Xo̱jo̱n Salmoo̱ 129
129
Kixi̱ boá Néná
1Achichí nda̱ je kamána, ndeskande koó nga xo̱ngò án,
bi̱ nga tsó xota̱ na̱xi̱ńdá Israee̱l ngotꞌe̱ ꞌne̱:
2Achichí nda̱ je kamájne̱ ndeskande koó nga xo̱ngòjne̱,
ta̱nga kamájiín nga kui katsꞌénjne̱.
3Xota̱ xi bokján tꞌanangii̱, nga̱xtonjne̱ katsꞌénkjaꞌasoón ki̱cha̱ xi bokjánní tꞌanangii̱,
kó achichí ndojó xo̱ngà xí katsꞌeén.
4Ta̱nga Néná kixi̱ boá,
kó Kuí boá xi tsatie ńꞌniú xí tjítꞌanii̱ ji̱n xota̱ xi ꞌniú ndajiín.
5Nga niꞌánkjaꞌa kjo̱a̱soboá, ko̱jo ngatjíꞌoyá nginí ngayeje xota̱ xi chꞌoo̱ na̱xi̱ńdáꞌniú Sioo̱n.
6Bo̱a̱ ngatamaa̱ xikoó kꞌijñá xí ꞌbé nkꞌaa̱ ngo ndiꞌa,
kui xi xíꞌniú ngindiee̱ nga kjo̱a̱ꞌaá.
7Kꞌijñá xí ꞌbikítsiejín tsja xota̱ xi foaꞌátikó ni xi maxchaá,
ti̱nde nde ngo chꞌo̱ májín nga foníkjá kuí xka̱a̱.
8Ti̱nde bi̱jín tsoó xota̱ xi ki̱a̱ foaꞌaa̱:
Kjo̱a̱niꞌánchikonñeé Néná ngatjandibániéjnú,
Jaꞌeén Néná boá xi ndyi̱niꞌánchikonñénijne̱ jún.
Zur Zeit ausgewählt:
Xo̱jo̱n Salmoo̱ 129: MAIX
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014