Pampujiam 43
43
1O Puang Allataala, undusannä' lollä,
pekkalundanganni kaha-kahaku
lako hupatau to tameada'!
Langnga'iä' dio mai to manipu anna mateko!
2Aka Iko Puang Allataala bettem matoto'ku kuongei mentuhehum.
<<Akanna untibemä'?
Aka hia anna nahuaä' sussa tanggana-gana,
napakamase-mase balingku?>>
3Pasulei kamasiäsamMu anna kamaloloamMu,
anna mala natetennä',
anna napatette längäm tanete masehoMu,
ongeam tadongkongamMu!
4Lambi' malaä' tinanda lako dapo' pehumalasam längäm Puang Allataala,
mengngolo lako Puang Allataala kabuttuanna kakassiangku anna katilallasangku,
anna ma'kuhhu' sumanga'ä' matim oloMu kupasindum ma'katapi,
o Puang Allataala, Puang Allataala to kupenombai!
5O penabangku, akanna masussako?
Akanna tahapa'ko kusi'dim?
Mahannuko längäm Puang Allataala! Aka la ma'kuhhu' sumanga' omä' sule dio oloNa,
to ullangnga'iä' anna Puang Allataala to kupenombai!
Zur Zeit ausgewählt:
Pampujiam 43: BMB
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
© 2022, Wycliffe Bible Translators, Inc. All rights reserved.