Xo̱jo̱n Salmoo̱ 54
54
Ndabii̱ tsíꞌaá Néná nga ko̱síko̱jo
Ndabii̱ katsꞌénda kui soó, kjiꞌanga xota̱a̱ Sii̱f kijíkoón Sauu̱l nga bi̱ katsoó: Ta̱sara̱ ti̱ kꞌi̱e̱e̱ tikónꞌmá Ndabii̱ ngi̱jinná.
1Ji Ne, ꞌna̱xiéꞌéní ta̱ngatꞌanii̱ nga yandikón Jaꞌée̱n,
kó kixi̱ ti̱ꞌinsénní ta̱ngatꞌanii̱ ngaꞌniú xí tjiín.
2Ji Ne, ndaꞌyé Ji nga kuichjiaá,
kó tasínijìi̱n én xí chji̱a̱ ndso̱ꞌba án.
3Ngatꞌa̱ xota̱ xi nde yàjín ꞌyá kuií bo̱a̱ ndyi̱kjánjo̱na,
kó xota̱ xi ndajiín mejeén sa̱ꞌínkꞌiénna.
Kui xotaa̱ boaꞌaxki̱jín Néná.
4Ngotꞌe̱ ꞌne̱, Néná boá xi bosikójona,
Néná boá xi tsꞌéntsjána kjo̱a̱mindyion.
5¡Te̱ꞌéꞌoyé nginíi̱ ni xi ndajín xi tsꞌénjo̱na kondra̱na,
kó ta̱ngatꞌanii̱ kjo̱a̱kixìi̱ nga ti̱ꞌinkjie ji!
6Ngayejee̱ ini̱ma̱na nga sa̱ꞌínkꞌasꞌiee̱n kjo̱a̱tjó.
¡Ji Ne, tsjaa ndokꞌóchji̱ì nga sa̱ꞌintsjáa̱ Jaꞌée̱n, ngatꞌa̱ achichí nda Ji xota̱,
7ngatꞌa̱ Jí boá xi kachjeꞌéxín Ji ni nda̱ kjimana,
kó ndyikón án má xi je kamábe, nga je kiniꞌánchaja kondra̱na!
Zur Zeit ausgewählt:
Xo̱jo̱n Salmoo̱ 54: MAIX
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014