1Petrus 1
1
Keyagi warinakike wene
1-2Nagarlagi nirugi o. An Petrus, Yesus Kristus nen nayonggo ʼbiluk laʼbani wagike mende etnogo nen, wene yi kolal mbalogo kit ninombae Allah nen, kinebe alebat mikinakike mende, yogondak ya elalma pasik yi ai ndi ai sirlik-mbirlikogo lo lagagisip, o propinsi Pontus inom, Galatia inom, Kapadokia inom, Asia inom, Bitinia inom, akoni inakla inakla dombok werek mende etnogo, kinoba laʼbi wagi o. Kinebe Allah nenat akla ambalok mikinakikesik, Yesus Kristus ane kologo kagako dogobagik nen yiluk apma ʼbinagagik, amep oba kokinakik, kagasigiluk nen,
“An nenggaerek naʼburi asubagik nen yiluk wokinaki o,” yiluk at Agurengge nen wokinakike o. Allah obabut pano etnogo nen pano mende wokisigik, kinendainggen alep-yabungga kambugut dinagagik, nggokogonat kagako dogowak o.
Kit nen, “Yabunggane Allah nen pano kagat ninabigin, yiluk kinakla arlenggen kasi dogusak,” yiluk yogisasike wene
3Ninewe Endaganggok Yesus Kristus ombae Allah etnogoat pogorako doguwok. At Allah ninebe ninaʼbuwa mondok nen, Yesus Kristus watlagikesikmo nen ilugut disike eti paga nit ninilugut ninakike o. Ninilugut ninakikemo dogolik, ninakla nen,
“At nen, yabunggane panot ninabigin, yisike eti dek asigin dek,” yiluk ninakla arlenggen kiligogi o. 4Esigit diluk panot ninakonem indewerek asugun mende eti pirli agidek, weyak agidek, dek agidek ikok mondok dogogin mende mbogot oba kit ʼbinagasikemo werek o. 5Kinendainggen at Allah oba panggot diluk werek eti paga, at obatne paga pakisek dogoluk nen, yabunggane kinebe panot kinabigin mende ilugun kurli paga winamet digin o.
6Eti paga, yogondak ya, Allah nen kinaren mbaligiluk kagakonem, kinoba anggin-panggin kasi dogolik, elalma ake kinakla weyak arigogo mende, kinakla arlenggen kasi dogono o. 7Emas onggo nggogat mbaligogi mende eti,
Pano a? Weyak a, yiluk kindu aik oba walkiligogi eti kak, Allah nen,
“It inendainggen an noba eberogonat panggot diluk werek a? Dek a,” yiluk, enggagat asuwagaluk ambasinem, kinoba anggin-panggin kiligogi o. Emas eti wirlikogonat dek asigin mendeat, ebe nggok kak, kinendainggen Allah oba panggot diluk werek etiat o. Kit kinendainggen at oba panggot diluk dogogun kalok, at nen kinaren mbalko dogoluk nen, Yesus Kristus selekmaat laʼbi wisigin etinem, pogot kinakik, kinalonet kinakik, nggogot dinagagik, kagasigin o. 8Kit nen alebat, at ebe kinilenggen kigidek mendeat, ebe kinendainggen kunik werek o. Esigit diluk dogolik, yogondak ya kinilenggen kigidek mende, kinakla nen,
“Yabunggane pano mondok kagat ninabigin,” yiluk kinane paga ninggit diluk mbilelogo yuʼbugat dogolik, kinakla arlenggen mondok kiligogi o. 9Kinakla nen,
“O ilugun kurli paga panot ninabuwak,” yiluk kinendainggen at oba panggot diluk dogolik, yogondak indewerek arigogi o.
10Ninebe panot ninabigin wene eti, it alebat ap Allah wene yogisasi laguka mende yomenogo nen wene eti pasigat kweyakik, kinok waganggik, kagako laguka. Esigit diluk kweyako dogolik, Allah obabut pano nen,
“Pano kagarinako dogogin,” yiluk yisike eti, ebe kit pano kagat kinabigogo eti pasigat awan werek nggorlek yogisasi laguka o. 11Esigit diluk yogisasi laguka eti, at Kristus Agurengge inakla dogolik men yogisasike,
“Kristus oba aik kilik kilik watlasigin. Watlatluk nen yabunggane iluk agonem pogorako dogogun,” yiluk yogisasikemo it nen yisi dogolik,
“Ninggit diluk kagat lasigin. Ngginem nen kagat lasigin,” yiluk kinok dikogo waganggo laguka. 12Kinok waganggonem, at Allah nen,
“Wene eti, kit kinenggaerek kinake, dek o. Kit nen, it yabunggane awan mende inake kagarigogi o,” yiluk kit pasigat yisike. Esigit diluk yogisasikesik welagikesik nen, yabunggane Allah Agurengge mbogot oba nen wusa ʼbi wagikemo, it ap pano wene Yesus Kristus kagakike wene etnogo yokisawagaluk inakla dogolik yogondak ʼbukakogo yokisiligogi ebe eti pasik yisi laguka o. Wene eti, it malaikat Allah nen yonggo wusa ʼbiya wirigogo mende yomenogo nen,
“Iya. Nit wene eti dikogo ninilu atlep o,” yiluk ambaligogi o.
