योना 2
2
योना री प्रार्थना
1तेबे योने तेसा मच्छलिया रे पेटो ते आपणे परमेशर यहोवे ते प्रार्थना करी की बोलेया, 2“मैं मुसीबता रे पड़े दे यहोवे री दुहाई दित्ती ओर तिने मेरी सुणी ली री, अधलोको बीचा ते आऊँ चींगेया ओर तैं मेरी सुणी ली। 3तैं आऊँ गईरे पाणियो दे सेटिता, ओर आऊँ समुद्रो बीचे पड़ीगा। गईरे पाणिये आऊँ टकी ला। तैं मां पाँदे समुद्रो रिया बड़िया लईरा बईणे दित्तिया।” 4तेबे मैं बोलेया, “आऊँ तां सामणे ते निकयाल़ी ता दा ए, एबे आऊँ फेर तेरे पवित्र मन्दरो खे नि देखी सकदा।” 5आऊँ लगभग लईरा दे डुबी गया था। मेरे चऊँ कनारे गईरा पाणी था। मेरे सिरो पाँदे सबाल़ चिपकी गा था।
6आऊँ पाह्ड़ो री जड़ा तक डूबी गा था। आऊँ जमीना दे कैद था, जेते रे द्वार सदा खे बन्द ऊईगे थे। तेबे बी ओ मेरे परमेशर यहोवा, तैं आऊँ मौता रे मुंए ते छुड़ाया। 7जेबे आऊँ मरने ई वाल़ा था, तेबे मैं तूँ याद कित्तेया, प्रभु। मेरी प्रार्थना तां तक पऊँची। ये स्वर्गो दे तेरे पवित्र मन्दरो दे तां तँईं खे पऊँची गी। 8कुछ लोक आपणे देवतेया री बेकार मूर्तिया री पूजा करोए। सेयो आपणे दया करने वाल़े परमेशरो ते दूर ऊई जाओए। 9पर मां जोरे की तन्यवाद करी की ताखे बलिदान चढ़ाणा, जो मान्नत मैं मानी राखी, से पूरी करनी। पक्का परमेशर ई उद्धार करोआ। 10तेबे परमेशरे तेसा बड़ी मच्छलिया खे आज्ञा दित्ती ओर तेसे योना सूकी जमीना पाँदे उगल़ी ता।
Zur Zeit ausgewählt:
योना 2: BGH
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
This work is licensed under Creative Commons Attribution-ShareAlike 4.0 License.