zi vu, eri ofu mva eriniru. Eri ’da runi Musa’i, eri ’yo ra, mani mule eri esele yiarisi.

Musani apazu Misiriasiri

11 # ’Yeta 7:23-28 # Ebra 11:24 Eri eca ’dini ewu Musani zozu ’boria, eri fu i adripi vu, eri ne teri nzizaru yini; te eri ne ’ba alu Misiriouru erini adripi alu ini Ebraniouru coria. 12Te eri one angu kuru kuru, ka ’ba isu ku eri fu ’ba nde Misiriouru ra, nga avuni zi cinya alia. 13Dru ’dini eri efu, ne agupi Ebraniani iri yini yi ofuria; te eri ’yo agu nde i agini ’yepi onziri tia kini, Mi mi adrini fu a’disi ya? 14Eri omvi e’yo kini, A’di ’ba mi opiru kani ’ba e’yo lipiru ama driliani ya? Mi le ma fu mini ’ba Misirini fulerile ya? Te Musa ovu urisi, kini, Adaru, ni de e’yo nderi ’bo. 15#’Yeta 7:29; Ebra 11:27; E’do 24:11; 29:2Farau ka e’yo nderi eri ra, eri ndru Musani fuzu.

Te Musa apa Farau ma miliasi ra, nga di adri angu Midianinia, eri ri, yi a’di tia ’dale. 16#Efu 3:1; E’do 29:10; 1 Sam 9:11Isu de kuhani Midianiari ovu ezoanzi be aziri; yi emu yi ko, yi oko yi oguru kabiloni yi mvuzuri ma alia tre yi ati ma kabilo dri. 17Te ’ba kabilo ocepi, azi ’diyi eca, dro yi ra; te Musa nga enga yi aza kozu, nga yi fe kabilo yini dri. 18#Kal 10:29Yi ka emvi Rueli ata yini vu, eri ’yo, Emi emvi andru mbele ’dinile a’di e’yosi ya? 19Te yi ’yo, Agu Misiriouru pa ama ’ba kabilo ocepi ’diyi dri, oko yi ama dri indi, fe kabilo dri indio 20#E’do 31:54Te eri yo ezoanzi eri ni tia, Eri ngoa ya? Emi ku agu ’diri ’daa a’disi ya? Emi omve eri, ma nya nyaka indio 21Musa a’i ovuzu tualu agupi nderi be, te eri fe Musa dri i zi Ziporani; okuru. 22#Efu 18:3; Ebra 11:13Eca osi agimva, ’cia runi Gerisomu’i; a’disiku eri ’yo ra, Ma ndra ani’boni angu juruni ma eselia,

23 # Efu 7:7; Zab 12:5; E’do 18:20; Azi 24:15; Yak 5:4 Eri eca ’dini ewu azinisi opi Misiriari dra ra. Anzi Israelini yi ota matusi azi okporurisi, yi owu owu, awu yini ca Mungu vu azi okporu yini ’yele ati’ba yinisi. 24#E’do 15:13-14; Efu 6:5; Zab 105:8Te Mungu eri otata yini matusiri ra, azini Mungu ega aziza ini yi ma eselia Iburahimu pi, Isaka pie, Yakobo pieri ma e’yo dika, 25#2 Sam 16:12; Luk 1:25Mungu ne anzi Israelini, azini Mungu ega e’yo yini ra.

Zur Zeit ausgewählt:

Efuza 2: LB66

Markierung

Kopieren

Vergleichen