Xo̱jo̱n Salmoo̱ 112
112
Néná tsꞌénchíkonñé xota̱ xi ndaa̱
1¡Achichíra̱ tsjaa̱ kui nda̱ xi bendikón Néná,
kui xi ꞌniú tsjá maá nga tsꞌénkjátjosón kjo̱a̱botíxomaa̱!
2Xota̱ tji̱e̱e̱ kui, achichí ngaꞌniú kꞌuieé kui nga̱sondiee̱.
Xota̱ tji̱e̱ xi kixi̱i̱, ka̱machikonñé.
3Tsie ni ko̱jo kjo̱a̱cho̱n kꞌuieé ndiꞌaa̱,
kó ngatsjéni̱xtjin nga kꞌuijñá kjo̱a̱kixi̱ xi sa̱ꞌín.
4Xota̱ xi kixi̱i̱ kꞌuieé ngo ndiꞌí xí sa̱ꞌíntsijee̱n ki̱a̱ nínga jñoó.
Ndaxota̱ Néná, tjínrií kjo̱a̱ni̱ma̱takón ko̱jo kixi̱ boá.
5Xota̱ xi nda ini̱ma̱a̱, tjiín kjo̱a̱ni̱ma̱takón, tsꞌénkíyaà to̱n xota̱ xi míyaá,
kó achichí kixi̱ tsꞌén xá xí tsꞌén,
6kuíni nga jmíni̱xtjin kꞌo̱ka.
Xota̱ kixi̱i̱, ngatsjéni̱xtjin nga ndatsꞌèn niꞌánkjaꞌátsjien.
7Jmíni̱xtjin tsakjón má kjiꞌanga ngo ni xi ndajín ntꞌié,
kó ꞌniú tikón ini̱ma̱a̱, ngatꞌa̱ Néná boá xi kjimaꞌniákón.
8Xió tikón ini̱ma̱a̱, ta̱jmìjín ni xi tsakjón má,
ngaskande nga sku̱i̱e̱ nga je ixó kondra̱a̱.
9Tsꞌenkjáꞌasón ni xi tjiín, tsjaá xota̱ xi ni̱ma̱a̱,
ngatsjéni̱xtjin nga kꞌuijñá kjo̱a̱kixi̱i̱,
kó kꞌuieé kjo̱a̱je kjo̱a̱a̱ ngaꞌniuú.
10Kjiꞌanga xota̱ xi ꞌniú ndajiín sku̱i̱e̱, achichí sa̱ꞌínxchán,
ngaskande kjinieya má ṉꞌni̱u̱, ta̱nga si̱ꞌankjie kuí xotaa̱.
Ni xi ꞌniú mejeén xota̱ xi ꞌniú ndajiín, si̱ꞌankjie.
Zur Zeit ausgewählt:
Xo̱jo̱n Salmoo̱ 112: MAIX
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014