MA-TAI 2
2
DSA̱̍NG DAE NYÍ.
1Dsò̤ uùng Shi-li Iei-su wo̍k dso̍ kùeh Iu-tai Beh-li-hen, li gî uèn sĕ làk sung du̍ng bŭng mă dà̱ng Iei-lu-sa-len.
2Nào, váng dı̍ sa̍ ngăe wo̍k uùng Iu-tai dso̍ lia̍ng laèo? Ka̍i du̍ dso̍ du̍ng bŭng nguóng răn ndău ndi dı̍, diào ĭ mă ba̍i di̍.
3Uùng Shi-li ndai nyĭ dsi lău, Iei-lu-sa-len liao dsŭ dù uèn iei du̍ng lău.
4Shi-li dsîu zâeo bu dsáng sĭ ndu̍m, rò̤ng bia̍k sı̍ng bu kó sĕ mă, za̍m sa̍o dı̍ nào, Gi-du mâe wo̍k dso̍ bò̤ng laèo?
5Sa̍o dı̍ da̍u zăn nào, mâe wo̍k dso̍ kùeh Iu-tai Beh-li-hen, ı̍n uĕi ràe li za̍o bu ro koa̍n nào.
6Kùeh Iu-tai Beh-li-hen mèng dso̍ ndăeo u̍ ndăeo ĭn kùeh Iu-tai mì shĭ na̍i bu dé, dà̱ng lăng li váng uùng dso̍ lia̍ng mèng wo̍k mă kuô̤n bia̍k sı̍ng ku̍ I-seh-lieh.
7Ra̍ di̍ Shi-li bè ndík iáo bu sĕ làk mă, sa̍e sa̍e za̍m ndăn ndău ndi shĭ dsò̤ làeo wo̍k.
8Dsi za̍p sa̍o di̍ băi̍ dà̱ng Beh-li-hen lăng sa̍o di̍ nào, ka̍i su̍ băi sa̍e sa̍e za̍m rĕ lèk di̍, ră ndai liao dsi da̍u mă rò̤ng ku̍ nào, ku̍ iei lâi băi ba̍e di̍.
9Sa̍o dı̍ nyĭ za̍o váng uùng băi liao, ndău ndi báe du̍ng bu̍ng ngúong răn dso̍ koa̍n in răn, dà̱ng bò̤ng lèk we̍n dsi dèng dso̍ săng kâu.
10Bu sĕ làk yo̤ răn ndău ndi láo shĭ a̍ng rĭu.
11Dsít băi rà̱n liao yo̤ răn lèk we̍n rò̤ng ia̍i di̍ Ma-li-ia, dsîu da̍ng uôm ba̍e di̍, do̤̍t uăe ka̍i bâu sa̍o dı̍ shíen zâeo gĭm iê̱n, ru shia̍ng, mu yo, kó lèk mâ̱n.
12Bu sĕ làk ı̍n uĕi Sû dso̍ ndaĕo váng ngèn vi suăn niâng da̍u băi dà̱ng Shi-li, dsîu sung răn ká̱k da̍u bén bò̤ng băi liao.
13Sa̍o di̍ băi lăng, Io-seh kó ndĭu váng ngèn, răn tie̍n sí Sû mă lăng dı̍ nào, re̍n mă dò̤ lèk we̍n rò̤ng ia̍i di̍ diào dà̱ng Ngai-gi băi, dso̍ lia̍ng di̍ yu̍, dsâ ku̍ rò̤ng mèng nào, in uĕi Shi-li lâi sâo ră lèk we̍n ăo di̍ kâ̱.
14Io-seh dsîu re̍n mă, kâng zám dò̤ lèk we̍n rò̤ng ia̍i dı̍ diào dà̱ng Ngai-gi băi.
15Yu̍ dso̍ lia̍ng di̍ dsâ dà̱ng Shi-li dăe liao, ka̍i ni hò za̍e Sû yĭm ba̱̍k bu ro koa̍n nào, Ku̍ sung Ngai-gi iáo lèk săe ku̍ mă liao.
16Shi-li yo̤ răn shĭ dò̤k bu sĕ làk ió, dsîu uò dsàn ya̍p dù uèn dà̱ng Beh-li-hen băi, aŏ ndăeo dsŭ ruók dsŭ lèk săe suŏng bĭ mă lâ du̍ng kâ̱ liao, dsâu dò̤k dsò̤ dı̍ sa̍e sa̍e za̍m bu sĕ làk.
17Ka̍i nı̍ dsĭn hò za̍o bu ro koa̍n Iei-li-mi,
18Dı̍ nào dso̍ bò̤ng La-ma ndai nyĭ gié̱t dsŏ̤, sét dâe, kòk iăo mòm mòm, shĭ La-gei dâe lèk dı̍ mì vì̱n sû dsúai dsŏ̤, in uĕi sa̍o dı̍ mì li liao.
19Shi-li dăe ku̍a lăng Io-seh dso̍ Ngai-gi kó váng ngèn, răn tie̍n sí̤ Sû mă lăng dı̍ nào.
20Re̍n mă dò̤ lèk sa̍e rò̤ng ia̍i dı̍ dau̍ I-seh-lieh băi, ı̍n uĕi dù uèn aŏ za̍i míng lèk sa̍e dsi dăe liao.
21Io-seh dsîu re̍n mă dò̤ lèk sa̍e rò̤ng ia̍i dı̍ băi dà̱ng kùeh I-seh-lieh.
22Ndai nyĭ Ya-gi-lao dso̍ lăng bó dı̍ Shi-li kó liao uùng Iu-tai dsi lău, mì ka̍m băi lia̍ng dı̍, dso̍ ndăeo váng ngèn ndai váng Sû vi sûan, dsîu băi uáe Gia-li-li.
23Dà̱ng liao ndăn bò̤ng ndĭao dsó rài kó Na-sa-leh, dsi yu̍ dso̍ lia̍ng dı̍, ka̍i ni dsĭn hò za̍o bu ro koa̍n nào, dù uèn lâi dàe dı̍ kó bu Na-sa-leh.
Zur Zeit ausgewählt:
MA-TAI 2: BY1904
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
maintained by the British and Foreign Bible Society