Zefaniya 1
1
1Ngaaya majwi aa Mwami Leza aakasikila Zefaniya mwanaa Kusyi, mwanaa Gedaliya, mwana wa Amaliya mwanaa Hezekiya, mumazuba aakulela kwa Josiya mwana wa Amoni mwami wa Juda.
Buzuba bwalubeta lwa Mwami Leza
2“Njooziminganya zintu zyoonse anyika, mbwaamba Mwami Leza. 3Njooziminganya bantu abanyama boonse, njooziminganya bayuni bamuluuwo answi zyamulwizi. Babi bayooba milwi yazitantaala zyamaanda, ndaakunyonyoona bantu munyika, mbwaamba Mwami Leza.
4“Ndiyootandabika janza lyangu akulwana cisi ca Juda, akul wana boonse aabo bakkala mu Jelusalemu. Ndiyoonyonyoona bantu boonse basyeede bakomba Baali, amazina aabatasyomi abapaizi bakomba mituni, 5aabo bakomba atala aaziluli zyamaanda kuti bakombe zyakuju lu, aabo bakomba akukonka muzina lya Mwami Leza, bamana ooku bakonka muzina lya Moleki. 6Ndiyoobanyonyoona aabo baleka kutobela Mwami Leza, batamuy andauli nokuba kubuzya-buzya zyanguwe.
7“Amuumune kumbele lya Mwami Leza, nkaambo buzuba bwa Mwami Leza buli afwiifwi. Mwami Leza walibambilila cipaizyo cili mbantu bakwe, wasala basinkondonyina aabo mbaatamba kuti babasaale. 8Mubuzuba bwacipaizyo ca Mwami Leza, ndiyoosubula baleli abana balombe bamwami nkokuti boonse aabo basamide zisani zyabazwamasi. 9Mubuzuba oobo njoosubula boonse aabo bakomba mbuli batasyo mi, kubba akujaya, kuti bakazuzye maanda aabo abasimalelo babo zisaalwa.
10“Mubuzuba oobo, mbwaamba Mwami Leza kuyooba kulila kuzwa ku Mulyango Wanswi, kuyooba kweema kuzwa ku Maanda Mapya, jwi pati liyooyooma kutulundu.” 11Amweeme nywebo nomukkala mucibeela camasambalilo, basambazi banu bayooloba myoo, boonse baulana ansiliva bayoonyonyoonwa.
12Mubuzuba oobo njoolangaula munzi wa Jelusalemu amalambe, ndiyoosubula baabo baliibide, basaantinde bali mbuli dibbi-dibbi likkalilide atako bayeeya kuti, “Mwami Leza taakwe ncanga wacita, cibotu naa cibi.” 13Lubono lwabo lulasaalwa, maanda aabo alamwaigwa. Bayooyaka maanda, pele tabakakkali mulingawo pe, bayoosyanga myuunda yamisaansa, pele tabakamunywi waini.
14Buzuba bupati bwa Mwami Leza buli aafwiifwi, buli aaf wiifwi, alimwi bulasika cakufwambaana. Amuswiilile! Mubuzuba bwa Mwami Leza oobo kuyooba kulila kupati, silumamba uyooongolola. 15Buzuba oobo buyooba buzuba bwabukali buyooba buzuba bwama penzi amacise, mbuzuba bwamakatazyo alunyonyooko, mbuzuba bwamakumbi aakusiya amayoba, 16mbuzuba bwamweembo ankondo kulwana minzi iikwabilidwe, abwakulwana maanda malamfu aakusompelela aali muzyooko.
17Bantu ndiyoobaletela mapenzi, bayooenda mbuli bantu boofu, nkaambo bakabisizya Mwami Leza. Bulowa bwabo buyoosoomoka mbuli busoomoka kasuko, mibili yabo iyooloka mbuli bufumba.
18Nsiliva noziba ngolida zyabo tazikakonzyi kabavuna mubuzuba bwabukali bwa Mwami Leza. Akaambo kabukali bwakwe buyaka mbuli mulilo nyika yoonse iyoosyukutwa, nkaambo uyoofwambaana kuziminganya boonse aabo bakkala munyika.
Zur Zeit ausgewählt:
Zefaniya 1: Tonga96
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Tonga Bible © United Bible Societies, 1994.