Hosiya 14
14
Hosiya ukombelela Baisilayeli
1Amupilukile ku Mwami Leza wanu nywebo no Baisilayeli. Mwawa nkaambo kamilandu yanu. 2Amupilukile ku Mwami Leza akumukumbila kuti, “Tulekelele milandu yesu yoonse, utambule kukomba kwesu, tulakutembaula amajwi eesu.” 3Baasiliya tabakonzyi kutuvuna, aalo mabbiza aankondo taakonzyi kutukwabilila pe. Zintu zyakapangwa aamaanza tatukazyaambi limbi kuti, “Leza wesu.” Nkaambo nduweyebo olikke obafwida luzyalo bamusyaala.
Leza mbwaakasyomezya buumi bupya ku Baisilayeli
4“Njoosilika bulwazi bwakutasyoma kwabo.
Njoobayanda amoyo omwe, nkaambo ndaleka kubanyemena.
5Mbuli muumi njoobukulusya Baisilayeli.
Bayoofulula mbuli mpana, eelyo bayoosimpa miyanda mbuli mulombe.
6Mitabi yawo iyooyandilila, bayoobota mbuli musamu wa oliva,
bayoonunkilila mbuli masamu aku Lebanoni.
7Bayoojana lukwabililo kulindime. Bayoosonsa mbuli maila mumuunda,
alimwi bayoozyalisya mbuli misaansa. Bayooba ampuwo mbuli waini wamu Lebanoni.
8Baefulemu bayootantamuka kuzwa kumituni. Ndime eemvwa kukomba kwabo akubabamba.
Ndili mbuli mukamba uutakunkumuki matu. Ndime embapa micelo.”
Majwi aamamanino
9Ooyo uujisi busongo amvwe eezi, ooyo uujisi maanu azibambe. Nkaambo nzila zya Mwami Leza zililuleme, eelyo baluleme baleenda mulinzizyo, pele basizinyonyoono balalebwa mulinzizyo.
Zur Zeit ausgewählt:
Hosiya 14: Tonga96
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Tonga Bible © United Bible Societies, 1994.