ZEKHARIAH 13
13
1“Mah hun a hen ten,” Cungnungbel Topa in, “David casuante le Jerusalem mite a sualnak haw le a milim biaknak haw pen thiangtik tukin ciktui pa khat put tuk hi. 2Mah hun ten hi ngam milim tei min cu phiatvawk khawng tung a, kuamah in cing haw tukma toh hi. Profet ing tin, a titu hempoh cu lawl khawng tung a, milim biak nuamnak lungmu vang laksak khawng tung. 3mi pa kha khatin, profet awnin, a awn tum leng ahi tale, a nu le pa ten, “Topa i minin, zolthu na son hangin thi tuk ci,” tin ti haw tuk hi. Mahti bangin profet awnin, a awn leng ahi tale, a nu le pa ten dawthum haw tuk hi. 4Mahtibang hun a hen ten itih bang profet in muhnak pa kha khat a nei hei in, uangdun tukma toh, profet nun vang cungleh ngawltohin mipi zolnak tukin profet tei silh mekmi, a ham zetmi angki cualpi vang silh haw tukma toh hi. 5Mah sangin amah in, ‘Kei cu profet kha mang. Lobungmi ing hi; ka nunsung hempoh lobungmi hi leleng ing,’ ti saw tuk hi. 6mi pa kha khatin, ‘Na awm a liamnak meimate hi ita hum?’ tin, a dot ten ‘Ka ngualcam inn pen ka tawh khakmi hi,’ ” tin tituk ti hi.
Pathian Tuucingte Thah Tuk
7Cungnungbel Topa in, “Maw, ngalnam, tho inna, ka ca in, nadektu tuucingte cu satin! That inna, tuute cu mun tihkimah lengkek khawng haw tahen. Mi nautate cu keimah in siatsuah tung a;#Mt 26:31; Mk 14:27; 8hih ngamsung mihingte i khen thum khen nih cu thi haw tuk hi. Khen thum khenkhat bek luat haw tuk hi. 9a tang calam khen thum khenkhat cu khingkhai tung a, ngun cu mei tuah a thiantik bangin thiangtik tung. Sui cu mei ah a khingkhai haw bangin khingkhai tung. Ka nelah thu a nget haw ten za tung. Ka mihing a hih haw hilh tung a, keimah vang a Pathian haw ka hihlam phuang haw tuk,” ti hi.
Zur Zeit ausgewählt:
ZEKHARIAH 13: NBF1
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Ngawm Bible © Bible Society of Myanmar, 2014.