Allah ake nggaʼberek mondok dogowagaluk inasuk wakike wene
13Eti paga, wene eti didiluk nen, mbirirli luwogoluk inobaka kerle aʼbetogo warigogi eti kak, kinobabut kwalogo, kinendainggen enggerlogo dogono o. Esigit diluk dogolik, kinakla nen,
Allah nen Yesus Kristus ebe selekmaat laʼbi wagonem pano mende woknisa wisigin o, yiluk kinendainggen at oba laʼbiluk oba eberek mondok dogono o. 14Kit alebat wene eti kinonggodek dogolik, yi mende ndi mende warlok nen kinendainggen nen nasinem kagako lagagip eti, yabunggane kinobabut eti mende waganggup o. Elege nen inombae lak inane kologo dogolik motogo kagarigogi eti kak, kit Allah wene kinasuk kologo motogo kagako dogono o. 15-16At Allah nen,
“An nobabut weyak kagakidek nggaʼberek mondok werek eti paga, kit men an nake kinobabut nggaʼberek mondok dogono o,” (Im. 11:44-45; 19:2; 20:7)
yiluk yisikemo kolal mbalogo ʼbisuka eti paga, kit nen yi mende ndi mende kagako dogolik, kinobabut at Allah kinayonggo ʼbisike mende obabut kagat nggaʼberek mondok dogolik kagako dogono o.
17At Allah obabut akoni inowado pagaat ilenggen iyalok, amberek elokoma ʼbiyigik, amberek omborlikngge ʼbiyigik, kagarigogo dek o. Inobabut kagarigogi dombok motogonat wene inoba ʼbigik, nggokik, kagarigogo eti paga, kit nen,
“Allah ninombae o,” yiluk ayonggo ʼbisi dogolik, agat oba yoma elalma pasik kinebe ap kuso negen dogolik, at ebe kinayukogo kagako dogono o. 18Paganeat kinakomba kinagonalak kagako laguka eti kak, it inobabut waganogo dek asigin mende pasik yugunat wirlikogo kagako lagagip eti paga, kininggi kerle warek negen werekma, Allah nen kinebe kinonggo mbalogo ndil kinakike eti kiniluat o. Onggo eti dek asigin mende emas paga perak paga kinonggo mbal kinakike ʼbuk. 19At te, onggo nggok mende paga mbalogo ndil kinakike o. Domba eyak weyak dek pano utkulik mende Allah ake amep wulabogo waresu kak, at Kristus amep wulabogo watlagike eti paga, kinonggo mbalogo ndil kinakike o. 20Kristus, Allah nen mbogot agat yoma awan walkigidek dogolik, akla ambalok ayonggo ʼbisikesik welagikesik nen, ebe yogondak o ilugun kurli paga kit kinakeat selekmaat laʼbi wagikemo kinebe ndil kinakike o. 21Ebe watlagikesikmo Allah nen ilugut diluk pogorako dogowagaluk mendisikemo, kinendainggen Allah oba panggot diluk,
“Yabunggane at nen panot ninabigin,” yiluk oba eberek werek o.
22Ebe wene eti kinasuk kolko dogolik, kinakla nen weyak mende korogo laʼbiyalok, kinagarlagi kinirugi Allah aʼburi mende eberogonat inaʼbuwarogo kagarigogi eti kinom kunik mondok dogolik naʼbuwa-kaʼbuwarogo kagako dogono o. 23Allah nen yabunggane endak kinakike eti, akoni watlarigogi mende nen endaginabigogi eti kak endak kinakike ʼbuk. At te, Allah iluk ikok mondok dogolik wene dek asigin dek mondok dogogin mende paga endak kinakike o. 24Eti, Allah wene men yiluk kolal mbalek werek kak,
“Akoni taʼbokogonat, inebe isinggangge salegat o. Pano yiluk pogorinabigogo eti, isingga enggen pogorarigogi eti kak pogorarigogi o. Engga mbuk agik, enggen lologo wusigik, kagarigogo o.
25Mende, Ninewe Endaganggok ane eti mondok dogogin o,” (Yes. 40:6-8)
yiluk yisikemo kolal mbalogo ʼbisuka o. At ane eti ebe, nit nen pano wene yokisiligogi etiat o.
