Efuza 13

Aliriaanzi opezu ndu Mungu driri

1Te Yehova ’yo Musa tia kini, 2#Kal 3:13; 8:16; 18:15; Luk 2:23; Efu 22:29, 30; Lev 27:26; Azi 15:19Mi ope ndu ma dri aliriaanzi dria alaru; anzi alu alu andri ma opojo ti zipi oko anzi Israelini eselia ’diyi, kani ’ba anzini kani anyapa anzini; yi afa mani.

3 # Efu 12:42; Azi 16:3; Efu 6:1 Te Musa ’yo ’ba ongulumuru ma tia, Emi avi o’du ’dirisi ku, o’du nde emini fuzu Misiriasi engazu jo ati’baniarisiri’i, a’disiku Yehova ofu emi engazu pari ’diria dri okpo inisi; emi nya mikate akufi beri aluni ku. 4#Efu 23:15; 34:18; Azi 16:1Emi fu andru ’dorisi mba Abibunisi. 5Azini eri nga ovu ’dinile, mi mamba azi ’diri ma ta mba ’dori vusi, Yehova ka nga mi ofi angu ’ba Kananini pini, Hitini pie, Amorani pie, Hivini pie, Yebusini pieri ma alia ra, angu nde erini oyo sole a’bi mini tia fezu mi dri, angu gapi tre lesu pisi anyu beria. 6#Efu 12:15, 16Mi ma ya mikate akufi kokoruri o’du aziri, te o du azirisi omu Yehovani nga ovuni. 7Mi ma nya mikate akufi kokoru o’du aziri nde ’diyisi dria; ’ba ma ndre mikate akufi beri mi vu ku, ma ndre vini akufi mi vu ku angu mini ma eselia dria. 8#Zab 44:1O’du nderisi mi ma olu mva mini ma tia kini, E’yo ’diri ’dini a’disiku e’yo Yehovani ’yele ma vu mani efuria Misiriasirisi. 9#Efu 12:14; Kal 15:39; Azi 6:8; 11:18; Isa 49:16; Yer 22:24; Mat 23:5Te eri nga ovu mi dri ecetaru mi dri agelia, azini e’yo egata fepiriru mi andretia, ’dini azita Yehovani ma ovu mi tilia ani; Yehovani mi ofule dri okporusi Misiria ’borisi. 10E’yo ’disi mi ma mba e’yo aziza ’diri ma ta eli vusi eli vusi ewu erini vusi. 11#E’do 15:18; 17:8; Zab 105:42-45Eri nga ovu ’dini, Yehova ka nga mi ofi angu Kananini ma alia ra, ekile erini oyo sole ndra mi tia azini mi atapi tiarile, eri ka nga angu nderi fe mi dri ra, 12#Efu 34:19-20; Luk 2:23; Efu 22:29; Lev 27:26; Kal 18:15; Eze 44:30mi ma ope Yehova vu aliriaanzi dria andri opojo ti zipi ’diyi, anzi anyapani tile oko ’diyi be; agupianzi anyapa agoru ’diyi be yi Yehovani. 13#Kal 3:46Mi ma onze akanya ganari mva tipi okori kabilomvasi; mi ka eri onze ku mi nyo ombeleni ra. Azini anzi mini ma eselia mi ma onze anzi osipi oko ’diyi dria ra. 14#Efu 12:26; Azi 6:20; Yos 4:6, 21Eri nga ovu ’dinile, mva mini ka mi zi ewu azinisi kini, ’Di a’dini ya? mi ma ’yo eri tia, Yehova ofu ama Misiriasi dri okpo inisi jo ati’baniria. 15Eri eca ndra ’dini, Farau ma asi ka mba okporu ama ogazu muko si, Yehova ofu aliriaanzi angu Misirinia ’diyi dria, aliriaanzi ’bani, anyapa anzi tipi oko ’diyi be. E’yo ’disi ma efe anyapa dria agoru opojo ti zipi ’diyi edetaru Yehova dri; te aliriaanzi mani agupiru, ma yi onze dria ra. 16#Azi 6:8Eri nga ovu ecetaru mi dri agelia, azini afa a’diza mi andretiariru; Yehovani ama ofule Misiria dri okpo inisirisi.

Iriti piriruri pi aci piriruri be

17 # Efu 14:11; Kal 14:1; Azi 17:16 Eri eca ’dinile, Farau ka ’ba ongulumuru ku muzu ’boria, Mungu ceni yi dri geri angu Filistiniarisi ku, ka tro eri ogogo ti; Munguni ’yolerisi kini, ’Ba nde ’diyi kazu yi ojazu vile mvizu Misiria ku, yi ka nga omba ne ra. 18#Efu 11:2; Kal 33:6Te Mungu ce yi dri geri roko dria Miri Ekaru tiarisi. Te anzi Israelini yi tu angu Misiriniasi afa yini ombani be dria. 19#E’do 50:25; Yos 24:32; ’Yeta 7:16Te Musa ’du fala Yusufuni i be; erini ndra fele anzi Israelini ma so oyo okporu kini, Ada Munguni nga emi andri ra; azini emi nga fala mani ji tualu emi be engazu angu ’doria-risi. 20#Kal 33:6Yi nga enga Sukotia, yi aso hema yini Etamua ogogo roko tia. 21#Azi 1:33; Neh 9:12, 19; Zab 78:14; Isa 4:5; 1 Kor 10:1Yehova mu yi drilia etusi iriti pa sopi piriru yi driliari ma alia, te inisi aci pa sopi piriru yi driliari ma alia, diza fezu yi dri, ’dini yi eco muzaru etusi inisi beni; 22#Zab 121:5-8iriti nde pa sopi piriru etusiri, azini aci nde pa sopi piriru inisiri, eceni ovuzu ’ba drilia ku.

Zur Zeit ausgewählt:

Efuza 13: LB66

Markierung

Kopieren

Vergleichen