หล่าว ย่าง 15
15
ฟิน-เมี่ยน เหธา เซ้ด เมว์ย เญย เหฒะ หน่าน
1เยีย แอ๋ง ปวัด เยียม วั้ว ลู่ง กั้น ม่าย โฮล ไห่, บัวะ ฮ่อง ไห่ เญย ต้ม จั๋ง-โห่. ม่าย เสี่ย เต้า ฟิน-เมี่ยน ต้อ เจี๊ยน เสี่ย หญู่ง เหฒะ หน่าน. น้าย เซ ฆะฮ้า ลาย เญย เหฒะ หน่าน เหว่ย หฒุ ทิน-ฮู่ง หล่ง น้าย เต๋ย โหฒว เหฒียง นิ่น โน์ว ฒุ์ย เญย สี่.
2เยีย แอ๋ง ปวัด ฮนั้ง หล่ง กี๋ง หฒอบ เจี๊ยน โต์ว เญย ค้อย นอ. หย่า ปวัด ฮี่ง เจี๋ย เฮยี่ย กะน้าย เหธา เฮยี่ย กะน้าย เญย ฝัง เหธา นิ่น เญย บั๋ว เญย หฑั่ง วั้ว เต๋ย เมี่ยน. นิ่น บัว โซ้ว เจี๊ยน ค้อย-เฮลน หย่า นั้น เจี๊ยน ทิน-ฮู่ง เหธย ปุน เญย ต้าน ป้า, 3หย่า ป๋าว ทิน-ฮู่ง เญย โปว, โมเซ,#ธ้วด อียิบ 15:1 เญย ฑูง เหธา วั้ว เต้า ปะกี ยู่ง ตอน เญย ฑูง. ฑูง ก๊อง,
“เน่น เจี๋ย เญย เฒี้ยว ทิน-ฮู่ง อ้า!
เม่ย โหฒว เญย สี่ หฒะเก้ง โฮล ไห่, บัวะ ฮ่อง ไห่.
หม่าน กั๊วะ#15:3 หม่าน กั๊วะ ม่าย เต๋ย โล์-ฮนอย โซว ก๊อง กิ๊ดๆ ลู่ง เดี๊ย. เญย ฮู่ง อ้า!
เม่ย โหฒว เญย เจ๊า เซ แป้ง ฟิม เญย, เฒียน เญย.
4เฒี้ยว อ้า! ม่าย หาย เต้า ไม้ ท่าย เม่ย, ไม้ กั้ม เหฑีย เม่ย?
ม่าย หาย เต้า ไม้ เธง เม่ย เญย บั๋ว?#เยเลมี 10:7
เหว่ย หฒุ เม่ย กั้น ธีง-เหฑ่ง ฮนั้ง.
หม่าน กั๊วะ เมี่ยน อ๋อย ต้าย เยียม
เม่ย เญย หฑะเฮมียน ป๋าย เม่ย,#สีง ฑูง 86:9
เหว่ย หฒุ หม่าน เมี่ยน ตุ๊ ปวัด
เม่ย โหฒว เญย สี่ แป้ง ฟิม เญย.”
5ฆะฮ้า เยีย ปวัด เยียม ทิน-ต้อง หฒั่ง ทิน-ฮู่ง เญย เปย๊า คอย ฆอย, ต้ง วั้ว นอม แล์ง แหง่ง หว่า เญย ด๊บ-ลิ่ว.#ธ้วด อียิบ 38:21 6ต้อ เจี๊ยน เสี่ย หญู่ง เหฒะ หน่าน วั้ว เต๋ย เสี่ย เต้า ฟิน-เมี่ยน เยียม หฒั่ง ทิน-ฮู่ง เญย เปย๊า ธ้วด ต้าย. นิ่น บัว ฒุ เจี๊ยน ธีง-เหฑ่ง เญย ล่าม่า เดีย ลุย-โหว บ๊บ แปะ แฒ่งๆ เญย. หย่า ม่าย เจียม-โคว โคว เจี๊ยน หละค้วด. 7วั้ว เต๋ย เปยย เต้า นั่ง เญย กะน้าย ม่าย เต้า เฒาะ เสี่ย นอม เจียม-ปุ้น ปุน วั้ว เต๋ย เสี่ย เต้า ฟิน-เมี่ยน. นอมๆ เจียม-ปุ้น ตั๊บ ปวั๊ง เหยียด ลิ์ว เฒี่ยง เจี๊ยน เถา หม่าน โก๊ว หม่าน ต่อย เญย ทิน-ฮู่ง โน์ว ฒุ์ย เญย สี่. 8หฒั่ง ทิน-ฮู่ง เญย เปย๊า ฯฒฯ ม่าย เสียว ปวั๊ง เหฑ่ง,#ธ้วด อียิบ 40:34; 1 ฮู่ง โต้ว 8:10-11; 2 ฒุ่น ต่อย โต้ว 5:13-14; อิสะยา 6:4 ต้ง เยียม ทิน-ฮู่ง เญย ฌัง-หล่าง เหธา นิ่น เญย ชะ ธ้วด ต้าย เญย เสียว, หย่า ไม้ ม่าย หาย เต้า ไฮ่ เปียะ หฒั่ง ทิน-ฮู่ง เญย เปย๊า. อ๋อย หฒุ ฒั้ว วั้ว เต๋ย เสี่ย เต้า ฟิน-เมี่ยน ต้อ ต้าย เญย เสี่ย หญู่ง เหฒะ หน่าน เจี๋ย เหฑ่ง หธีง ตุ๊ เปียะ.
Zur Zeit ausgewählt:
หล่าว ย่าง 15: IuMiTH
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Mien Bible (Thai Script) © Thailand Bible Society, 2007
