مقتطفات من الزبور 1
1
دعاء الحكمة للنبي داود عليه السلام
1هنيئاً لِيلّي ما بيِسمَع لولاد السوء،
وما بيمشي ممشاهُن،
ولا بيقعُد مع المستهزْئين ولا بيعجبُه هواهُن.
2بالعكس بقوم وبنام وذِكِر كتاب اللّه علسانُه،
وبطاعة ربّه بيفرَح وبيعمل كلّ شي عشانُه.
3بيِشبَه شجرة مغروسة عمجرى ميْ،
بتثمِر بوقتها وما بتِدْبَل وَلا شوي،
وكلّ أعمالُه ناجحة.
4مش مِتِل جماعة الأشرار المِشْ فالحة،
يلّي بطيروا متل القشّ بالريح.
5وبيوم الحساب الكَفَرة الأشرار ما بيثبتوا منيح،
وبآخر النهار
أبداً ما بيتحاسَبوا مع الأبرار،
6لأنّه ربّ العالمين بيرعى سُبُل الصّالحين،
أمّا يلّي بيختاروا طريق الشرّ فهنّ من الضّالين.
Zur Zeit ausgewählt:
مقتطفات من الزبور 1: LRT
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
© 2021 Sabeel Media