मलाकी 4
4
न्याय रा दिन
1सर्वशक्तिमान परमेशर बोलोआ, “तुसे बेफिकर रओ, यहोवे रे न्याय रा दिन आऊणे लगी रा। मेरा गुस्सा भट्टे दे धधकदिया आगी जेड़ा धधकणा। सारे कमण्डी लोक सूके काओ जेड़े ऊई जाणे। ओर सेयो सब जो बुरे काम करोए, सेयो बी। आऊणे वाल़े दिनो दे सेयो आगी दे एड़े फूखी जाऊणे कि तिना रा नाओं-नशाण नि रणा, सेना रे यहोवे रा येई वचन ए। 2पर तुसा रिया तँईं जो मेरे नाओं रा डर मानोए, तर्मो रा सूरज निकल़ना ओर तेसरी किरणा ते तुसे ठीक ऊई जाणे ओर तुसे बारे जाणे ओर अच्छे ते पाल़े रे बाच्छूए जेड़े जो गवाईणी ते बारे निकल़ोआ उछल़-कूद करदे रणे। 3तेबे तेस दिने, जेबे मां दुष्टा रा न्याय करना, तेबे तुसा मौज-मस्ती करनी, मेरे तेस ठराए रे दिने सेयो तुसा रे पैरा निठली स्वा बणी जाणे, सेना रे यहोवे रा येई वचन ए। 4जो बिधान मैं मूसे खे दित्तेया था, जो मेरा सेवक था, तिना खे मानदे रणा। जो आज्ञा ओर बिधिया मैं तेसखे होरेबो रे पाह्ड़ो पाँदे दित्तिया थिया, तिना खे मानदे रणा, जिना खे मानणे रा काम तुसा सबी इस्राएलिया खे करना चाईयो। 5देखो, परमेशरो रे तेस बड़े ओर डराऊणे दिनो रे आऊणे ते पईले मां तुसा गे एलिय्याह नबी पेजणा। 6एलिय्याहो माया-बाओ ओर तिना रे बच्चेया बीचे शान्ति ल्याऊणी। तेस बच्चेया ओर तिना रे माया-बाओ बीचे बी शान्ति ल्याऊणी। जे एड़ा नि ऊआ, तो मां आऊणा। ओर मां ये देश पूरी तरआ ते नाश करी देणा।”
Zur Zeit ausgewählt:
मलाकी 4: BGH
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
This work is licensed under Creative Commons Attribution-ShareAlike 4.0 License.