Mika 4
4
Cilundu ca Mwami Leza
(Izaya 2.1-4)
1Mumazuba aamamanino cilundu caŋanda ya Mwami Leza
ciyooba ncecilundu cipati kwiinda zyoonse,
ciyoolampa kwiinda tulundu, nkabela bantu banji bayooinka kuli ncico.
2Misyobo minji iyooboola akuti,
“Kamuza tweende kucilundu ca Mwami Leza,
kuŋanda ya Leza wa Jakobo. Uyootwiisya nzila zyakwe kutegwa tukeende munzila eezyo.”
Ulaamba zyamulawo wakwe kuzwa ku Ziyoni, Mwami Leza ulakanana majwi aakwe kuzwa mu Jelusalemu.
3Uyoobeteka twaambo twabantu banji, uyookosola makani aamisyobo miyumu iili kulaale, misyobo mipati.
Bayoofula mapanga aabo kuba milomo yamaamba, amasumo aabo kuba tukwezuzyo.
Taakwe musyobo uuyoolwana musyobonyina alimwi tabakaiyi limbi zyankondo.
4Muntu uuli woonse uuyookkala munsi aamusaansa wakwe, amunsi aamukuyu
wakwe, taakwe uuyoobayoosya pe, nkaambo Mwami Leza Singuzuzyoonse nguwaamba.
5Misyobo yoonse ilakonzya kunooenda muzina lyabaleza babo, pele swebo tunooenda muzina lya Mwami Leza wesu kwalyoonse alyoonse.
Baisilayeli mbobayoopiluka
6Mubuzuba oobo, mbwaamba Mwami Leza, “Ndiyooyobolola balema, ndiyoobunganya baange, aabo mbundakacita kuti bausigwe nsoni. 7Balema njoobacita kuti bakasyaale mbabo, aabo bakatandwa bakabe musyobo muyumu. Mwami Leza uyoobalela mucilundu ca Ziyoni kuzwa mubuzuba oobo mane kukabe kutamani.
8“Pele yebo ocisompelelo cabutanga, omayubilo aamunzi wa Ziyoni, uyoopegwa kweendelezya kwako nkookajisi kaindi. Bwami buyoopegwa kumunzi wa Jelusalemu.” 9Ino ono ncolilisya boobo ninzi? Sena tojisi mwami? Sena mulailili wako wakaloba cakuti macise alikujisi mbuli mukaintu uuyanda kutumbuka? 10Kominingana mumacise omunzi wa Jelusalemu, mbuli mukaintu uuyanda kutumbuka, nkaambo lino bantu bako balazwa mumunzi bakayake zivuka musokwe. Balatolwa ku Babuloni, ooko bayoofutulwa. Mwami Leza uyoobanununa ooko kuzwa kuli basinkondonyina. 11Pele lino misyobo minji yabungana antoomwe ikulwane. Baamba kuti, “Munzi ooyu uusofwaazigwe, tulalibonena munzi wa Ziyoni kuunyonyoonwa.” 12Pele tabazi miyeeyo ya Mwami Leza, tabamvwisyi miyeeyo yakwe, ooyo uubabunganya mbuli misunta yamaila kucuumino.
13“Nyamuka uume omunzi wa Ziyoni, kayi ndakupa meja aalubulo, ndakupa nsumba zyamukuba, nkaako ulakonzya kutyoloola misyobo minji.”
Mbono nzyoyoojana mubumpelenge uyoozipa ku Mwami Leza, buvubi bwabo uyoobupa kumwami wanyika yoonse.
Zur Zeit ausgewählt:
Mika 4: Tonga96
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Tonga Bible © United Bible Societies, 1994.