Pampujiam 24
24
DEBATA Tomahaja Handam Matande mentama ba'ba malobä
24:1-10
1Pampujiam napapia Daud.
DEBATA umpuängam lino sitonda issinna,
lino sola ingganna to tohho illaanna.
2Umpaokko' lino yabona le'bo',
anna napatadongkom yabona ingganna salu.
3Mennangka la sipäto' längäm taneteNa DEBATA?
Mennangka la sihatam ke'de' illaam ongeam masehoNa?
4To tä' deem sassainna pa'palakoanna anna mahändä penabanna,
tä' umpenombai debata lino
anna tä' ma'dandi-dandi bäbä.
5Iam too la untahima pa'tamba' DEBATA,
anna napomalolo Puang Allataala to ullappasanni.
6La susim too hupatau to umpameä Puang Allataala,
to umpameä hupanNa Puang Allataala, to napenombai Yakub. Sela
7Äkä'ko kalemu, o tondom ba'ba malobä,
tiäkä'ko längäm, o tondonna ba'ba malobä mahhatu' taum dadinna,
anna mala naola mentama Tomahaja Handam Matande!
8Menna itim diuam Tomahaja Handam Matande?
DEBATA to handam matoho anna makkatalo-talo;
to makkatalo-talo illaam pa'bundusam.
9Äkä'ko kalemu, o tondom ba'ba malobä,
tiäkä'ko längäm, o tondonna ba'ba malobä mahhatu' taum dadinna,
anna mala naola mentama Tomahaja Handam Matande!
10Menna itim diuam Tomahaja Handam Matande?
DEBATA to ungkuasai langi' anna lino;
Iam too Tomahaja Handam Matande! Sela
Zur Zeit ausgewählt:
Pampujiam 24: BMB
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
© 2022, Wycliffe Bible Translators, Inc. All rights reserved.