DIPESALEMA 150
150
Rorisang Morena
1Haleluja!
Rorisang Morena
a le sehalalelong sa hae,
mo roriseng
a le sebakeng sa hae se matla,
baka sa hae sa lehodimo.
2Mo roriseng
ka baka la diketso tsa bonatla ba hae,
mo roriseng
ka baka la boholo ba hae,
boholo ba hae bo fetisisang.
3Mo roriseng
ka modumo wa lenaka,
mo roriseng
ka thomo le ka harepa.
4Mo roriseng
ka moropa le ka mohobelo,
mo roriseng
ka seletsa se dikgwele, le ka makodilo;
5mo roriseng
ka mangenengene a ketemanang,
mo roriseng
ka mangenengene a llang haholo.
6Tsohle tse phelang
di ke di rorise Morena.
Haleluja!
Zur Zeit ausgewählt:
DIPESALEMA 150: SSO89SO
Markierung
Teilen
Vergleichen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
© Bible Society of South Africa 1989. Used by permission. All rights reserved.