Zur Zeit ausgewählt:
1Petrus 1: DNA
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
1Petrus 1
1
Keyagi warinakike wene
1-2Nagarlagi nirugi o. An Petrus, Yesus Kristus nen nayonggo ʼbiluk laʼbani wagike mende etnogo nen, wene yi kolal mbalogo kit ninombae Allah nen, kinebe alebat mikinakike mende, yogondak ya elalma pasik yi ai ndi ai sirlik-mbirlikogo lo lagagisip, o propinsi Pontus inom, Galatia inom, Kapadokia inom, Asia inom, Bitinia inom, akoni inakla inakla dombok werek mende etnogo, kinoba laʼbi wagi o. Kinebe Allah nenat akla ambalok mikinakikesik, Yesus Kristus ane kologo kagako dogobagik nen yiluk apma ʼbinagagik, amep oba kokinakik, kagasigiluk nen,
“An nenggaerek naʼburi asubagik nen yiluk wokinaki o,” yiluk at Agurengge nen wokinakike o. Allah obabut pano etnogo nen pano mende wokisigik, kinendainggen alep-yabungga kambugut dinagagik, nggokogonat kagako dogowak o.
Kit nen, “Yabunggane Allah nen pano kagat ninabigin, yiluk kinakla arlenggen kasi dogusak,” yiluk yogisasike wene
3Ninewe Endaganggok Yesus Kristus ombae Allah etnogoat pogorako doguwok. At Allah ninebe ninaʼbuwa mondok nen, Yesus Kristus watlagikesikmo nen ilugut disike eti paga nit ninilugut ninakike o. Ninilugut ninakikemo dogolik, ninakla nen,
“At nen, yabunggane panot ninabigin, yisike eti dek asigin dek,” yiluk ninakla arlenggen kiligogi o. 4Esigit diluk panot ninakonem indewerek asugun mende eti pirli agidek, weyak agidek, dek agidek ikok mondok dogogin mende mbogot oba kit ʼbinagasikemo werek o. 5Kinendainggen at Allah oba panggot diluk werek eti paga, at obatne paga pakisek dogoluk nen, yabunggane kinebe panot kinabigin mende ilugun kurli paga winamet digin o.
6Eti paga, yogondak ya, Allah nen kinaren mbaligiluk kagakonem, kinoba anggin-panggin kasi dogolik, elalma ake kinakla weyak arigogo mende, kinakla arlenggen kasi dogono o. 7Emas onggo nggogat mbaligogi mende eti,
Pano a? Weyak a, yiluk kindu aik oba walkiligogi eti kak, Allah nen,
“It inendainggen an noba eberogonat panggot diluk werek a? Dek a,” yiluk, enggagat asuwagaluk ambasinem, kinoba anggin-panggin kiligogi o. Emas eti wirlikogonat dek asigin mendeat, ebe nggok kak, kinendainggen Allah oba panggot diluk werek etiat o. Kit kinendainggen at oba panggot diluk dogogun kalok, at nen kinaren mbalko dogoluk nen, Yesus Kristus selekmaat laʼbi wisigin etinem, pogot kinakik, kinalonet kinakik, nggogot dinagagik, kagasigin o. 8Kit nen alebat, at ebe kinilenggen kigidek mendeat, ebe kinendainggen kunik werek o. Esigit diluk dogolik, yogondak ya kinilenggen kigidek mende, kinakla nen,
“Yabunggane pano mondok kagat ninabigin,” yiluk kinane paga ninggit diluk mbilelogo yuʼbugat dogolik, kinakla arlenggen mondok kiligogi o. 9Kinakla nen,
“O ilugun kurli paga panot ninabuwak,” yiluk kinendainggen at oba panggot diluk dogolik, yogondak indewerek arigogi o.
10Ninebe panot ninabigin wene eti, it alebat ap Allah wene yogisasi laguka mende yomenogo nen wene eti pasigat kweyakik, kinok waganggik, kagako laguka. Esigit diluk kweyako dogolik, Allah obabut pano nen,
“Pano kagarinako dogogin,” yiluk yisike eti, ebe kit pano kagat kinabigogo eti pasigat awan werek nggorlek yogisasi laguka o. 11Esigit diluk yogisasi laguka eti, at Kristus Agurengge inakla dogolik men yogisasike,
“Kristus oba aik kilik kilik watlasigin. Watlatluk nen yabunggane iluk agonem pogorako dogogun,” yiluk yogisasikemo it nen yisi dogolik,
“Ninggit diluk kagat lasigin. Ngginem nen kagat lasigin,” yiluk kinok dikogo waganggo laguka. 12Kinok waganggonem, at Allah nen,
“Wene eti, kit kinenggaerek kinake, dek o. Kit nen, it yabunggane awan mende inake kagarigogi o,” yiluk kit pasigat yisike. Esigit diluk yogisasikesik welagikesik nen, yabunggane Allah Agurengge mbogot oba nen wusa ʼbi wagikemo, it ap pano wene Yesus Kristus kagakike wene etnogo yokisawagaluk inakla dogolik yogondak ʼbukakogo yokisiligogi ebe eti pasik yisi laguka o. Wene eti, it malaikat Allah nen yonggo wusa ʼbiya wirigogo mende yomenogo nen,
“Iya. Nit wene eti dikogo ninilu atlep o,” yiluk ambaligogi o.
Allah ake nggaʼberek mondok dogowagaluk inasuk wakike wene
13Eti paga, wene eti didiluk nen, mbirirli luwogoluk inobaka kerle aʼbetogo warigogi eti kak, kinobabut kwalogo, kinendainggen enggerlogo dogono o. Esigit diluk dogolik, kinakla nen,
Allah nen Yesus Kristus ebe selekmaat laʼbi wagonem pano mende woknisa wisigin o, yiluk kinendainggen at oba laʼbiluk oba eberek mondok dogono o. 14Kit alebat wene eti kinonggodek dogolik, yi mende ndi mende warlok nen kinendainggen nen nasinem kagako lagagip eti, yabunggane kinobabut eti mende waganggup o. Elege nen inombae lak inane kologo dogolik motogo kagarigogi eti kak, kit Allah wene kinasuk kologo motogo kagako dogono o. 15-16At Allah nen,
“An nobabut weyak kagakidek nggaʼberek mondok werek eti paga, kit men an nake kinobabut nggaʼberek mondok dogono o,” (Im. 11:44-45; 19:2; 20:7)
yiluk yisikemo kolal mbalogo ʼbisuka eti paga, kit nen yi mende ndi mende kagako dogolik, kinobabut at Allah kinayonggo ʼbisike mende obabut kagat nggaʼberek mondok dogolik kagako dogono o.
17At Allah obabut akoni inowado pagaat ilenggen iyalok, amberek elokoma ʼbiyigik, amberek omborlikngge ʼbiyigik, kagarigogo dek o. Inobabut kagarigogi dombok motogonat wene inoba ʼbigik, nggokik, kagarigogo eti paga, kit nen,
“Allah ninombae o,” yiluk ayonggo ʼbisi dogolik, agat oba yoma elalma pasik kinebe ap kuso negen dogolik, at ebe kinayukogo kagako dogono o. 18Paganeat kinakomba kinagonalak kagako laguka eti kak, it inobabut waganogo dek asigin mende pasik yugunat wirlikogo kagako lagagip eti paga, kininggi kerle warek negen werekma, Allah nen kinebe kinonggo mbalogo ndil kinakike eti kiniluat o. Onggo eti dek asigin mende emas paga perak paga kinonggo mbal kinakike ʼbuk. 19At te, onggo nggok mende paga mbalogo ndil kinakike o. Domba eyak weyak dek pano utkulik mende Allah ake amep wulabogo waresu kak, at Kristus amep wulabogo watlagike eti paga, kinonggo mbalogo ndil kinakike o. 20Kristus, Allah nen mbogot agat yoma awan walkigidek dogolik, akla ambalok ayonggo ʼbisikesik welagikesik nen, ebe yogondak o ilugun kurli paga kit kinakeat selekmaat laʼbi wagikemo kinebe ndil kinakike o. 21Ebe watlagikesikmo Allah nen ilugut diluk pogorako dogowagaluk mendisikemo, kinendainggen Allah oba panggot diluk,
“Yabunggane at nen panot ninabigin,” yiluk oba eberek werek o.
22Ebe wene eti kinasuk kolko dogolik, kinakla nen weyak mende korogo laʼbiyalok, kinagarlagi kinirugi Allah aʼburi mende eberogonat inaʼbuwarogo kagarigogi eti kinom kunik mondok dogolik naʼbuwa-kaʼbuwarogo kagako dogono o. 23Allah nen yabunggane endak kinakike eti, akoni watlarigogi mende nen endaginabigogi eti kak endak kinakike ʼbuk. At te, Allah iluk ikok mondok dogolik wene dek asigin dek mondok dogogin mende paga endak kinakike o. 24Eti, Allah wene men yiluk kolal mbalek werek kak,
“Akoni taʼbokogonat, inebe isinggangge salegat o. Pano yiluk pogorinabigogo eti, isingga enggen pogorarigogi eti kak pogorarigogi o. Engga mbuk agik, enggen lologo wusigik, kagarigogo o.
25Mende, Ninewe Endaganggok ane eti mondok dogogin o,” (Yes. 40:6-8)
yiluk yisikemo kolal mbalogo ʼbisuka o. At ane eti ebe, nit nen pano wene yokisiligogi etiat o.
Zur Zeit ausgewählt:
:
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.